Արխիւ

Նախարար Արա Այվազեան. «Ուժի կիրառումով ստեղծուած իրողութիւնները չեն կրնար օրինական ըլլալ»:
Հայաստան երկրորդ անգամ դարձաւ ԵԱՀԿ-ի Անվտանգութեան համագործակցութեան ֆորումի շրջանային նախագահ երկիրը:

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ ընդունեց Հայ յեղափոխական դաշնակցութեան պիւրոյի ներկայացուցիչ Յակոբ Տէր-Խաչատուրեանը։

ՍԱԳՕ ԱՐԵԱՆ

Վերջին մէկ շաբթուան ընթացքին լիբանանցիք ոգի ի բռնին կը հետեւին դատական համակարգէն ներս ստեղծուած բարդութիւններու, որոնք ծնունդ առին յատկապէս դատախազ Ղատա Աունի կողմէ «Մըքաթթաֆ» ֆինանսական կազմակերպութեան հետ կապուած դատաիրաւական քննութեան մը սկսելուն հետ։

ԱՐԵՒԻԿ ՊԱՊԱՅԵԱՆ

Պատերազմը մեզմէ շատ բան խլեց. ժպիտ, լիաթոք ծիծաղ, գունեղ երազներ... Ես այլեւս անկարող եմ լսելու հայրենասիրական երգեր, առհասարակ երաժշտութիւն չեմ կրնար մտիկ ընել, ինչպէս նաեւ անկարող եմ առանց սրտի կսկիծի, չոր աչքերով նայիլ փողոցի մէջ ինծի հանդիպած զինուորական համազգեստ կրող մեր քաջերուն:

ԵՐԱՄ

​Աւելի քան հինգ տարիէ ի վեր այս գործը կ՚ընէ արդէն։ Ռուսաստանէն վերադարձին, դեռ քսան տարեկան, երբ ձախողեր էր իր վրայ դրուած բոլոր յոյսերը իբր պանդուխտ, ու ձեռքերը գրեթէ պարապ վերադարձեր էր հայրենի գիւղ՝ բազմած Արայի լանջին, դրացի Մկուչենց տունէն գտեր էր գործիքն այս։

Ճաբոնի մէջ Քոքօ անունով կատուն մէկ օրով նշանակած են ոստիկանութեան բաժնի ղեկավար։ Այսպէս, Ճաբոնի մէջ Քոքօ անունով կատուն մէկ օրով նշանակուած է Տոիամա քաղաքի ոստիկանութեան բաժանմունքի ղեկավար՝ փրկելու համար տեղւոյն բնակիչներէն մէկուն կեանքը:

Ճազի միջազգային օրը հայազգի ճազի արուեստագէտները ելոյթ կ՚ունենան Սիրահարներու այգիէն ներս։ Այսպէս, Ճազի միջազգային օրը՝ ապրիլի 30-ին, համերգներ կը կազմակերպուին Երեւանի Սիրահարներու այգիին մէջ:

ԱՐԱՄ ԱԲՐԱՀԱՄԵԱՆ

Հայկական Ֆէյսպուքի մէջ երէկ կիրքեր բորբոքուած էին 20-րդ դարու նշանաւոր քաղաքական գործիչ Մահաթմա Կանտիի արձանի Երեւանի մէջ տեղադրման կապակցութեամբ։ Արդէն առիթ ունեցած եմ գրելու, որ եթէ որեւէ արձանի տեղադրումը վէճեր կը յառաջացնէ, ապա աւելի լաւ է ձեռնպահ մնալ այդ քայլէն կիրքերը չբորբոքելու համար՝ մանաւանդ մեր այս անհանգիստ ժամանակաշրջանին։

Կառավարութեան կազմին մէջ երէկ կատարուեցան փոփոխութիւններ։ Սա թէ՛ Նախարարաց խորհուրդի կառուցուածքին եւ թէ կազմին վերաբերեալ փոփոխութիւն մըն է։