Արխիւ

Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Գուզկունճուքի Ս. Գրիգոր Լուսաւորիչ եկեղեցւոյ մէջ նախագահեց արարողութեանց եւ տուաւ օրուան պատգամը։ Ս. Պատարագը մատոյց եկեղեցւոյ նորանշանակ հոգեւոր հովիւ Տ. Թէոդիկ Քհնյ. Չեթինքայա։

Ս. Խաչ դպրեվանքի մէջ, Ս. Թարգմանչաց տօնի շրջանին այս տարի կեանքի կոչուեցաւ հետաքրքրական ծրագիր մը, որ համախմբեց համայնքային հինգ լիսէներու սաները։ Այսպէս, անմոռանալի գրող Զաւէն Պիպէռեանի յիշատակին ձօնուած պատմուածք գրելու փառատօն մը կազմակերպուեցաւ, ինչ որ առիթ դարձաւ աշակերտներու ստեղծագործական ձիրքերու դրսեւորման։

ԱՆՈՒՇ ԹՐՈՒԱՆՑ

Տարուան այս եղանակը Հայաստանի պատմական խորհրդանիշներէն մէկուն՝ որդան կարմիր միջատի հարսնեակ դառնալու շրջանն է:
Ամէն տարի սեպտեմբերի 20-էն յետոյ Հայաստանի մէջ հողի տակէն դուրս կու գան պզտիկ այդ միջատները, որոնց պահպանութեամբ կը զբաղուի խումբ մը՝ կազմուած բնութեան պահակ-մասնագէտներէ:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Յաճախ կը յիշենք երջանկայիշատակ Գարեգին Ս. Պատրիարք Խաչատուրեանի (Գարեգին Ա. Տրապիզոնցի Խաչատուրեան. 1951-1961) անմոռանալի խօսքը, թէ՝ ժպիտը մաքուր սրտի եւ հանդարտ խղճի մը արտայայտութիւնն է։ Արդարեւ, մասնագէտներ կ՚ըսեն, թէ՝ ժպիտը, այսինքն՝ թեթեւ խնդուկը այտի, դէմքի մկանները կը զօրացնէ։

ՀՐԱՅՐ ՏԱՂԼԵԱՆ

Լիբանանի մէջ լոյս տեսնող «Ազդակ» օրաթերթը իր ուրբաթ, 6 սեպտեմբեր 2024-ի թիւին մէջ կը հրատարակէր «Զաւարեանական» երիտասարդի մը Տիր ստորագրութեամբ «Մուրացկան մտաւորականները» խորագրեալ գրութիւնը. գրողը իր յօդուածը կը վերջացնէ քիչ մը «ծանր» հնչող հետեւեալ տողով. «Մտաւորական ըլլալ` կը նշանակէ «պատուական» մուրացկան դառնալ»:

Ամերիկայի Միացեալ Նահանգներու պետական քարտուղարութեան բանբեր Մեթիու Միլըր յայտնեց, որ Ուաշինկթըն երբեք չէ կապած Հայաստանի եւ Ատրպէյճանի միջեւ խաղաղութեան համաձայնագրի հաւանական ստորագրումը՝ Պաքուի մէջ ՄԱԿ-ի կլիմայի փոփոխութեան համաժողովի՝ COP29-ի կազմակերպման հետ։

Հայաստանի Հանրապետութեան նախագահ Վահագն Խաչատուրեան դէպի Աստանա պաշտօնական այցելութեան շրջանակներէն ներս հիւրընկալուեցաւ Ղազախիստանի նախագահ Քասըմ Ճէօմերթ Թոքայեւի կողմէ։ Երկու նախագահները ունեցան առանձնազրոյց մը, որմէ վերջ գլխաւորեցին պատուիրակութիւններու բանակցութիւնները։

ՍԱԳՕ ԱՐԵԱՆ

Հայաստանի դիմագրաւած գոյաբանական մարտահրաւէրներու մթնոլորտին մէջ ազգային ներքին օրակարգ:
Առկայ տագնապով պայմանաւորուած՝ պետութիւնը խնայելու միջոցը կը համարուի անխորհուրդ պատեհապաշտութենէ զերծ մնալը:

ԱՐԱ ԳՕՉՈՒՆԵԱՆ

Հայկական բարեգործական ընդհանուր միութեան (ՀԲԸՄ) 93-րդ ընդհանուր ժողովի ծրագիրը ինչպէս աշխատանքային, այնպէս ալ երաժշտական տեսակէտէ յագեցած էր։ ՀԲԸՄ-ի Նիւ Եորքի այս հաւաքին մասնակիցները զանազան փուլերու մէջ հնարաւորութիւն ունեցան շփուելու բարձրորակ երաժշտութեամբ։