Արխիւ

Երէկ, Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան ընդունեց Սկիւտարի Ս. Կարապետ եկեղեցւոյ թաղային խորհուրդի ատենապետ Ռաֆֆի Գրիգորեանն ու գործակից ընկերները: Հանդիպման ներկայ էր Տ. Եղիշէ վրդ. Ուչքունեան:

Գատըգիւղի Արամեան-Ունճեան վարժարանին մէջ, վերջին օրերուն տեղի ունեցաւ մանկապարտէզի փոքրիկներուն տարեվերջի հանդէսը: Հարկ է նշել, որ դպրոցը մանկապարտէզի երեք դասարան ունի:

Երէկ, հաճոյքն ունեցանք խմբագրատանս մէջ հիւրընկալելու՝ Ֆէրիգիւղի Ս. Վարդանանց դպրաց դաս-երգչախումբի տնօրէն խորհուրդի ատենապետ Սարօ Սիրականեանը, վարչայիններէն Նորեկ Տատըրօղլուն եւ խմբավար Սիպիլ Արսէնեանը։

Հանրապետութեան նախագահը ընդունեց Ամեն. Ս. Պատրիարք Հայրը. քննարկուեցան համայնքի օրակարգային հարցերը:
Նորին Ամենապատուութիւնը Էրտողանի նկատառման յանձնեց մանաւանդ՝ Իսքենտէրունի եւ Տիարպաքըրի եկեղեցիներու վերանորոգման առկայ խնդիրները:

Երկասիրեց՝ ԿԻՒՐԻՒՆՑԻ Տ. ԽՈՐԷՆ
ՔԱՀԱՆԱՅ ՔԻԶԻՐԵԱՆ
Արդի աշխարհաբարի վերածեց՝
ՎԱՐԱՆԴ ՔՈՐԹՄՈՍԵԱՆ

1. Քանի՞ հատ են Եկեղեցւոյ խորհուրդները, որո՞նք են: 2. Ի՞նչ կը նշանակէ խորհուրդ: 3. Ինչո՞ւ Ս. Խորհուրդ կ՚ըսենք: 4. Քանի՞ տեսակ է: 5. Ինչէ՞ն յայտնի է եօթը հատ ըլլալը:

ՀՐԱՅՐ ՏԱՂԼԵԱՆ

Մեր թուականէն աւելի քան 90 տարիներ առաջ՝ 1932-1934 թուականին, «Պայքար» թերթին մէջ գրասէր մը կը խոստանայ նիւթական պարգեւ տալ «Ինչպէ՞ս պէտք է ցեղային գիտակցութիւնը մշակել նոր սերունդին մէջ» հարցումին պատասխանողին։

ՀՐԱՅՐ ՏԱՂԼԵԱՆ

Աշխարհի վրայ զգայնութիւնն ու յուզումը ե՞րբ ամօթ հռչակուեցաւ. մարդ արարածը ե՞րբ համոզուեցաւ, որ լռութեան մէջ տառապիլը շատ աւելի արժանապատիւ է՝ քան անկեղծ վշտանալն ու լալը. այդ մէկը ե՞րբ թուլութեան ու տկարութեան նշանակութիւն ստացաւ. մարդէն ե՞րբ պահանջուեցաւ քօղարկել ներքին զգացումները:

Շաբաթավերջին, թրքահայ ազգային-եկեղեցական կեանքէն ներս առանցքային իրադարձութիւն էր Էսաեան վարժարանի բաժակի օրը։ Շրջանաւարտից հաւաքը այս տարի եւս բարձր տրամադրութեան մէջ համախմբեց հաստատութեան զանազան սերունդներէ սաները։

Երէկ, Սամաթիոյ Ս. Գէորգ եկեղեցւոյ մէջ տեղի ունեցան թաղի Սահակեան դպրաց դաս-երգչախումբի տարեդարձի աւանդական տօնակատարութիւնները։ Այսպէս, դպրաց դասու հիմնադրութեան 323-րդ, իսկ երգչախումբի կազմութեան 88-րդ տարեդարձները նշուեցան՝ նախագահութեամբ Թուրքիոյ Հայոց Պատրիարք Ամեն. Տ. Սահակ Ս. արք. Մաշալեանի, որ տուաւ նաեւ օրուան պատգամը։