Արխիւ

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ քահանայ ձեռնադրեց տիրացու Արի Էքինճեանը, որ վերանուանուեցաւ՝ Տ. Արսէն Քահանայ։ Պոլսահայ հոգեւորականաց դասը այսպէսով համալրուեցաւ երիտասարդ ուժով մը, ինչ որ ողջունելի է հաւատացեալ ժողովուրդին տեսակէտէ։

Ամերիկեան «Newsweek»ը վերջերս տեղեկացուց, թէ Ամերիկայի Միացեալ Նահանգներու նախագահ Տանըլտ Թրամփ ունի Ատրպէյճանը պատասխանատուութեան ենթարկելու բացառիկ հնարաւորութիւնը. բան մը, որ չըրաւ նախկին նախագահ Ճօ Պայտըն։

Թիֆլիզի ղեկավարութիւնը անդրդուելի կը մնայ՝ «3+3» հարթակի աշխատանքներուն չմասնակցելու դիրքորոշման մէջ։ Ռուսաստանի արտաքին գործոց նախարար Սերկէյ Լաւրով նախընթաց օր յայտնած էր, թէ Հարաւային Կովկասի համար նախատեսուած այս խորհրդատուական հարթակի դուռը միշտ բաց կը մնայ Վրաստանի առջեւ։

Միջազգային օրակարգը այս շրջանին կը բնորոշուի՝ Ուաշինկթըն-Մոսկուա առանցքի իրադարձութիւններով, նաեւ հաւանականութիւններով։ Ամերիկայի Միացեալ Նահանգներու եւ Ռուսաստանի յարաբերութիւններուն մէջ արձանագրուած տեղաշարժը կը ձեւաւորէ կլոպալ նոր կլիմայ մը։

Հայաստանի կառավարութիւնը հանրաքուէ կազմակերպելու հետամուտ՝ նոր սահմանադրութեան մը ընդունման համար:
Վարչապետ Նիկոլ Փաշինեան հանդէս եկաւ ժողովուրդին ուղղեալ ծաւալուն պատգամով մը, որու մէջ մանրամասնօրէն ներկայացուց իր մօտեցումները:

Երուսաղէմի Հայոց Պատրիարքութիւնը չի մարսեր իր ազգապատկան կալուածներու սեփականութեան իրաւունքին դէմ ձեռնարկուած անակնկալ յափշտակութեան քայլը:
Ս. Աթոռը իսկական զօրաշարժի մէջ:
Սրբոց Յակոբեանց զինուորեալ միաբանութիւնը առկայ ծանր մարտահրաւէրներուն բոլոր հարթութիւններու վրայ կը ջանայ հակազդել իր դէմ կատարուած անարդարանալի ոտնձգութեան:
Կալուածոց տեսուչ Տ. Կորիւն Եպիսկոպոս Պաղտասարեան եւ դիւանապետ Տ. Աղան Վարդապետ Գոգճեան հրատապ հանդիպում մը ունեցան պապական նուիրակ Ըլանա Գերապայծառին հետ:

ԱՆՈՒՇ ԹՐՈՒԱՆՑ

Վաղը աշխարհը կը նշէ Միջազգային մայրենի լեզուի օրը, որ աշխարհի մէջ կը յիշատակուի 2000 թուականէն ի վեր։ Այս որոշումը ընդունուած է 1999 թուականի նոյեմբերին, ԻՒՆԷՍՔՕ-ի ընդհանուր ժողովի 30-րդ նիստին՝ լեզուներու եւ մշակոյթներու բազմազանութիւնը պահպանելու եւ զարգացնելու նպատակով:

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Օրհնութիւնը՝ աստուածային կենսաբուխ արարք մըն է՝ որուն աղբիւրն է Հայրը։ Հօր օրհնութիւնը միանգամայն «խօսք» է եւ պարգեւ։ Մարդուն նկատմամբ «օրհնութիւն» բառը պիտի նշանակէ «երկրպագել Արարչին եւ Անոր յանձնուիլ՝ զԱյն գոհաբանելով եւ փառաբանելով»։

Իսրայէլի վարչապետ Պենիամին Նեթանիյահու ընդունեց Ատրպէյճանի նախագահական աշխատակազմի արտաքին յարաբերութիւններու պատասխանատու Հիքմէթ Հաճիեւը։