Շիշլի մարզակումբը այս տարի իսկական յաղթարշաւ մը կ՚իրականացնէ։ Ակումբի զանազան խումբերը ցարդ բաժակներ, մետայլներ եւ ախոյենութիւններ նուաճած են։ Մինչ այդ, Գնալը կղզիի մէջ կը շարունակուին նաեւ ակումբի ամառնային դասընթացները, որոնք պատանի եւ երիտասարդ մարզիկներու անմիջական հետաքրքրութեան առարկայ կը դառնան։
Խոր ցաւով վերահասու եղանք, թէ երէկ երեկոյեան Սուրբ Փրկիչ Ազգային հիւանդանոցին մէջ իր մահկանացուն կնքած է մեր համայնքի երէց սերունդի վառ ներկայացուցիչներէն Նշան Եաղուպեան։ Ճարտարապետական ոլորտէ ներս ան կը համարուէր իսկական հեղինակութիւն մը։
18 Haziran 2022 tarihinde yayınlanan seçim yönetmeliği, Hastanemiz hariç tüm Vakıflarımıza seçim yapma imkanı tanımıştır. Yönetmeliğe göre seçim çevreleri Milletvekili seçim Bölgeleri olarak belirlenmiştir.
Մեր համայնքի արժէքաւոր երիտասարդներէն Շանթ Գազանճըի աստղը վերջին շրջանին կը փայլի մարզական աշխարհէն ներս։ Այսպէս, ան ֆութպոլի մէջ վերելք կ՚արձանագրէ, ինչ որ մեծ ուրախութեամբ եւ գնահատանքով կ՚ընկալուի ամբողջ համայնքին կողմէ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան եւ Ուղղափառ եկեղեցւոյ Տ.Տ. Պարթոլոմէոս Ա. Ծայրագոյն Պատրիարքը շաբաթավերջին եղբայրական հանդիպում մը ունեցան Գնալը կղզիին մէջ։ Հարկ է նշել, որ Պարթոլոմէոս Ա. Պատրիարք Գնալը կղզի փութացած էր նախագահելու համար յունաց Մեթամորֆոսիս (Այլակերպութիւն) վանքի տօնախմբութեան։
Ամեն. Ս. Պատրիարք Հայրը պատուեց «Արաս»ի լոյս ընծայած «Կապոյտ երազ» գիրքին շնորհանդէսը:
Սեւան Տէյիրմենճեան կղզիի բարձունքին ներկայացուց իր կողմէ հրատարակութեան պատրաստուած հետաքրքրական հատորը:
Պէյօղլուի Ս. Եկեղեցեաց թաղային խորհուրդի ատենապետ իրաւաբան Սիմոն Չեքէմ դատ բացած է՝ Թուրքիոյ ոչ-իսլամ փոքրամասնութեանց համայնքային վաքըֆներու ընտրութեան համար հաստատուած նոր կանոնադրութեան դէմ։ Ընկերային ցանցերու վրայ այս մասին շրջանառութեան մէջ մտած են զանազան տեղեկութիւններ, որոնց կցուած է նաեւ տեսանիւթ մը, ուր կ՚երեւի Սիմոն Չեքէմի կողմէ դատական իշխանութիւններուն յղուած դիմումնագրի առաջին էջին մէկ մասը։
Խոր ցաւով վերահասու եղանք, որ երէկ Տիարպաքըրի մէջ իր մահկանացուն կնքած է թրքահայ երէց սերունդի գաւառի տիրական ներկայացուցիչներէն Աստղիկ Աթէշ-Պաքըր։ Հանգուցեալը, որ 1930-ին ծնած էր, հարազատ քոյրն է Պատրիարքական Աթոռի երէց միաբան Տ. Արամ Արք. Աթէշեանի, նաեւ մեծ մայրը՝ Տ. Մաղաքիա Աբեղայ Պեսքիսիզեանի։
Երէկ երեկոյեան, Գնալը կղզիի մէջ տեղի ունեցաւ «Մենք երգենք, մենք պարենք» համերգաշարի հերթական երեկոյթը։ Կազդուրման կայանի «Գրիգոր Ճամպազեան» խաղավայրին մէջ տեղի ունեցաւ այս խանդավառ ձեռնարկը, զոր պատուեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որու կողքին էր կղզեաց հոգեւոր հովիւ Տ. Յարութիւն Վրդ. Տամատեան։
Թրքահայ վաքըֆներու միութիւնը երէկ երեկոյեան ժողով մը գումարեց Սուրբ Փրկիչ Ազգային հիւանդանոցի «Կոմիտաս» սրահին մէջ, իրաւաբաններու ներկայութեամբ:
Շիրինօղլու. «Սա մեր վերջին բախտն է»:
Նոր կանոնադրութեան հրապարակումէն վերջ, պատկան իշխանութիւններու պատասխանատուներուն հետ կատարուած շփումներու լոյսին տակ համայնքային վարիչները կը սկսին շօշափելի քայլեր առնելով ընտրութեան համար գործնական գետին մը պատրաստել:
ERVAB-ի հարթակին վրայ վերահաստատուեցան նախապէս ստեղծուած ընտրական մարմիններու կազմերը՝ չնչին փոփոխութիւններով: Իւրաքանչիւր ընտրաշրջանի համար հասարակաց ընտրական մարմիններ ստեղծելու տեսակէտէ որեւէ խոչընդոտ չկայ: Ընտրողներու ցուցակներու այժմէականացման գործընթացին ժամ առաջ ձեռնարկելը հրատապ օրակարգ:
