Երէկ, Սկիւտարի Ս. Կարապետ եկեղեցւոյ մէջ տեղի ունեցաւ նորոգ հանգուցեալ ճարտարապետ Նշան Եաղուպեանի ազգային յուղարկաւորութեան կարգը, որուն նախագահեց Տ. Արամ Արք. Աթէշեան։ Նշան Եաղուպեանի կորուստը վերջին օրերուն մեծ ցաւ ստեղծած էր համայնքային շրջանակներէն ներս։ Ան մասնագիտական գետնի վրայ ծաւալած էր բեղուն աշխատանք՝ մինչ տասնամեակներ շարունակ մեր համայնքին համար ալ մատուցած էր երախտաշատ ծառայութիւն։
Գնալը կղզիի Ս. Գրիգոր Լուսաւորիչ եկեղեցւոյ մէջ, երէկ տեղի ունեցաւ մանկանց աղօթք, որ նախորդեց Ս. Աստուածածնի Վերափոխման տօնին։ Այսպէս, յետմիջօրէին Գնալըի բարձունքին համախմբուեցան բազմաթիւ պատանի հաւատացեալներ, որոնք եկեղեցւոյ մէջ մասնակցեցան աղօթքի։ Արարողութեան հանդիսապետեց Տ. Յարութիւն Վրդ. Տամատեան։
Գնալը կղզիի մէջ երէկ սկսաւ Շիշլի մարզակումբի պատուոյ նախագահներէն հոգելոյս Ղազարոս Ունանի յիշատակին կազմակերպուած վոլէյպոլի մրցաշարքը, որուն կը մասնակցի տասն խումբ։
Քամփ-Արմէնի վերակառուցման նպատակով ստեղծուած յանձնախումբը նախընթաց օր հանդիպում մը ունեցաւ Իսթանպուլի գլխաւոր քաղաքապետ Էքրէմ Իմամօղլուի հետ։ Կէտիկփաշայի Հայ Աւետարանական եկեղեցւոյ հովիւ վերապատուելի Գրիգոր Աղապալօղլուի կողմէ գլխաւորուած խումբը քաղաքապետին հետ տեսակցեցաւ Էմիրկեանի Սպիտակ ապարանքին մէջ։
Տ. Մաշտոց Քհնյ. Գալփաքճեանի «Կեանքը որ կ՚ապրինք» յօդուածներու ժողովածոն երէկ Գնալըի Ս. Գրիգոր Լուսաւորիչ եկեղեցւոյ մէջ ներկայացուեցաւ մտերմիկ հաւաքոյթով մը։
Հատորը բազմակողմանի աշխատանքով կազմած բանասէր Վարանդ Քորթմոսեան, որ այս օրերուն հիւրաբար քաղաքս կը գտնուի, պոլսահայ ընթերցասէրներու հետ բաժնեց իր խորհրդածութիւնները՝ մանաւանդ հեղինակին ծանօթանալու հնարաւորութեան եւ վառ տպաւորութիւններուն լոյսին տակ։
Արամ Կոստանեանի ուրոյն ոճով մէջբերումները դուռ բացին յօդուածագրի մտահորիզոններուն հաղորդ դառնալու։ Փոքրիկն Նայիրա Այտընի երաժշտական կատարումները արժանացան ծափահարութիւններու։
Սուրբ Աստուածածնի Վերափոխման տօնին առթիւ կազմակերպուած ուխտագնացութեան ծիրէն ներս Ամեն. Ս. Պատրիարք Հայրը երէկ շփումներ ունեցաւ Մերսինի մէջ:
Նորին Ամենապատուութիւնը ընդունուեցաւ կուսակալին եւ գլխաւոր քաղաքապետին կողմէ, յետոյ յաջորդաբար այցելեց Սուրբ Միքայէլ յոյն ուղղափառ եւ Սէն թ՚Անթուան լատին կաթոլիկ եկեղեցիները:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այսօր ուղեւորութեան մը կը ձեռնարկէ դէպի գաւառ։ Ս. Աստուածածնայ տաղաւարին ընդառաջ Ամեն. Ս. Պատրիարք Հայրը այցելութիւն կը շնորհէ Թուրքիոյ հարաւային շրջաններու քաղաքներու մերազն ժողովուրդին։
Տ. Մաշտոց Քհնյ. Գալփաքճեանի «Կեանքը որ կ՚ապրինք» յօդուածներու ժողովածոյի ներկայացման ձեռնարկ:
Բանասէր Վարանդ Քորթմոսեան Գնալը կղզիի մէջ կը ծանօթացնէ՝ իր իսկ կազմած ծաւալուն եւ յատկանշական հատորը:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի օրհնութեամբ, յաջորդ շաբաթ Գնալը կղզիի մէջ մարզական փառատօն մը տեղի պիտի ունենայ՝ ի յիշատակ Պատրիարքական Աթոռի հոգելոյս գահակալ երջանկայիշատակ Տ. Մեսրոպ Արք. Մութաֆեանի։
Գնալը կղզիի մէջ «Մենք երգենք, մենք պարենք» նախագծի ծիրէն ներս կազմակերպուած համերգաշարը կը շարունակուի խանդավառ մթնոլորտով։ Գարակէօզեան Տան Գնալը կղզիի Կազդուրման կայանի «Գրիգոր Ճամպազեան» խաղավայրին մէջ նախընթաց օր տեղի ունեցաւ այս համերգաշարի հերթական փուլը։
