Արխիւ

«Արաս» հրատարակչութիւնը ներկայիս լոյս ընծայած է շատ շահեկան ալպոմ-գիրք մը, որ կը կոչուի «Pulun Kanadında İstanbul'dan Dünyaya» եւ ունի փաստավաւերագրական մեծ նշանակութիւն։

ՎԱՐԱՆԴ ՔՈՐԹՄՈՍԵԱՆ

Սուրբ Յարութեան յաջորդող հինգերորդ կիրակին, Հայ Առաքելական Սուրբ Եկեղեցին կը նշէ Սուրբ Խաչին երեւման տօնը:
Այս կիրակին իրեն նախորդող կիրակիներուն նման գոյն չունի:

ՀՐԱՅՐ ՏԱՂԼԵԱՆ

Այն անձերէ՞ն ես, որ կը կարծէ, թէ կեանքը, օրուան հացի դրամը վաստակիլն ու մարդկային կեանքի մէջ պայքարիլը դժուար է. եթէ այո, ապա վստահ կրնաս ըլլալ, որ աշխարհի մարդկութեան մեծամասնութիւնը նոյն կարծիքը ունի, սակայն այս կարծիքին հակառակ գոյութիւն ունի խաւ մը, որ կեանքն ու դրամ շահիլը շա՜տ դիւրին կը նկատէ եւ այս երկու իրարու հակառակ կարծիքներն է, որ աշխարհը կը դարձնէ հանելուկի մը՝ որ գուցէ երբեք ալ պիտի չլուծուի:

Հայաստանէն դէպի արտասահման թռիչքներու համար Թուրքիոյ օդային մարզին փակուիլը այս շրջանին անմիջականօրէն կը զբաղեցնէ օրակարգը։ Շուրջ շաբաթէ մը ի վեր հայկական օդային ընկերութիւնները զրկուած են տարանցիկ նպատակով Թուրքիոյ օդային մարզէն օգտուելու հնարաւորութենէն։

Գոհունակութեամբ կը տեղեկանանք, որ մեր պաշտօնակից «Ակօս» շաբաթաթերթի հայերէն էջերու խմբագիր Բագրատ Էսդուգեան արժանացած է մրցանակի մը։ Այսպէս, իրեն շնորհուած է Մարդու իրաւանց միութեան «Արտայայտութեան ու մտքի» տարեկան մրցանակը, որ հաստատուած է ի յիշատակ հանգուցեալ մտաւորական Այշէնուր Զարաքօլուի։

Ռուսաստանի արտաքին գործոց նախարար Սերկէյ Լաւրով եւ Հնդկաստանի արտաքին գործոց նախարար Սուպրահմանեամ Ճայշանքար երէկ հանդիպում մը ունեցան Կոայի մէջ։ Շանհայի համագործակցութեան կազմակերպութեան անդամ երկիրներու արտաքին գործոց նախարարներու ժողովի ծիրէն ներս տեղի ունեցաւ այս հանդիպումը։

Էնթընի Պլինքըն մասնակցեցաւ՝ Արլինկթընի մէջ կազմակերպուած Արարատ Միրզոյեան-Ճէյհուն Պայրամով քառօրեայ բանակցութիւններու եզրափակիչ փուլին:
Երեւանի եւ Պաքուի միջեւ շարք մը առանցքային հարցերու շուրջ դիրքորոշումները կը մնան տարամէտ, կողմերը պայմանաւորուած են քննարկումները շարունակելու ուղղութեամբ:
«Յաւելեալ բարի կամքի, ճկունութեան եւ փոխադարձ զիջման պարագային համաձայնութիւնը հասանելի է», կը յայտնէ պետական քարտուղարը եւ կ՚ընդգծէ ԱՄՆ-ի աջակցութեան շարունակականութիւնը:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, երէկ ընդունեց Էյուպի Ս. Եղիա եկեղեցւոյ թաղային խորհուրդի ներկայացուցիչները։ Ներկայ էր նաեւ եկեղեցւոյ հոգեւոր հովիւ Տ. Շնորհք Աբեղայ Տօնիկեան։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Հնդկաստանի դեսպան Նիլաքշի Սահա Սինհայը։ Վեհափառ Հայրապետը շնորհաւորեց նորանշանակ դեսպանը եւ անոր արդիւնաշատ առաքելութիւն մաղթեց Հայաստանի մէջ։