Արխիւ

Ամենայն Հայոց Կաթողիկոսութեան Տեղեկատուութեան համակարգին կողմէ յայտարարութիւն:
Մայր Աթոռ Սուրբ Էջմիածինը պախարակեց Ատրպէյճանի հակամարդկային եւ հակաբարոյական գործողութիւնները:

ՎԱՐԱՆԴ ՔՈՐԹՄՈՍԵԱՆ

-Ո՜վ Ռոնտա. մարդիկ մեզմէ “հիճապ” կ՚ուզեն:
-Աւելի լաւ է, որ անոնց փոքրիկ խաչեր տաք:

ԱՐԱՄ ԱԲՐԱՀԱՄԵԱՆ

«Հայկական ռազմաւարի պուրակի» բացումը զիս առանձնապէս չի հետաքրքեր Ալիեւի մարդատեացութեան (ոչ միայն հայատեացութեան) եւ ցինիզմի տեսանկիւնէն։ Պարզ է, որ մեզի հետ պատերազմի մէջ Ատրպէյճանի եւ Թուրքիոյ տարած յաղթանակէն վերջ ան պէտք է ամէն ինչ ընէ մէկ կողմէ՝ մեզի ցաւ պատճառելու, նուաստացնելու, միւս կողմէ՝ սեփական հասարակութեան ոգեւորութիւնը որքան հնարաւոր է երկարաձգելու համար։

Արմէն Սարգսեան խորհրդակցեցաւ Գիտութիւններու ազգային ակադեմիայի ղեկավարութեան հետ:
Հայաստանի մէջ կրթութեան ու գիտութեան ոլորտի օրէնսդրութիւնը փոփոխութեան ենթարկելու նախաձեռնութիւն:

Յունաստանի Արտաքին գործոց նախարար Նիքոս Տենտիաս այսօր Թուրքիա կ՚այցելէ՝ Արտաքին գործոց նախարար Մեւլիւտ Չավուշօղլուի հրաւէրին ընդառաջ։ Իրականութեան մէջ, այս այցելութիւնը տեղի պիտի ունենար երէկ, սակայն օր մը յետաձգուեցաւ՝ ՆԱԹՕ-ի անդամ երկիրներու արտաքին գործոց եւ պաշտպանութեան նախարարներու ժողովին պատճառով։

Կեանքէն հեռացած է Հայաստանի Հանրապետութեան վաստակաւոր արուեստագէտ Դերենիկ Մարտիրոսեան։ Մահացած է Հայաստանի վաստակաւոր արուեստագէտ Դերենիկ Մարտիրոսեան, որ եղած է Երեւանի «Յովհաննէս Թումանեան» պետական տիկնիկային թատրոնի յառաջատար դերասան, բեմադրիչ, հեղինակ։

Աստուածաշունչի ընկերութեան Արաբական ծոցի երկիրներու մասնաճիւղի ընդհանուր քարտուղար տքթ. Հրայր Ճէպէճեան ցաւակցական մը հրապարակած է Մխիթարեան միաբանութեան երիցագոյն անդամներէն Հայր Յարութիւն Վրդ. Պզտիկեանի վախճանման կապակցութեամբ։ Ան այս ցաւակցականը ուղարկած է Թուրքիոյ կաթողիկէ հայոց վիճակաւոր Տ. Լեւոն Արք. Զեքիեանին, որ Մխիթարեան միաբանութեան քահանայապետական պատուիրակն է։

Ամերիկայի Միացեալ Նահանգներու նախագահ Ճօ Պայտըն եւ Ռուսաստանի նախագահ Վլատիմիր Փութին երէկ ունեցան հեռախօսազրոյց մը։ Երկու ղեկավարներու շփումը տեղի ունեցաւ՝ երբ Ուաշինկթըն-Մոսկուա առանցքին վրայ ստեղծուած է ծայր աստիճան լարուած իրադրութիւն մը։

Սիսի երբեմնի կաթողիկոսարանի եւ մայր տաճարի համալիրի սեփականութեան իրաւունքը վերաձեռքբերելու համար Մեծի Տանն Կիլիկիոյ Կաթողիկոսութեան կողմէ բացուած դատի՝ գործնականօրէն առաջին նիստը տեղի ունեցաւ 30 մարտին, իսկ յաջորդ ունկնդրութիւնը նախատեսուած է 6 մայիս 2021 թուականին:
Քոզանի Երկրորդ Նախադատ ատեանը որոշեց ձեռնարկել դիմումի վերաբերեալ բուն պահանջներու քննարկման: Տ.Տ. Արամ Ա. Կաթողիկոսի գլխաւորութեամբ Անթիլիասի իրաւական յանձնախումբը անմիջական ուշադրութեան կը հետեւի նորութիւններուն:
Իրաւաբան Ճեմ Սոֆուօղլու ԺԱՄԱՆԱԿ-ին յայտարարեց. «Իրադարձութիւնը դրական է, հակափաստարկները մերժուած են եւ դատավարութիւնը բնականոն ընթացքի մէջ կը գտնուի»: