Արխիւ

Հայաստանեայց Առաքելական Եկեղեցին այսօր կը նշէ Սրբոց Վարդանանց տօնը։ Սա ազգային-եկեղեցական նշանակութեամբ մեծ տօն մըն է ու կարեւոր խորհրդանշան մը՝ հայ ժողովուրդի կողմէ խղճի ազատութեան նկատմամբ ընծայուած կարեւորութեան առումով։

Ուսուցչաց հիմնարկի Կրթական յանձնախումբը ÖRAV-ի հետ համագործակցաբար կազմակերպեց պոլսահայ նախակրթարանի ուսուցիչներուն ուղղեալ «Ուսանող առաջնորդ ուսուցիչ» անուն երկօրեայ աշխատանք մը, որ տեղի ունեցաւ Տատեան վարժարանի մէջ, 16-17 փետրուար 2019, շաբաթ եւ կիրակի օրերը (անցեալ շաբաթավերջին), 09.00-17.00 ժամերուն միջեւ։ Աշխատանքի մասնակցեցան իւրաքանչիւր նախակրթարանէ նախապէս որոշուած երկուքական ուսուցիչներ:

Եւրոմիութեան օժանդակութեամբ Կազիանթէպի մէջ պիտի հիմնուի Անատոլուի Հնագիտութեան եւ մշակութային ժառանգութեան կաճառը։ «Անատոլու» գործակալութեան հաղորդումներով, Եւրոմիութեան կողմէ 7.5 միլիոն եւրօ յատկացուած է այս ծրագրին համար։

«Հայաստանի ստացած դրամական աջակցութեան չափը էապէս պիտի աւելնայ յառաջիկայ շրջանին»:
Երեւանի եւ Եւրոմիութեան ապագայ համագործակցութեան ճանապարհային քարտէսը պիտի յստականայ մինչեւ մարտի վերջը:

Անգլիոյ վարչապետ Թերեզա Մէյ երէկ խորհրդարանին մէջ հերթական անգամ ելոյթով մը հանդէս եկաւ BREXIT-ի շուրջ։ Ան յայտնեց, որ եթէ Եւրոմիութեան հետ՝ վերատեսութեան ենթարկուած ու համաձայնեցուած BREXIT-ի համաձայնութեան տարբերակն ալ մերժուի խորհրդարանին կողմէ, ապա օրակարգի վրայ պիտի գան առանց համաձայնութեան բաժանումի եւ կամ BREXIT-ի ժամկէտի յետաձգման վարկածները։

Հայաստանի վարչապետ Նիկոլ Փաշինեան այսօր պաշտօնական այցելութիւն մը կու տայ Թեհրան։ Իրեն կ՚ընկերանան տիկինը՝ Աննա Յակոբեան եւ այլ բարձրաստիճան պաշտօնատարներ։

Գրեց՝ ԱՐԵՒԻԿ ՊԱՊԱՅԵԱՆ

Երեւանի արուարձաններէն մէկուն մէջ՝ իւր չափահաս երկու զաւակներուն հետ կը բնակի Տիկին Անահիտը։ Երբեմնի գեղանի տիկինը, որ այսօր միջին տարիքի հասած միայնակ մայր մըն է, դժբախտաբար՝ ճակատագրի հեգնանքով քառորդ դար առաջ տեղի ունեցած պատերազմի ընթացքին կորսնցուցած է իր սիրասուն ամուսինը։

ՆԱԹԱՆ ՊԵՏՐՈՍԵԱՆ

11 փետրուարին սրտի խոր ցաւով ընկերային ցանցերէն ստացայ մտաւորական եւ պատմաբան Անահիտ Տէր-Մինասեանի մահուան լուրը:
Անուն մը, որուն առաջին անգամ հանդիպեցայ Հայ յեղափոխական դաշնակցութեան պաշտօնաթերթ «Դրօշակ»ի մէջ, իր Սպեցիֆիկներուն (Սոցիալ դեմոկրատական բանուորական հայ կազմակերպութիւն) կողմէ մարքսականութեան հայկականացման փորձին վերաբերեալ ուսումնասիրական յօդուածաշարքը կարդալու ընթացքին: 

Գրեց՝ ԱՆՈՒՇ ԹՐՈՒԱՆՑ

Երեւանի Հայկական բարեգործական ընդհանուր միութեան (ՀԲԸՄ) շէնքին առաջին յարկի նախասրահը, անցնող օրերուն, սգոյ մթնոլորտ ստաձած էր… Դռնէն ներս մտնողը կը լսէր դասական երաժշտութիւն, սեղանին վրայ վառող մոմերը եւ ծաղիկները կը խորհրդանշէին փետրուարի 18-ին կեանքէն հեռացած Լուիզ Մանուկեան-Սիմոնի անմեռ յիշատակը. ՀԲԸՄ-ը սգոյ մատեան մը բացած էր ու այս ձեւով վերջին հրաժեշտը տուաւ Բարեգործականի երկարամեայ նախագահներէն մէկուն, որուն մահը՝ 86 տարեկանին, վիշտ պատճառեց հարազատներուն եւ հայութեան: