Գոհունակութեամբ վերահասու կ՚ըլլանք, թէ սփիւռքահայ յայտնի ազգային գործիչ ու բարերար Կիրակոս Գույումճեան հետեւողական ջանքեր կը գործադրէ՝ քաջալերելու համար նոր սերունդը՝ մանաւանդ խրախուսելու անոր կրթական վերելքը։
Իսրայէլ-Պաղեստին պատերազմը կը շարունակուի ամենայն սաստկութեամբ։ Կազզէի հատուածին վրայ բառին բուն իմաստով կրակ կը տեղայ՝ մինչ միջազգային հանրութիւնը կը բարձրաձայնէ իր խոր մտահոգութիւնը, սակայն գործնական իմաստով ոչինչ ընել կարելի կ՚ըլլայ։
Պրիւքսել կը միջնորդէ Երեւանի եւ Պաքուի միջեւ խաղաղութեան հաստատման եւ յարաբերութիւններու կարգաւորման համար:
Ալիեւի հետ նախատեսուած նոր ժամադրութեան ընդառաջ՝ Փաշինեան յայտնեց, որ այդ տեսլականին նկատմամբ հաւատարմութիւնը կրնայ ճեղքում ապահովել:
ՄԱԿ-ի Անվտանգութեան խորհուրդը չկրցաւ ժամանակաւոր հրադադարի կոչ ուղղել:
Պայտըն. «Իսրայէլի եւ Ուքրայնայի յաղթանակը կենսական է ԱՄՆ-ի ազգային անվտանգութեան համար»:
Երեւանի «Շարլ Ազնաւուր» մշակոյթի եւ արուեստի պետական քոլէճի շրջանաւարտներէն Դաւիթ Կիրակոսեան «Ալմաթին իմ սրտին մէջ-2023» (Almatym Juregimde-2023) երիտասարդ կատարողներու կառավարական ամենամեայ երգի միջազգային մրցոյթի մրցանակին արժանացած է:
Երեւանի մէջ տեղի կ՚ունենայ «ՌէԱնիմանիա» անիմասիոն ժապաւէններու եւ պատկերապատման արուեստի միջազգային փառատօնը։ Այսպէս, Հայաստանի Կրթութեան, գիտութեան, մշակոյթի եւ մարմնամարզի նախարարութեան աջակցութեամբ, հոկտեմբերի 22-28 թուականներու միջեւ տեղի կ՚ունենայ «ՌէԱնիմանիա» Երեւանի միջազգային անիմասիոն ժապաւէններու փառատօնը։
Երեւանի մէջ վերջին օրերուն տեղի ունեցաւ օդագնացութեան միջազգային փառատօն մը, որ մեծ խանդավառութեան առիթ հանդիսացաւ։ Օդապարիկներով կազմակերպուած ձեռնարկ մըն էր այս մէկը, որու շրջանակէն ներս թռիչքներ տեղի ունեցան թէ՛ մայրաքաղաք Երեւանի եւ թէ շրջաններու երկինքին։
Իսրայէլ-Պաղեստին պատերազմը կը շարունակուի սարսափելի դրուագներով։ Կազզէի սահմռկեցուցիչ իրադարձութիւնները կ՚արիւնեն համայն մարդկութեան խիղճը։
Պաքու կը պնդէ, որ Նիկոլ Փաշինեանի Սթրազպուրկի վերջին ելոյթին հռետորաբանութիւնը կը խաթարէ՝ խաղաղութեան պայմանագրի ստորագրման հեռանկարները:
Վարչապետին խօսքով՝ Հայաստանի կողմէ Եւրոմիութեան հետ յարաբերութիւններուն թափ տրուիլը ռազմավարական ընտրութիւն է ու ոչ թէ հանգամանքներով թելադրուած պատեհութիւն:
Աշխարհահռչակ անմոռանալի լուսանկարիչ Արա Կիւլէր երէկ ոգեկոչուեցաւ իր մահուան հինգերորդ տարելիցին առթիւ։ Արա Կիւլէրի մահուան տարելիցները մէկ կողմէ, անշուշտ, շատ տխուր են, իսկ միւս կողմէ ձեւով մը կենսունակութեան առիթ կը դառնան իր թողած մեծ աւանդի վերարժեւորման ու վերարտադրման առումով։
