Լրահոս

«Մտքերու հայկական գագաթաժողով»ը շաբաթավերջին երրորդ անգամ կազմակերպուեցաւ Դիլիջանի մէջ:
Կեդրոնական դրամատան նախագահ Գալստեան. «Հայաստան կրնայ տուն մը դառնալ բազմաթիւ նորարարութիւններու համար»:

Հանրապետութեան նախագահ Ռեճեփ Թայյիպ Էրտողան այսօր միօրեայ այցելութիւն մը կու տայ Ատրպէյճան՝ իր պաշտօնակցին՝ Իլհամ Ալիեւի հրաւէրին ընդառաջ։ Արցախի երկրորդ պատերազմէն վերջ սա դէպի Ատրպէյճան Էրտողանի հերթական այցելութիւններէն մին է, որու ծրագիրը չ՚ընդգրկեր մայրաքաղաք Պաքուն։

«Արմէնփրէս» գործակալութեան եւ Երեւանի Պետական համալսարանին միջեւ երէկ ստորագրուեցաւ համագործակցութեան յուշագիր մը։ Փաստաթուղթը ստորագրեցին գործակալութեան տնօրէն Արամ Անանեան եւ համալսարանի վերատեսուչի ժամանակաւոր պաշտօնակատար Յովհաննէս Յովհաննիսեան։

Պատմաբան Սեւան Նշանեան Յունաստանի կողմէ անբաղձալի անձ հռչակուեցաւ։ 2017 թուականին, Ֆոչայի բաց կալանավայրէն խոյս տալով ան ապաստանած էր Եգէականի Սամոս կղզին։

Հայաստանի խորհրդարանէն ներս տեղի ունեցաւ մշտական յանձնաժողովներու համատեղ նիստ:
Վարչապետ Նիկոլ Փաշինեանի խօսքով՝ ապաշրջափակումը կրնայ որակապէս փոխել երկրի տնտեսական կառուցուածքը:

Լիզպոնի «Գալուստ Կիւլպէնկեան» հիմնարկի Հայկական համայնքներու բաժանմունքը արեւմտահայ մշակոյթի յարատեւման ու խրախուսման տեսլականով նոր ծրագրի մը ձեռնամուխ եղած է։ Կը հաղորդուի, որ այս նոր նախաձեռնութեան նպատակն է ամրապնդել լեզուի եւ մշակոյթի ներքին ու հարազատ կապը, քաջալերելու համար արեւմտահայերէնով մշակութային ստեղծագործութիւնը։

Ուղղափառաց Տ.Տ. Պարթոլոմէոս Ա. Տիեզերական Պատրիարքը այս օրերուն կ՚այցելէ Ամերիկայի Միացեալ Նահանգներ։ 81-ամեայ պատրիարքը ուղեւորութեան ընթացքին անհանգստանալով Ուաշինկթընի մէջ հիւանդանոց փոխադրուեցաւ։

Հայաստանի վարչապետ Նիկոլ Փաշինեան ցաւակցական այցելութիւն մը տուաւ նորոգ հանգուցեալ պետական գործիչ ու մտաւորական Վանօ Սիրադեղեանի ընտանիքին։ Այս առաւօտեան կանուխ ժամերուն պաշտօնական աղբիւրները տեղեկացուցին, որ Վանօ Սիրադեղեանի մահուան զուգահեռ Նիկոլ Փաշինեան բարոյական զօրակցութիւն յայտնած է անոր ընտանիքին։

Իրանի Արտաքին գործոց նախարար Ամիր Ապտուլլահիան եւ Ատրպէյճանի Արտաքին գործոց նախարար Ճէյհուն Պայրամով շաբաթավերջին հեռախօսազրոյց մը ունեցան։ Վերջին շրջանին Թեհրան-Պաքու առանցքին վրայ յառաջացած լարուածութեան պայմաններուն ներքեւ նախարարները քննարկեցին կողմերու յարաբերութիւններու ներկայ վիճակը։

Հայաստանի մէջ քորոնաժահրի համաճարակի դէմ պայքարը կը շարունակուի։ Վերջին շրջանին վիճակագրական տուեալները հասած են մտահոգիչ համեմատութիւններու։