Արխիւ

Ամերիկայի Միացեալ Նահանգներու մէջ ստեղծուած է թռչող բաճկոն՝ լեցուած հելիումով։ Այսպէս, ամերիկացի Էնտրու Քոսթմըն նորարարութեամբ հանդէս եկած է՝ ներկայացնելով փչովի եւ թռչող բաճկոն մը, որ միակն է իր տեսակին մէջ, կը գրէ «Luxury Launches» պարբերականը:

Ատրպէյճանի բանակը երէկ թրքական «Bayraktar» հարուածային անօդաչու թռչող սարքերով ռազմափորձեր իրականացուց։ Ատրպէյճանի Պաշտպանութեան նախարարութեան աղբիւրները հրապարակեցին այդ զօրավարժութիւններուն վերաբերեալ դրուագներ։

Հայաստանի Կեդրոնական դրամատան նախագահ Մարթին Գալստեան յայտարարեց, որ կանխատեսումներու բաղդատմամբ աւելի դրական զարգացման միտումներ կը նկատուին երկրի տնտեսութեան մէջ։ Ան երէկ Երեւանի մէջ հանդէս եկաւ յայտարարութիւններով, որոնց ընթացքին տեղեկացուց, թէ Կեդրոնական դրամատան կանխատեսումներով՝ 12 ամսուայ գնաճը կարճաժամկէտ արագացումէ վերջ աստիճանաբար պիտի նուազի եւ պիտի կայունանայ չորս տոկոսի ցուցանիշին շուրջ։

Փոքրամասնութիւններու ներկայացուցիչները վաղը պիտի հիւրընկալուին Պեշթեփէի համալիրէն ներս:
Հանրապետութեան նախագահ Ռեճեփ Թայյիպ Էրտողանի տանտիրութեամբ կազմակերպուած հաւաքոյթին հրաւիրուած են նաեւ Ամեն. Ս. Պատրիարք Հայրը եւ Պետրոս Շիրինօղլու: Անգարայի մէջ համայնքային վաքըֆներու կալուածական իրաւունքներու հարցերը եւ Ճօ Պայտընի յայտարարութիւնն ալ հաւանաբար արժեւորուին ընթրիքի ընթացքին:

Համակրելի մեներգչուհի Նուարդ Աւետիքօղլուի յաջողութիւններու արձագանգները կը շարունակուին։ Գոհունակութեամբ կը տեղեկանանք, որ վերջերս իր մասին դրուատալի եւ ծաւալուն յօդուած մը լոյս տեսած է Պէյրութի «Խօսնակ» պարբերաթերթին մէջ։

ԱՐԱ ԳՕՉՈՒՆԵԱՆ

Արցախի երկրորդ պատերազմը արդէն եկաւ ի հիմանէ քանդել տասնամեակներ շարունակ ձեւաւորուած բոլոր հաւասարակշռութիւնները։ Սա կը վերաբերի նաեւ թուրք-ամերիկեան յարաբերութիւններուն։

ԳԷՈՐԳ ՔԷՕՇԿԷՐԵԱՆ

«Nike» թենիսի յատուկ կօշիկներ («tennis shoes») արտադրող աշխարհահռչակ ընկերութիւն մըն է, որուն կօշիկները սիրուած եւ փնտռուած են աշխարհով մէկ, որքան որ ալ սուղ ըլլան անոնք։ Այս ընկերութիւնը հիմնուած է 1964 թուականին, Օրեկոն նահանգի Իւճին քաղաքին մէջ։

Թուրքիայէն բարձրաստիճան պատուիրակութիւն մը երէկ այցելեց Լիպիա։ Անգարայի եւ Թրապլուսի իշխանութիւններուն կողմէ այս առթիւ խորհրդակցութիւններ տեղի ունեցան Արեւելեան Միջերկրականի իրադարձութիւններուն շուրջ։

Երեւանի մօտ Ֆրանսայի դեսպան Ճոնաթան Լաքոթ յայտարարեց, որ ԵԱՀԿ-ի Մինսքեան խմբակի համանախագահներու գերակայ խնդիրն է Լեռնային Ղարաբաղի հարցին շուրջ բանակցութիւններու վերսկսումը։
Դեսպան Լաքոթ «Արմէնփրէս» գործակալութեան յայտարարութիւններ ըրաւ՝ անդրադառնալով Ֆրանսայի նախագահ Էմմանիւել Մաքրոնի եւ Ռուսաստանի նախագահ Վլատիմիր Փութինի միջեւ վերջերս տեղի ունեցած հեռախօսազրոյցին։