Պալաթի Ս. Հրեշտակապետաց եկեղեցւոյ մէջ Տ. Արամ Արք. Աթէշեան երէկ նախագահեց Խաչվերացի տօնակատարութիւններուն, որոնց ընթացքին խօսեցաւ քարոզ մը։ Ս. Պատարագը մատոյց Տ. Ներսէս Քհնյ. Այվազեան։
Գնալը կղզիի Ս. Գրիգոր Լուսաւորիչ եկեղեցւոյ մէջ Խաչվերացի տաղաւարին նախորդած երեկոյեան տեղի ունեցաւ հսկում եւ բժշկութեան աղօթք՝ հանդիսապետութեամբ Տ. Յարութիւն Վրդ. Տամատեանի, որ խօսեցաւ նաեւ քարոզ մը։ Ներկայ էին նաեւ Պատրիարքական փոխանորդ Տ. Գրիգոր Աւ. Քհնյ. Տամատեան եւ Սայաթ Սրկ. Չընարեան։
Երէկ, Տ.Տ. Գարեգին Բ. Ամենայն Հայոց Կաթողիկոսը Մայր Աթոռ Սուրբ Էջմիածնի մէջ ընդունեց՝ Հայկական բարեգործական ընդհանուր միութեան (ՀԲԸՄ) Պուէնոս Այրէսի «Մարի Մանուկեան» վարժարանի աւարտական դասարանի աշակերտները։
Արեւմտեան Եւրոպայի հայրապետական պատուիրակ եւ Վատիկանի Սուրբ Աթոռին մօտ Ամենայն Հայոց Կաթողիկոսի մշտական ներկայացուցիչ Տ. Խաժակ Արք. Պարսամեան երէկ Սուրբ Պետրոսի հրապարակին վրայ մասնակցեցաւ Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապի շաբաթական ընդհանուր ունկնդրութեան։
Իտալիոյ նախկին վարչապետ, Եւրոյանձնաժողովի նախկին նախագահ Ռոմանօ Փրոտի, որ այս օրերուն կը գտնուի Հայաստանի մէջ, ուր Երեւանի Պետական համալսարանին կողմէ պատուոյ տոքթորի կոչման արժանացած է, վերջին օրերուն հիւրընկալուեցաւ ամենաբարձր մակարդակի վրայ։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Ֆրանսայի նորանշանակ դեսպան Օլիվիէ Տըքոթինյին։ Զրոյցի ընթացքին Վեհափառ Հայրապետը դեսպանին բարեմաղթութիւններ ըրաւ, որպէսզի արդիւնաւոր առաքելութիւն ունենայ Հայաստանի մէջ։
Երէկ, Գնալը կղզիի Ս. Գրիգոր Լուսաւորիչ եկեղեցւոյ մէջ նշուեցաւ տեղւոյն Ներսէսեան դպրաց դասու տարեդարձը։ Կիրակնօրեայ Ս. Պատարագը մատոյց Տ. Յարութիւն Վրդ. Տամատեան, որ խօսեցաւ նաեւ քարոզ մը։
Երէկ, Տ.Տ. Գարեգին Բ. Ամենայն Հայոց Կաթողիկոսը Մայր Աթոռ Սուրբ Էջմիածնի մէջ հիւրընկալեց Արցախէն շուրջ 35 երիտասարդներ։ Նորին Սրբութիւնը երիտասարդներուն յորդորեց՝ անկոտրուն կամքով շարունակել իրենց պայքարը յանուն Արցախի ազատ, անկախ ու անվտանգ կեանքի իրաւունքին։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այս առաւօտ մեկնեցաւ Վան։ Յառաջիկայ շաբթուան Խաչվերացի տօնին ընդառաջ Վանայ լճի Աղթամար կղզիի՝ այժմ թանգարանի վերածուած Ս. Խաչ եկեղեցւոյ մէջ այս տարուան Ս. Պատարագը պիտի մատուցուի այս կիրակի։
Լեհաստանէ ներս Հայաստանեայց Առաքելական Եկեղեցւոյ Արքեպիսկոպոսութեան հիմնադրութեան 655-ամեակին առթիւ վերջերս յոբելենական տօնակատարութիւններ տեղի ունեցան Քրաքովի մէջ։ Տեղւոյն Վաւելի Մայր տաճարին մէջ կազմակերպուած միջեկեղեցական աղօթքին ներկայ գտնուեցաւ Քրաքովի Մարեք Ետրաշեւսքի մետրապոլիտը
