Արխիւ

Ելմտական ու պետական գանձի նախարարը երէկ հրապարակեց նոր տնտեսական ծրագիր մը:
Պերաթ Ալպայրաք շեշտը դրաւ հաւասարակշռութեան, փոփոխութեան եւ կարգապահութեան անհրաժեշտութեան վրայ:

Ն. ՊԷՐՊԷՐԵԱՆ

10 սեպտեմբերին, 120 տարի առաջ, 51 տարեկանին Գերմանիոյ Հոհենհոնոֆ քաղաքին մէջ մահացաւ հայոց հինաւուրց Արծրունի տոհմին վերջին շառաւիղներէն Անդրէաս Երեմիայի Արծրունի (1847-1898):

ՄԱՇ­ՏՈՑ ՔԱ­ՀԱ­ՆԱՅ ԳԱԼ­ՓԱՔ­ՃԵԱՆ

Եկեղեցական բարենորոգման հարցին մէջ՝ ընդհանուր բաղձանքն է ամենէն առաջ իր դերին եւ պարտականութիւններուն գիտակցութեանը մէջ եւ իր կոչումին հաւատարմութեամբ բարձրացած տեսնել հայ եկեղեցականը։ Ուստի, հոգեւորականութեան յատկապէ՛ս ամուսնացեալ եկեղեցականութեան պէտք է տալ իր արժանաւոր դիրքը։

Քուէյթահայ գործարար, հրապարակագիր Կիրակոս Գույումճեան վերջերս արձագանգեց Հայաստանի նոր կառավարութեան կողմէ նախատեսուած բարեփոխումներուն։ Ան ողջունելի համարեց մանաւանդ զբօսաշրջութեան ոլորտէ ներս բարեփոխումներու իրականացման առումով Հայաստանի կառավարութեան պատրաստակամութիւնը։

Երէկ, Երեւանի մէջ տեղի ունեցաւ «Սուրիահայ մշակոյթի շունչը Երեւանի մէջ» խորագրեալ բարեգործական ցուցահանդէս-տօնավաճառը։ Հայաստանի Մշակոյթի նախարարութեան, Երեւանի քաղաքապետարանի եւ «Սուրիահայերու հիմնախնդիրները համակարգող կեդրոն» հասարակական կազմակերպութեան համատեղ նախաձեռնութեամբ տեղի ունեցաւ այս ցուցահանդէս-տօնավաճառը։

Հայաստան-Ատրպէյճան սահմանին վրայ երէկ նահատակուեցաւ զինուոր մը։ Հայաստանի Պաշտպանութեան նախարարութեան աղբիւրները տեղեկացուցին, որ ժամը շուրջ 13.30-ին երկրի հիւսիս-արեւելեան ուղղութեամբ տեղակայուած զօրամասերէն մէկուն պաշտպանութեան տարածքէն ներս, պայմանագրային ժամկէտային զինուորական ծառայող Հայկազ Մատթէոսեան (1980) դարձած է Ատրպէյճանի զօրքերուն կողմէ բացուած կրակի թիրախը։

Էրտողան խօսեցաւ Թուրքիոյ եւ Ռուսաստանի միջեւ Սոչիի մէջ գոյացած համաձայնութեան շուրջ:
Փենթակոն վերապահութիւն կը դրսեւորէ Իտլիպի հարցին շուրջ ձեռք բերուած պայմանաւորուածութեան նկատմամբ:

ԱՐԱ ԳՕՉՈՒՆԵԱՆ

Թրքահայ վարժարաններու ցանցը կը դիմագրաւէ լուրջ դժուարութիւններ։ Համայնքի օրակարգը ներկայիս ծանրաբեռնուած է համապատասխան խնդիրներով։ Տարիներէ ի վեր մեր համայնքը մեծ զոհողութիւններով կը պահէ թէ՛ դպրոցները եւ թէ միւս հաստատութիւնները։ Այդ կառոյցներու ցանցը ստեղծուած է այնպիսի ժամանակներուն, երբ այս քաղաքին մէջ ո՛չ միայն շատ բարձր թիւով հայեր կ՚ապրէին, այլեւ՝ քաղաքի ընդհանուր բնակչութեան մէջ հայերը կը կազմէին լուրջ համեմատութիւն ու բոլոր բնագաւառներու մէջ ունէին ստուար ներկայութիւն։

Գալֆաեան Տան մէջ 2018-2019 կրթական շրջանը սկսաւ տօնական մթնոլորտով։ Վերամուտի առաջին օրը բնորոշուեցաւ հանդէսով մը, որուն ներկայ էին խնամակալութեան ատենապետուհի Տիանա Գամբարոսեան եւ իր գործակից ընկերները, հիմնադրի ներկայացուցիչ Թամար Քարասու, ուսուցչական կազմը, ծնողներ եւ հիւրեր։