Արխիւ

Շարլ Միշելի միջնորդութեամբ Նիկոլ Փաշինեան-Իլհամ Ալիեւ երէկուան բանակցութիւնները շուրջ չորս ժամ տեւեցին Եւրոմիութեան կեդրոնատեղիէն ներս:
Հայաստան եւ Ատրպէյճան հաստատած են փոխադարձ ճանաչումը իրարու տարածքային ամբողջականութեան: Երեւան եւ Պաքու միշտ կը քննարկեն տարածաշրջանային փոխադրութեան ու տնտեսական ենթակառուցուածքներու ապաշրջափակումը, նաեւ մարդասիրական հարցեր: Յաջորդ ամիս հնգակողմանի ժամադրութիւն՝ Էմմանուէլ Մաքրոնի եւ Օլաֆ Շոլցի մասնակցութեամբ:

Համակրելի մեներգչուհի Սիպիլ շաբաթավերջին այցելեց Թեհրան։ Այսպէս, եօթ տարի վերջ իրանահայ երաժշտասէրները դարձեալ հնարաւորութիւն ունեցան Սիպիլը ողջունելու բեմին վրայ:

Գնալը կղզիի Ս. Գրիգոր Լուսաւորիչ եկեղեցին շաբաթավերջին պաշտամունքի վերաբացուեցաւ՝ ձեռամբ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի։ Արարողութեան մասնակցեցան Տ. Յարութիւն Վրդ. Տամատեան, Տ. Գասպար Աբեղայ Կարապետեան, Տ. Գրիգոր Աւ. Քհնյ. Տամատեան, Տ. Տրդատ Աւ. Քհնյ. Ուզունեան եւ Տ. Շիրվան Քհնյ. Միւրզեան։

Պաքըրգիւղի Տատեան վարժարանին մէջ նախընթաց օր տեղի ունեցաւ առաջին դասարանի փոքրիկներու ընթերցման տօնը, որ մեծ ոգեւորութեան առիթ հանդիսացաւ։ Փոքրիկները գործադրեցին բազմալեզու յայտագիր մը՝ արժանանալով ծափահարութիւններու։

Ֆէրիգիւղի «Շիրինօղլու» սրահին մէջ երէկ տեղի ունեցաւ յատկանշական ձեռնարկ մը։ Հոգելոյս ելմտագէտ, բարեյիշատակ համայնքային գործիչ Եդուարդ Գովանի հեղինակած վերջին բառարանին շնորհանդէսն էր այս մէկը, որ կազմակերպուած էր Թրքահայ ուսուցչաց հիմնարկի նախաձեռնութեամբ։

ԳԷՈՐԳ ՊԵՏԻԿԵԱՆ

Այս տարի, յատուկ յարգանքով կը յիշատակուի հայ կրօնական արուեստի եզակի նմոյշներու ներբող, «Առաւօտ լուսոյ»ի, «Հաւատով խոստովանիմ»ի, «Նորահրաշ»ի եւ բազմաթիւ այլ հոգեւոր երգերու, աղօթքներու, տաղերու, առակներու եւ հանելուկներու հեղինակին, 12-րդ դարու մեր մեծ սուրբին՝ Ս. Ներսէս Շնորհալի Երաշնորհ Հայրապետի մահուան 850-րդ տարելիցը:

ՎԱՐԱՆԴ ՔՈՐԹՄՈՍԵԱՆ

Սուրբ Յարութեան յաջորդող վեցերորդ կիրակին մասնաւոր անուանում մը չունի: Երանաշնորհ Շնորհք Պատրիարքը զայն կոչած է ԿԱՊՈՅՏ կիրակի, որպէս տրամաբանական յաջորդականութիւնը նախորդ երկու կիրակիներուն՝ Կանաչ եւ Կարմիր:

ՀՐԱՅՐ ՏԱՂԼԵԱՆ

Եթէ համաշխարհային վիճակագրութիւն մը պատրաստուի, կրնանք վստահ ըլլալ, որ ապերախտութեան մէջ առաջնութիւնը չենք զիջիր, որովհետեւ աշխարհի վրայ հայէն աւելի բարեդրուժ ազգ կարելի չէ գտնել:

Նիկոլ Փաշինեան եւ Իլհամ Ալիեւ վաղը Պրիւքսելի մէջ ժամադրուած են՝ Շարլ Միշելի միջնորդութեամբ:
Հայաստան-Ատրպէյճան սահմանին վրայ միշտ լարուածութիւն, պաշարեալ Արցախ եւ միջազգային դերակատարներուն կողմէ ջանքեր՝ Երեւանի եւ Պաքուի միջեւ խաղաղութեան պայմանագրի մը ստորագրումը ապահովելու նպատակով: