Արխիւ

ԱՄՆ-ի եւ Իրանի զօրքերը հարուածներ փոխանակեցին Պարսից ծոցի մէջ, բայց, հրադադարը կը պահպանուի:
Ըստ WSJ-ի՝ Ուաշինկթըն կը ձգտի քսան տարուան դիտարկում մը հաստատել Թեհրանի կողմէ ուրանիումի հարստացման ծրագրի պարագային: Թրամփ Լուլա տա Սիլվան վստահեցուցած է, թէ մտադրութիւն չունի Քուպա ներխուժելու:

Երէկ, Հայաստանի արտաքին գործոց փոխ-նախարար Ռոպերթ Աբիսողոմոնեան Երեւանի մէջ տեսակցեցաւ «Քոնրատ Ատենաուէր» հիմնադրամի ներկայացուցիչներուն հետ։ «Երեւանեան երկխօսութիւն» միջազգային համաժողովի շրջանակներէն ներս տեղի ունեցաւ զրոյցը՝ քանի յիշեալ հիմնադրամի ներկայացուցիչները մասնութիւն բերած էին քննարկումներուն։ 

Ամերիկայի Միացեալ Նահանգներու պետական քարտուղար Մարքօ Ռուպիօ երէկ Վատիկանի մէջ հիւրընկալուեցաւ Հռոմէական Կաթոլիկ եկեղեցւոյ քահանայապետ Լեւոն ԺԴ. Սրբազան Պապին կողմէ։ Զրոյցի ընթացքին կողմերը ընդգծեցին ԱՄՆ-ի եւ Սուրբ Աթոռի ամուր յարաբերութիւնները։

Երէկ երեկոյեան, քաղաքիս Հոլանտայի հիւպատոսարանին մէջ տեղի ունեցաւ «Տակաւին այստեղ ենք» խորագրեալ ձեռնարկ մը: Մետիայի եւ իրաւունքի աշխատանքներու միութեան կողմէ կազմակերպուած էր այս երեկոյթը՝ 3 մայիսի Համաշխահային մամլոյ ազատութեան օրուայ շրջանակներէն ներս: 

Երէկ, Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան հիւրընկալեց Եշիլգիւղի վարժարանի 6-րդ դասարանի աշակերտները, որոնց ընկերացաւ ուսուցչուհի Ժանէթ Զէյֆիեան: Ամեն. Ս. Պատրիարք Հօր կողքին էին Տ. Նաթան քահանայ Արապեան եւ Տ. Արսէն քահանայ Էքինճեան: 

Ֆէրիգիւղի Մէրամէթճեան վարժարանը այս տարի եւս կազմակերպեց աւանդական ճատրակի մրցաշարքը, որ 19-րդն էր իր նմաններու շարքին: Միջվարժարանային այս նախաձեռնութիւնը պսակուեցաւ յաջողութեամբ: Համայնքային ինն վարժարանէ 66 աշակերտ մասնակցեցաւ մրցաշարքին:

Երէկ երկոյեան, «Աթաթիւրք» մշակութային կեդրոնին մէջ տեղի ունեցաւ հանդիսաւոր համերգ մը, որ կազմակերպուած էր Պէյօղլուի գաւառապետութեան եւ Կրթական տնօրէնութեան համատեղ նախաձեռնութեամբ: «Հարազատ ձայներու երգչախումբ» անուանումով հանդէս եկաւ բազմանդամ խումբ մը, որ բաղկացած էր Պէյօղլուի շրջանի քսանմէկ դպրոցի 175 աշակերտէն:

ՅԱԿՈԲ ՏԻՒՆԵԱՅԵԱՆ

8 մայիսին կանգ կ՚առնենք նշելու ծննդեան փառաշուք տարեդարձը Զարթօնքի սերունդի այն կարկառուն տաղանդներէն մէկուն, որ կը կոչուի Եղիա Տէմիրճիպաշեան (Կ. Պոլիս, Խասգիւղ, 8 մայիս 1851 - Կ. Պոլիս, 19 յուլիս 1908 ), որուն ծնունդը 12 օրով կանխեր էր իրեն տարեկից, հանճարեղ բանաստեղծ Պետրոս Դուրեանի ծննդեան թուականէն (20 մայիս 1851) եւ շուրջ եօթ ամիսով՝ Արփիար Արփիարեանի ծննդեան թուականէն (21 դեկտեմբեր 1851), որուն հետ նոյն տարին (1908 թ.) ան կնքած էր իր մահկանացուն. Արփիարեան՝ իր դէմ գործադրուած սպանութեամբ, իսկ Տէմիրճիպաշեան՝ անձնասպանութեամբ:

ԱՐԱՄ ԱԲՐԱՀԱՄԵԱՆ

Գիտեմ, որ ընթերցողներէն շատերը ինձ հետ համաձայն չեն ըլլար, բայց, որպէս մարդ` ես համերաշխ եմ Ուքրայնայի ժողովուրդին հետ, որ աւելի քան չորս տարիէ ի վեր կը դիմակայէ Ռուսաստանի բռնութեան։