Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Սուրբգրոց ընկերութեան Թուրքիոյ մասնաճիւղի տնօրէնուհի Թամար Գարասուն։ Հանդիպման ներկայ էր նաեւ Տ. Զաքէոս Ծայրագոյն Վարդապետ Օհանեան։
Յայտնի մեներգչուհի Սիպիլի Պէյրութի համերգը դարձած է իսկական գեղարուեստական դէպք մը։ Ան խոր տպաւորութիւն գործած է լիբանանահայ երաժշտասէրներուն վրայ, որոնք ջերմօրէն ողջունած են զինքը։
Երէկ, Պէյօղլուի Ս. Երրորդութիւն եկեղեցւոյ մէջ տեղի ունեցաւ նորոգ հանգուցեալ բազմավաստակ կրթական մշակ Մարի Տէյիրմենճեանի յուղարկաւորութեան արարողութիւնը։ Ինչպէս ծանօթ է, Մարի Տէյիրմենճեանի կորուստը վերջին օրերուն մեծ ցաւ ստեղծած էր համայնքային շրջանակներէն՝ մասնաւորապէս պոլսահայ կրթական համակարգէն ներս։
Համակրելի մեներգչուհի Սիպիլ այս օրերուն կ՚այցելէ Պէյրութ։ Ինչպէս ծանօթ է, մօտաւոր անցեալին նախատեսուած էր Պէյրութի մէջ Սիպիլի համերգը, սակայն, քորոնաժահրի համավարակին հետեւանքով այդ մէկը ակամայ յետաձգուած էր։
Խոր ցաւով վերահասու եղանք, թէ երէկ երեկոյեան ժամերուն ի Տէր հանգած է վաստակաւոր կրթական մշակ Մարի Տէյիրմենճեան, որու կորուստը մեծ ցաւ յառաջացուցած է պոլսահայ կրթական համակարգէն, համայնքային շրջանակներէն ներս, ինչպէս նաեւ, բնականաբար, իր սիրելիներուն մօտ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ մեկնեցաւ Մայր Աթոռ Սուրբ Էջմիածին։ Իր կեցութիւնը պիտի տեւէ շաբաթ մը։ Ամեն. Ս. Պատրիարք Հայրը պիտի մասնակցի Գերագոյն հոգեւոր խորհուրդի ընդլայնուած կազմով նստաշրջանին, որ նախատեսուած է յառաջիկայ շաբթուան մէջ՝ Ամենայն Հայոց Տ.Տ. Գարեգին Բ. Կաթողիկոսի բարձր նախագահութեամբ։
Գալֆաեան Տան մէջ Ս. Վարդանանց տօնին եւ Բուն Բարեկենդանին առթիւ տեղի ունեցաւ հանդէս մը, որ ստեղծեց շատ խանդավառ մթնոլորտ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Իսթանպուլի մօտ Ֆրանսայի աւագ հիւպատոս Օլիվիէ Կովենը։ Ֆրանսացի դիւանագէտը Գումգաբու փութացած էր՝ տեղեկութիւններ քաղելու համար Պատրիարքական Աթոռի գործունէութեան եւ թրքահայ ազգային-եկեղեցական կեանքին շուրջ, ինչպէս նաեւ ծանօթանալու համար Ամեն. Ս. Պատրիարք Հօր։
Էսաեան սանուց միութեան հիմնադրութեան 75-ամեայ յոբելեանը այս շրջանին թրքահայ ազգային-եկեղեցական կեանքի առանցքային իրադարձութիւններէն մին դասուելու ճանապարհին է։ Երէկ, հաճոյքն ունեցանք խմբագրատանս մէջ հիւրընկալելու Էսաեան սանուց միութեան վարչութեան ատենապետուհի Վարդուհի Մսըրլեանը, միութեան հովանիին տակ գործող «Մարալ» համոյթի գեղարուեստական ղեկավար Կարպիս Չափքանն ու յոբելենական կարգադիր յանձնախումբի ատենապետուհի Մարիամ Տրամէրեանը։
Ֆէրիգիւղի Մէրամէթճեան վարժարանէն ներս այս շրջանին իրերայաջորդ կեանքի կոչուեցան ընկերամշակութային բնոյթով ծրագրեր։ Ըստ հայկական հին սովորութեան, Ս. Զատկի ընդառաջ «Ակլատիզ»ներ զետեղուած են դպրոցի շէնքի իւրաքանչիւր յարկէն ներս։
