Լրահոս

Ուաշինկթընէն բարձրաստիճան դիւանագէտներ իրերայաջորդ շփումներ կ՚ունենան Երեւանի եւ Պաքուի մէջ:
Ամերիկայի Միացեալ Նահանգներ կը խրախուսէ Թուրքիա-Հայաստան յարաբերութիւններու բնականոնացման գործընթացը:

Երեւանի մէջ այս օրերուն կ՚ընթանայ Եւրոպայի ծանրաբարձութեան առաջնութիւնը։ Հայաստանի տանտիրութեամբ, Երեւանի «Կարէն Տեմիրճեան» մարզահամերգային համալիրէն ներս տեղի կ՚ունենայ մրցաշարքը։

Կրոսմայսթըր Լեւոն Արոնեան կարճ կեցութեան ընթացքին հիւրընկալուեցաւ Առնօ Կարապետեանի կողմէ:
Աշխարհահռչակ ճատրակի ախոյեանը շաբաթավերջին այցելեց Իսթանպուլ, ուրկէ կ՚ուղեւորուի Ղազախիստան:

Կը տեղեկանանք, որ այս ամսավերջին Մարսէյլի մէջ պիտի նշուի յոբելեան մը, որ յատկանշական է ո՛չ միայն ֆրանսահայութեան, այլեւ ամբողջ սփիւռքին տեսակէտէ։

Իրանի արտաքին գործոց նախարար Ամիր Ապտուլլահիան եւ Ատրպէյճանի արտաքին գործոց նախարար Ճէյհուն Պայրամով շաբաթավերջին ունեցան հեռախօսազրոյց մը։ Թեհրան-Պաքու առանցքին վրայ վերջին շրջանին տարակարծութիւններ եւ լարուածութիւն կը նկատուին տարածաշրջանային իրադարձութիւններու բերումով։

Հայաստան-Ատրպէյճան սահմանին վրայ լարուածութիւնը միշտ կը շարունակուի։ Երէկ երեկոյեան Ատրպէյճանի զինեալ ուժերը դարձեալ կրակ բացին Հայաստանի սահմանի դիրքերուն վրայ։

Մեծն եօթնեակի (G-7) երկիրներու արտաքին գործոց նախարարները ժողով մը գումարեցին Ճաբոնի մէջ։ Միջազգային աղբիւրները լայնօրէն արձագանգ կը հանդիսանան այս հաւաքին, որու ընթացքին առաջնահերթօրէն օրակարգի վրայ եկաւ Ուքրայնայի կացութիւնը։

Անթալիոյ մէջ այս օրերուն տեղի ունեցաւ Եւրոպայի Մարմնամարզի առաջնութիւնը։ Շաբաթավերջին այս մրցաշարքի շրջանակներէն ներս ոսկէ մետայլ նուաճեց Հայաստանի ներկայացուցիչներէն Արթուր Դաւթեան։

Երէկ, Հայաստանի արտաքին գործոց նախարար Արարատ Միրզոյեան Սամարղանտի մէջ հանդիպում մը ունեցաւ Ռուսաստանի արտաքին գործոց նախարար Սերկէյ Լաւրովի հետ։

Թուրքիոյ եւ Եգիպտոսի արտաքին գործոց նախարարներուն շփումները միշտ փոխըմբռնումով կ՚ընթանան:
Անգարա եւ Գահիրէ պատրաստակամ՝ յառաջիկային բոլոր ուղղութիւններով համագործակցութիւնը զարգացնելու համար: