Արխիւ

Երէկ, Թեհրանի մէջ տեղի ունեցաւ Իրանի Նախագահ Հասան Ռուհանիի, Ռուսաստանի Նախագահ Վլատիմիր Փութինի եւ Ատրպէյճանի Նախագահ Իլհամ Ալիեւի եռակողմանի գագաթաժողովը։ Սոյն գագաթաժողովին մասնակից ղեկավարները առանձնազրոյցներ ալ ունեցան իրարու հետ։

ԱՆՈՒՇ ԹՐՈՒԱՆՑ

Ս. Քաղաքի հայկական թանգարանի՝ շուրջ քսան տարի վերջ վերաբացման ուղղեալ աշխատանքները կը շարունակուին ֆրանսահայ յայտնի պատմաբանի մականին ներքեւ:
Քլոտ Արմէն Մութաֆեան. «Թէեւ ձեռագրապահեստը անմխիթար վիճակի մէջ է, սակայն բարեբախտաբար ձեռագիրները չեն տուժած։ Հարուստ պատմութիւնը յաչս աշխարհին անգամ մը եւս կը պարզէ հայկական մշակոյթի դէմքը։ Մեծ արժէք կը ներկայացնեն նաեւ սուլթաններու եւ խալիֆաներու հրովարտակները, որոնք կը պահուին Պատրիարքարանէն ներս»:

Կէտիկփաշայի «Հրանդ Տինք» վարժարանին մէջ սկսան հոգեւոր դասեր։

Պատրիարքարանի մէջ նախընթաց օր տեղի ունեցած սրբազաններու ժողովին առընչութեամբ շօշափեցինք կարծիքը Տ. Արամ Արք. Աթէշեանի։ Հեռախօսազրոյցի ընթացքին նորին սրբազնութիւնը մեզի յայտնեց հետեւեալը.
«Տ. Գարեգին Արք. Պեքճեանի Գերմանիայէ վերադարձին երեք սրբազաններով ունեցանք խորհրդակցութիւն մը։ 

ԱՐԱ ԳՕՉՈՒՆԵԱՆ

Երէկ երեկոյեան առիթն ունեցանք հեռաձայնի վրայ զրուցելու տեղապահ Տ. Գարեգին Արք. Պեքճեանի հետ։ Աւելի քան ժամ մը տեւեց մեր զրոյցը։ Երբ պատրիարքական ընտրութեան գործընթացին մէջ դարձեալ կուտակուած են հարցականները՝ այս զրոյցը անգնահատելի հնարաւորութիւն մըն էր մեզի համար։

Տ. Գարեգին Արք. Պեքճեան, Տ. Արամ Արք. Աթէշեան եւ Տ. Սահակ Եպսկ. Մաշալեան երէկ կարեւոր խորհրդակցութիւն մը ունեցան Գումգաբուի մէջ:
Տեղապահը Գերմանիայէ վերադարձին մանրամասնօրէն վերահասու դարձաւ իր բացակայութեան օրերուն կուսակալութենէն ներս տեղի ունեցած տեսակցութեան ընթացքին քննարկուած նիւթերուն: Պատրիարքական ընտրութեան գործընթացը փակուղիէ դուրս բերելու համար անհրաժեշտ քայլերը հաշուի առնուեցան առարկայականօրէն:
Նորին սրբազնութիւնը եւ կրօնական ժողովի ատենապետը երեկոյեան ժամերուն ալ հանդիպում մը ունեցան նախաձեռնարկ մարմնէն անձերու հետ՝ դիւանապետին ներկայութեամբ:

Գործարար ու հասարակական գործիչ Օսման Քավալա ձերբակալուեցաւ՝ ՖԵԹԷՕ ահաբեկչական կազմակերպութեան դէմ ձեռնարկուած հարցաքննութեան ծիրին մէջ։ 19 Հոկտեմբերին ան առնուած էր հսկողութեան տակ։ Իսթանպուլի Հանրապետական աւագ դատախազութեան ահաբեկչութեան ու կազմակերպուած յանցագործութիւններու բաժանմունքը Քավալան հսկողութեան տակ առած էր ՖԵԹԷՕ-ի 17-25 Դեկտեմբերի դաւադրանքներուն եւ 15 Յուլիսի պետական հարուածի փորձին բերումով ձեռնարկուած հարցաքննութեան շրջագծով։

Լեռնային Ղարաբաղի հիմնախնդրին անդրադառնալով՝ Ալիեւ դարձեալ կանգ առաւ տարածքային ամբողջականութեան վրայ:
Թուրքիա-Ատրպէյճան Բարձր մակարդակով ռազմավարական համագործակցութեան խորհուրդի հերթական ժողովը երէկ տեղի ունեցաւ Պաքուի մէջ:

ՆԱՐԷ ԳԱԼԵՄՔԷՐԵԱՆ

​Երբ խօսքը կը վերաբերի հարստութեան բաժանումին, Ռուսաստան աշխարհի ամենէն անհաւասարակշիռ հիմնական երկիրներէն մէկն է: Խորհրդային Միութեան փլուզումէն քառորդ դար ետք դրամատիրութիւնը վրէժխնդրութեամբ ժամանեց: