Լրահոս

ԿԱՌԱՎԱՐՈՒԹԵԱՆ ԿԱԶՄԻՆ ՄԷՋ ՓՈՓՈԽՈՒԹԻՒՆ

Կառավարութեան կազմին մէջ երէկ տեղի ունեցան կարեւոր փոփոխութիւններ։ Այսպէս, Հանրապետութեան նախագահ Րէճէպ Թայյիպ Էրտողան եւ Վարչապետ Պինալի Եըլտըրըմ օրուան առաջին կէսին Պեշթեփէի մէջ ունեցան երկարատեւ խորհրդակցութիւն մը, որմէ վերջ հրապարակուեցան նոր նախարարներուն անունները։

ԵՐԵՍՓՈԽԱՆԷՆ ԱՀԱԶԱՆԳ

«Թուրքիոյ մէջ փոքրամասնութիւնները մեծ մտահոգութեան մատնուած են՝ իրենց գոյութեան, ներկայութեան տեւականացման առումով»:
Խորհրդարանի Սահմանադրական յանձնաժողովին մօտ Իսթանպուլի պատգամաւոր (ՃՀՓ) Սելինա Տողան արծարծեց երկրէն ներս ատելութեան դրսեւորումները պատժելու հարցը:

ԿԻՊՐՈՍԻ ՀԱՄԱՐ ՈՐՈՆՈՒՄՆԵՐ

Արտաքին գործոց նախարար Մեւլիւտ Չավուշօղլու այցելութիւն մը տուաւ Հիւսիսային Կիպրոսի Թուրք Հանրապետութիւն։ Երէկ երեկոյեան, Լեւքոշայի մէջ ան տեսակցեցաւ Հիւսիսային Կիպրոսի Թուրք Հանրապետութեան նախագահ Մուսթաֆա Աքընճըի, կառավարութեան եւ քաղաքական կուսակցութիւններու ղեկավարներուն հետ։ Իր ծաւալած քննարկումները յաջորդեցին Զուիցերիոյ մէջ Կիպրոսի հիմնախնդրի կարգաւորման ուղղեալ վերջին բանակցութիւններու ձախողման։

ՄԽԻԹԱՐԵԱՆ. «ՄԵԾ ՊԱՏԻՒ Է ԳԻՏԱԿՑԻԼ, ԹԷ ԱՄԲՈՂՋ ՀԱՅ ԱԶԳԸ ԻՆԾԻ ՀԵՏ Է»

Հայկական ֆութպոլի արդի մեծ աստղը՝ Հենրիխ Մխիթարեան հարցազրոյց մը տուաւ Marca միջազգային յայտնի պարբերականին։ «Մենչըսթըր Եունայթըտ»ի կիսապաշտպանը այս առթիւ ըսաւ. «Մեծ պատիւ է գիտակցիլ, որ ամբողջ հայ ազգը ինծի հետ է»։

ՏՔԹ. ՄԱՏԷԼԵԱՆԻՆ ՊԱՐԳԵՒ

Գոնկրեսական Պրէտ Շըրմըն, Շըրմըն Օքսի իր գրասենեակին մէջ կայացած հանդիպման ընթացքին, գնահատագիր յանձնած է Տքթ. Վերժին Մատէլեանին, գնահատելու համար անոր համայնքային կամաւոր սպասարկութիւններն ու բարեգործական ջանքերը:

ՀԱՅԱՍՏԱՆՑԻ ԱՇԱԿԵՐՏՆԵՐՈՒՆ ՅԱՋՈՂՈՒԹԻՒՆԸ

Թայլանտի Նախոմ-Պատոմ քաղաքին մէջ, Յուլիսի 6-15 թուականներուն միջեւ կայացած 2016-2017 ուսումնական տարուան «տարրաբանութիւն» նիւթի դպրոցականներու միջազգային մրցոյթին Հայաստանի խումբը մասնակցած է յաջողութեամբ՝ շահելով երկու պրոնզէ մետայլ եւ մէկ գովասանագիր:

ՎԵՐԱՊԱՀ ԵՒ ԶԳՈՅՇ

Միջնորդներու ջանքերով Հայաստանի եւ Ատրպէյճանի նախագահները հաւանական է, որ նոր տեսակցութիւն մը ունենան յառաջիկայ աշնան:
Սերժ Սարգսեան. «Մասնաւոր ակնկալութիւններ չունինք այդպիսի հանդիպումներէն, բայց այդուհանդերձ մենք դէմ չենք որեւէ հանդիպման ու պատրաստ ենք մշտապէս»:

Էջեր