Արխիւ

ՍԱԳՕ ԱՐԵԱՆ

Գաղտնիք չէ, որ սփիւռքի ողջ տարածքին այսօր աւելի քան որեւէ ժամանակ, մեծապէս «այժմէական» կը շարունակէ մնալ հայագաղութներու երիտասարդացման, հայկական կառոյցներու նորոգելիութեան հիմնահարցը։ Խօսքը անշուշտ նեղ պրիսմակէ մը դիտարկուելիք խնդիր չէ, որովհետեւ այսօրուան աշխարհին մէջ նման խնդիր մը՝ առնչուած չէ միայն հայկական սփիւռքին կամ հայութեան։

Գրաբարէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Իսկ այն, որ Ոսկեբերանը Տիրոջ վարդապետութեան եւ նշաններուն համար կ՚ըսէ. նախ՝ որովհետեւ անոնցմէ մէկուն օգուտը երբեմն միւսէն առաջ կ՚ըլլար: Երկրորդ, որպէսզի իրարու վկաներ ըլլան, այսինքն՝ նշաններուն քարոզութիւնը եւ քարոզութեան նշանին հաստատութիւնը:

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Այսօր եւս մեր շա՜տ սիրելի ընթերցող բարեկամներուն կը ներկայացնենք Գրիգոր Զօհրապէ հատուած մը՝ «Կոտրելէն ետքը»։
Արդարեւ, կան հատուածներ, որոնք թուականի հաշուով որքան ալ «հին» համարուին, մշտանորոգ են, քանի որ անոնց մէջ կը գտնուի «կեանքի դաս»եր, կեանքի փորձառութիւններ։ 

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Մարդաշատութեան կամ բազմամարդութեան հարցը՝ «բնակչութեան հարց» մըն է՝ զանազան տեսակէտներով, որ երբեմն մտահոգութեան, երբեմն ալ գոհունակութեան առարկայ է դարձած կարգ մը երկիրներու մէջ։
Աշխարհի վրայ կան երկիրներ, որոնք բազմամարդութենէ «կը տառապին»։ 

ՇԱՔԷ ՄԱՐԳԱՐԵԱՆ

«Ծնած եմ Մոսկուա: Ինը տարի անցուցած եմ ռինկէն ներս: ...Շատ մասնագիտութիւններ փոխած եմ: Քսաներկու տարեկանիս ինծի կը մնար միայն դերասան դառնալ:

Հայաստանի վարչապետ Նիկոլ Փաշինեան վերջին օրերուն հանդիպում մը ունեցաւ երկրի նորանշանակ Ազգային անվտանգութեան ծառայութեան (ԱԱԾ) տնօրէն Եդուարդ Մարտիրոսեանի եւ նոյնպէս նորանշանակ Ոստիկանութեան պետ Արման Սարգսեանի հետ։ «Արմէնփրէս»ի հաղորդումներով, հանդիպման ընթացքին Նիկոլ Փաշինեան կարեւորեց ԱԱԾ-է եւ Ոստիկանութենէ ներս զարգացման ուղղեալ բարեփոխումներու իրականացումը։

Հայաստանի Հանրապետութեան նախագահ Արմէն Սարգսեան երէկ հեռախօսազրոյց մը ունեցաւ Իսրայէլի պետութեան նախագահ Ռէուվեն Ռիվլինի հետ։ Պաշտօնական աղբիւրներու հաղորդումներով, նախագահները տեղեկութիւններ փոխանակեցին Հայաստանէ եւ Իսրայէլէ ներս քորոնաժահրի վարակի տարածման առկայ վիճակին, համաճարակի կանխարգիլման ու յաղթահարման ուղղութեամբ ձեռնարկուած քայլերուն շուրջ։

1. Քորոնաժահրի յառաջացուցած վարակի պատճառաւ ներհամայնքային զօրակցութիւնը ապահովելու առաջադրութեամբ իրագործելի համակարգեալ աշխատանքները յարմար դատուած է որ Հայ հիմնարկներու միութեան երդիքին տակ կատարուին։ Որովհետեւ համայնքի աղքատ եւ տարեցներուն հասնելու նպատակաւ այժմու վարչական դրութեան օգտագործումը կը նկատուի ազդու միջոց։

ԱՐԱ ԳՕՉՈՒՆԵԱՆ

Ամեն. Ս. Պատրիարք Հօր օրհնութեամբ եւ խրախուսական յորդորներով՝ քորոնաժահրի համաճարակի դէմ պայքարի մթնոլորտին մէջ կարեւոր ու գործնական նախաձեռնութիւն:
Թրքահայ վաքըֆներու միութեան հովանոցին ներքեւ կեանքի կը կոչուի ծրագիր մը, որու նպատակն է նպաստել մեր համայնքի տարեցներու եւ համեստ խաւերէ անդամներու կենսական կարիքներու դիմագրաւումը:
Իսթանպուլի հայաբնակ թաղամասերու հիման վրայ կատարուած է 7 շրջաններու բաժանմունք մը. իւրաքանչիւրը ընկերային օժանդակութիւններու համակարգման կէտի մը ձեւով կազմակերպուած է՝ իր քարտուղարութիւնով, փոխադրամիջոցներով եւ կամաւորներով:
Իրերօգնութեան այս ջանքերու յաջողութիւնը կախում ունի առաջին հերթին հաղորդակցութեան արդիւնաւէտ դրութեան մը հաստատուելէն: Ամբողջ թրքահայութեան կը վիճակի պատասխանատուութիւն: