Արխիւ

Հայաստանի Մարդու իրաւանց պաշտպան Արման Թաթոյեան յայտարարեց, որ Ատրպէյճանի նախագահ Իլհամ Ալիեւի յայտարարութիւնները պէտք է անհրաժեշտ արձագանգի արժանանան, որպէսզի կանխուին եւ յառաջ չերթան՝ մարդու իրաւանց տեսակէտէ աւելի ծանր հետեւանքներ։

ԱՐԱ ԳՕՉՈՒՆԵԱՆ

Թուրքիա եւ ԱՄՆ տասնամեակներ շարունակ կայուն յարաբերութիւններ յառաջ տարած են՝ որպէս ռազմավարական դաշնակից։ Անոնց յարաբերութիւններուն բնոյթը շատ ատեն համագործակցութիւնը կանխատեսելի հունի մը մէջ պահած է կարմիր գիծերու նկատմամբ երաշխաւորուած յարգանքով հանդերձ։

ՄԱՔՍԻՄ ԿՈՐՔԻ
Թրգմ. ՊԵՐՃՈՒՀԻ ՏԱՅԵԱՆ-ՄԱԿԱՐԵԱՆ

Անգամ մը աշնան պատահեցաւ, որ շատ անհաճոյ եւ անպատեհ դիրքի մը մատնուիմ, հազիւ թէ քաղաք ոտք կոխած էի, տեսայ, թէ տասնոց մը իսկ չկար գրպանիս մէջ պանդոկ մը գիշերելու համար։
Հագուստներս մաս առ մաս ծախելէ վերջ, առանց որոնց կարելի կ՚ըլլար կեանքը դարձեալ շարունակել, եկայ թաղամաս մը, ուր ամբողջ նաւարկութեան եղանակին կը փրփրէր աղմկարար եւ աշխատասէր կեանքով մը։

Արցախի պատերազմի եւ համաճարակի հետեւանքներով յառաջացած տագնապի յաղթահարման ջանքեր: ՀԲԸՄ առցանց գագաթաժողով մը կազմակերպեց՝ հայաշխարհի կարիքներու դիմագրաւման որոնումներուն շուրջ:

«The Economist». «Անգարա եւ Պաքու Երեւանէն կը պահանջեն համակերպիլ պարտութեան հետ»: Ճէյհուն Պայրամով յայտնեց, որ Ատրպէյճան կողմնակից է Հայաստանի հետ յարաբերութիւնները կարգաւորելու:

Պատրաստեց՝ ՆԱՐԷ ԳԱԼԵՄՔԷՐԵԱՆ

Վստահաբար քորոնաժահրի համավարակը պիտի աւարտի եւ քաղաքներ, մարդիկ, գիտութիւնը, արուեստը, մշակոյթը ընդհանրապէս, մարմնամարզը պիտի փորձեն բնականոն հունի վերադառնալ: Հարցումը, սակայն, կը մնայ այն, որ այդ «բնականոն հունը» նո՞յնը պիտի մնայ, թէ՞… Այս հարցումին պատասխանած են խումբ մը մասնագէտներ, որոնց կարծիքները հրապարակած է «Կարտիըն» թերթի կայքէջը:

ԱՐԱ ԳՕՉՈՒՆԵԱՆ

Սպիտակ տունէն 24 Ապրիլին հրապարակուած պատգամը Թուրքիա-ԱՄՆ առանցքին վրայ տագնապալի կացութիւն մը յառաջացուցած է՝ կարմիր գիծի մը խախտումին պատճառով։ Իւրաքանչիւր երկիր միջազգային յարաբերութիւններուն մէջ ունի կամ կ՚ունենայ կարմիր գիծեր։

Գոհունակութեամբ վերահասու կ՚ըլլանք, թէ համայնքային շրջանակներու համակրելի դէմքերէն Արամ Քալենտերօղլուի «Կալաթա» ընկերութիւնը դասուած է Թուրքիոյ լաւագոյն գործատուն։ Այսպէս, «Կալաթա» բեռնափոխադրութեան ընկերութիւնը Թուրքիոյ՝ 2021 թուականի լաւագոյն գործատուի պարգեւին արժանացած է, 100-250 աշխատողներով ընկերութիւններու դասաւորման մէջ։

ԵՐԱՄ

Շուները տէրեր չունին. կամ՝ պէտք չէ ունենան։ Շուները ընկեր են. իսկ ընկեր ըսածդ միակողմանի չի կրնար ըլլալ։ Զիրենք պտոյտի հանող, կերակրող, խաղցնող, սիրող, դաստիարակողներն ալ, ուրեմն, ընկեր են՝ միւս ուղղութեամբ։