Թրքահայ կեանք

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Նարլըգաբուի Ս. Յովհաննէս Աւետարանիչ եկեղեցւոյ թաղային խորհուրդի անդամները՝ գլխաւորութեամբ ատենապետ Հերման Կիւրճեանի։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ նախագահեց Գուզկունճուքի Ս. Գրիգոր Լուսաւորիչ եկեղեցւոյ արարողութեանց։ Ս. Պատարագը մատոյց Տ. Պետրոս Քահանայ Պուլտուքեան։

Էյուպի Ս. Աստուածածին եկեղեցին որոշ ժամանակ առաջ նորոգութեան եւ բարեզարդման աշխատանքներու պատճառաւ պաշտամունքի փակուած էր։ Ուստի, այսօր, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի ձեռամբ, կը կատարուի եկեղեցւոյ պաշտամունքի վերաբացումը։

Գարակէօզեան տան հիմնադրութեան 110-ամեակը այս շրջանին թրքահայ ազգային-եկեղեցական կեանքին տեսակէտէ կարեւոր իրադարձութիւն մը կը համարուի։ Թէ՛ հաստատութեան պատմական առաքելութիւնը եւ թէ արդի տարեգրութեանց մէջ ապահոված ձեռքբերումները կը բիւրեղացնեն այս յոբելեանին նշանակութիւնը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Ալթըմէրմէրի Գլխադիր Ս. Յակոբ եկեղեցւոյ Եկեղեցասէր տիկնանց կազմի անդամները՝ գլխաւորութեամբ Սիլվա Ալաչամի։ Ներկայ էր նաեւ Տ. Գասպար Աբեղայ Կարապետեան։

Շիշլի մարզակումբի վարչութեան նախաձեռնութեամբ փինկ-փոնկի մրցաշարք մը կազմակերպուեցաւ՝ ի յիշատակ հոգելոյս Արեգ Գույումճեանի։ Այս վերջինը եղած էր ակումբի նախկին մարզիկներէն, վարչայիններէն եւ ամբողջ կեանքին տեւողութեամբ ներգրաւուած էր մարզական գործունէութեան։

Տ. Արամ Արք. Աթէշեան նախագահեց Ս. Երրորդութիւն եկեղեցւոյ երէկուան արարողութիւններուն:
Շարականագէտ Նշան Սրկ. Չալկըճեանին յանձնուեցաւ Ամենապատիւ Սրբազան Պատրիարք Հօր օրհնութեան գիրը:

Երէկ երեկոյեան, Ֆէրիգիւղի «Նազար Շիրինօղլու» սրահին մէջ նշուեցաւ «Բարեկամ» խմբակի հիմնադրութեան չորրորդ տարեդարձը։ Ձեռնարկի պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որու կողքին էին Տ. Արամ Արք. Աթէշեան եւ քահանայ հայրեր։

Ամանորի ընդառաջ Կեդրոնական վարժարանին ի նպաստ երէկ կազմակերպուած քէրմէսը համայնքային կեանքէն ներս արժանացաւ ուշադրութեան եւ գնահատանքի։ Ծնողաց միութեան այս նախաձեռնութիւնը կեանքի կոչուեցաւ Սեբաստահայոց միութեան երդիքին տակ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր հիւրընկալեց Պատրիարքարանի տնտեսական յանձնախումբի անդամները։ Հարկ է նշել, որ յանձնախումբի կազմը վերջերս համալրուած է։