Արխիւ

ՄԱՇՏՈՑ ՔՀՆՅ. ԳԱԼՓԱՔՃԵԱՆ

Հայաստանեայց Առաքելական Եկեղեցւոյ աշխարհացրիւ հօտը այսօրուան դրութեամբ կը դիմաւորէ բացառիկ շաբաթ մը, որու իւրաքանչիւր օրը զանոնք պիտի առաջնորդէ դէպի Սրբալոյս Միւռոնի օրհնութեան եւ Սուրբ Էջմիածնի Մայր Տաճարի վերաօծման արարողութիւնները։

Շաբաթավերջին, Հայաստանի Պատմութեան թանգարանէն ներս ցուցադրութեան դրուեցաւ Անահիտ աստուածուհիի պրոնզէ քանդակը, որ բրիտանական թանգարանի հաւաքածոյին մաս կը կազմէ։ Հայաստանի անկախութեան 33-րդ տարեդարձի օրուան զուգադիպեցաւ այս բացառիկ հնութեան ցուցադրութեան սկիզբը։

Խոր ցաւով վերահասու եղանք, թէ իր մահկանացուն կնքած է մեր համայնքի երէց սերունդի այնքան սիրուած եւ համատարած համակրանքի, յարգանքի արժանացած տիրական դէմքերէն մին՝
ՍԵԼՄԱ ԻՍՔԷՆՏԷՐԷՕԶ
Տասնամեակներ շարունակ թրքահայ ազգային-եկեղեցական կեանքի մղիչ ուժերէն մին եղած էր Սելմա Իսքէնտէրէօզ, որ իր լուսահոգի ամուսնոյն՝ Պերճ Իսքէնտէրէօզի հետ հաճելի ներկայութիւն կը համարուէր համայնքային զանազան տեսակի ձեռնարկներուն։ 

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան կը պատրաստուի այցելել Մայր Աթոռ Սուրբ Էջմիածին։ Գումգաբուի աղբիւրները երէկ հաղորդեցին, որ յառաջիկայ շաբաթավերջին նախատեսուած Սրբալոյս Միւռոնի օրհնութեան եւ Սուրբ Էջմիածնի Մայր Տաճարի վերաօծման արարողութիւններուն մասնակցութիւն պիտի բերէ Ամեն. Ս. Պատրիարք Հայրը։

Հայաստանի վարչապետ Նիկոլ Փաշինեան երէկ ընդունեց այն տեղական ներկայացուցիչները, որոնք սփիւռքի գլխաւոր յանձնաժողովին կողմէ իրենց համայնքներէն ներս պաշտօնի կոչուած են՝ որպէս տուեալ շրջանի ներկայացուցիչ։

ՏԻԳՐԱՆ ԳԱԲՈՅԵԱՆ

Հանքարդիւնաբերութիւնը շատ հին մարդկային գործունէութիւն մըն է եւ ան նախապատմական ժամանակաշրջանէն ի վեր առընչուած է տնտեսական ճիւղերուն կամ ինքնին տնտեսութեան հետ: Մարդ արարածին անհատական ու մանաւանդ հաւաքական կերպարի հիմնական դրսեւորումներէն մէկը տնտեսական ոլորտն է եւ այդ տնտեսութեան շարժիչ ուժը։

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Այսօրուան կրօնը նո՛յնն է քսանմէկ դար առաջ Քրիստոսի քարոզած կրօնին՝ մարմինով ալ բացատրուած հոգիի կրօնին, կամ ինչպէս սովորութիւն է եղած ըսել, այսօրուան կրօնն է «հաւատքի եւ գործի կրօն»ը, երկուքն ալ իրարու մէջ ձուլուած, իրարու ագուցուած, մէկը միւսով ամբողջացուած, կամ իրարմով բացատրուած։

ԱՐԱ ԳՕՉՈՒՆԵԱՆ

Երեւանի «Մերիտիան» կեդրոնի եռօրեայ աշխատանքի աւարտին մասնակիցները արձանագրեցին բազում հում միտքեր, որոնք յառաջիկայի կրնան հասարակաց յայտարարներու վերածուիլ ու կրնան խմորուիլ տեղական առանձնայատկութիւններու լոյսին տակ: Համահայկական հարթութեան վրայ հետզհետէ կը ձեւաւորուի նոր օրակարգ մը, որու առաջադրանքները կ՚ենթարդրեն առկայ տուեալներու պակասի յաղթահարումն ու թուային շտեմարաններու հաստատումը:
Համաշխարհային հայկական երկրորդ գագաթաժողովը երէկ եզրափակուեցաւ հեռանկարային սպասումներով: Հանրապետութեան անկախութեան տարեդարձին առթիւ մեծ ոգեւորութիւն:
Հայաստան-սփիւռք համագործակցութեան հորիզոնին վրայ կարեւոր նշանակութիւն կը ստանայ փոխադարձ պատասխանատուութիւններու չափաբաժնի հաւասարակշռումը բոլոր կենսական ուղղութիւններով:
Համազգային ձգտումներու արդի պատումն ու բանաձեւումները կը բիւրեղանան՝ մասնագիտական ներուժի արժեւորման եւ յաւակնոտ ու մրցունակ ներդրումային միջավայր մը ստեղծելու առանցքներուն շուրջ:

Հայաստանի Արտաքին գործոց նախարարութիւնը երէկ յայտարարութեամբ մը հանդէս եկաւ՝ Արցախի վերջնական հայաթափման առաջին տարելիցին առթիւ։ «Տարի մը առաջ, սեպտեմբերի 19-ին, Ատրպէյճանի կողմէ ռազմական յարձակման հետեւանքով Լեռնային Ղարաբաղի ամբողջ բնիկ բնակչութիւնը՝ աւելի քան 115 հազար հայ, քանի մը օրուան ընթացքին ստիպուած եղաւ լքել սեփական բնակավայրը։