Արխիւ

Շիշլի մարզակումբի վարչութեան նախաձեռնութեամբ շաբաթավերջին Գնալը կղզիի մէջ տեղի ունեցաւ քայլարշաւ մը։ Ծանօթ է, որ մարզակումբը պարբերաբար մեր համայնքային շրջանակներուն համար կը կազմակերպէ քայլարշաւներ, որոնց հերթականն էր շաբաթավերջինը՝ Գնալը կղզիի մէջ, ուր ամրան եղանակին համայնքային շրջանակները խտացած են։

Երէկ երեկոյեան, Գնալըի բարձունքին տեղի ունեցաւ «Մենք երգ ենք» համերգաշարի հերթական փուլը, որու ընթացքին պոլսահայ նոր սերունդի ներկայացուցիչները ապրեցան ոգեւորութեան նոր ալիք մը։

Միջազգային օրակարգի վրայ միշտ արդիական հարցում մը. «Ինչո՞ւ Լեռնային Ղարաբաղի մէջ հայեր չկան»:
Իրաւապաշտպան կազմակերպութիւններու զեկոյցներուն մէջ խոշորացոյցի տակ կ՚առնուին Պաքուի սիստեմաթիք քայլերը:

Պաքուի կողմէ տեղեկացուեցաւ, թէ Երեւանի հետ խաղաղութեան ենթադրեալ համաձայնագրի նախագծէն դուրս թողուած է՝ տարածաշրջանային հաղորդակցութիւններու ապաշրջափակման հարցը։ Հայաստանի եւ Ատրպէյճանի միջեւ ապաշրջափակման խնդրի քննարկման յետաձգման որոշումին կ՚արձագանգեն տարածաշրջանի միւս դերակատարները՝ մանաւանդ Իրանը, որ լուրջ վերապահութիւն կը դրսեւորէ Զանգեզուրի միջանցքի հարցին շուրջ։

Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց՝ Հայաստանի եւ սփիւռքի զանազան թեմերէն վերապատրաստման դասընթացքներու մասնակից հոգեւորականներու հերթական խումբը։

ՍԱԳՕ ԱՐԵԱՆ

Մերձաւոր Արեւելքի տագնապ. մեծ պատերազմ չկա՞յ։ Իսմայիլ Հանիյէի սպանութենէն վերջ, այժմ կը սպասուի «Համաս»ի եւ Իրանի հաւանական քայլերուն Իսրայէլի դէմ։ Ինչպիսի՞ վրէժ մը պիտի լուծուի։ Խորապէս մտահոգիչ կանխատեսումներու առընթեր, միջազգային լրահոսին մէջ աչքի կը զառնեն տեղեկութիւններ, ըստ որոնց, Իսրայէլի դէմ յարուածը կրնայ չըլլալ Իրանի վրայով, մինչ «Համաս» յայտարարած է, որ առանց Իրանին ալ կրնայ լուծել իր վրէժը։

ՀՐԱՅՐ ՏԱՂԼԵԱՆ

Դարձեալ կը կրկտեմ մամուլի հին էջերը. ձեռքիս մէջ ունիմ մեր թուականէն 120 տարիներ առաջ՝ 10 դեկտեմբեր 1904 թուականին Ամերիկայի Միացեալ Նահանգներու մէջ հրատարակուած «Կոչնակ»ը (Դ. տարի, թիւ 209):

Իսթանպուլի կուսակալ Տաւուտ Կիւլ երէկ հիւրընկալեց Իսթանպուլի երեսփոխան տքթ. Սեւան Սվաճօղլուն, Գնալը կղզիի ջրային մարզակումբի վարչութեան նախագահ փրոֆ. Էմրէ Պուրչքինը եւ Գոց շուկայի յայտնի վարպետներէն Սիմոն Մանճըլըքը։

Ֆրանսական զարգացման գործակալութեան եւ Հայաստանի կառավարութեան միջեւ համաձայնագիր:
Հայկական կողմին համար նախատեսուած միջոցները կը հետապնդեն զանազան բարեփոխումներ խրախուսելու նպատակը: