Թուրքիա-Ռուսաստան ռազմական համագործակցութիւնը կը զարգանայ օրէ օր:
Արեւմտեան աղբիւրները անակնկալ չեն համարեր՝ յաջորդ շաբաթ համապատասխան փաստաթուղթին ստորագրուիլը երկու երկիրներու պաշտպանութեան նախարարներուն կողմէ:
Լիբանանահայ յայտնի ազգային գործիչ Սարգիս եւ Զուարթ Նաճարեան ամոլը վերջերս պարգեւատրուեցաւ Երեւանի մէջ։ Նաճարեաններուն համար մեծարանքի արարողութիւն մը տեղի ունեցաւ Հայաստանի Սփիւռքի նախարարութենէն ներս։
Գոհունակութեամբ վերահասու կ՚ըլլանք, որ Փարիզի «Ակն» ընկերակցութեան կողմէ հրատարակուած է շահեկան գիրք մը՝ հայկական եկեղեցական երաժշտութեան մասին։ Տեղւոյն Ս. Յովհաննէս Մկրտիչ Մայր տաճարի երաժշտապետ Արամ Քերովբեանի կողմէ հեղինակուած գործը կը կոչուի «Ձայն յանապատի. եկեղեցական երաժշտութեան բարեկարգումը ԺԹ. դարու վերջաւորութեան»։
Ստեփանակերտի ԹՈՒՄՕ ստեղծարար ճարտարագիտութիւններու կեդրոնին մէջ մեկնարկած է ֆիլմերու յատուկ աշխատարան, որ կը վարէ արցախցի բեմադրիչ Ջիւան Աւետիսեան:
2017-ին Հայաստան առաջին անգամ մասնակցած է Technovation Challenge միջազգային մրցոյթին: Կարբիի դպրոցի One Step Ahead աւագ խումբը «Կրթութիւն» անուանակարգին մէջ յաղթած է Armenian Sign Language յաւելուածով:
Երուսաղէմի Հայոց Պատրիարքութենէն ներս նոր գայթակղութիւն՝ վանքապատկան կալուածի մը ապօրէն վարձակալութեան շուրջ:
Տնօրէն ժողովի անվաւեր նիստով ու ծիծաղելի գումարներով կնքուած կասկածայարոյց պայմանագրերը կը թաքցուին Սրբոց Յակոբեանց միաբանութեան անդամներէն:
ԵԱՀԿ-ի Մինսքեան խմբակի համանախագահները երէկ հանդէս եկան համատեղ յայտարարութեամբ:
Միջնորդները վերստին պիտի ուղեւորուին դէպի Լեռնային Ղարաբաղի հակամարտութեան տարածքաշրջան:
Հանրապետութեան նախագահ Սերժ Սարգսեանի հրամանագրի հիման վրայ՝ Դանիոյ մօտ Հայաստանի դեսպան նշանակուեցաւ Ալեքսանտր Արզումանեան։ Այսպէս, յառաջիկայ շրջանին ան պիտի ուղեւորուի Քոփենհակ, ուր պիտի կատարէ իր ծառայութիւնը։
Նախաձեռնարկ մարմնի բանբեր իրաւաբան Սեպուհ Ասլանկիլ այս առաւօտ մեզի յայտնեց, որ պատրիարքական ընտրութեան գործընթացի ժամանակացոյցը թուականներու առումով յստականալ պիտի սկսի Յուլիսի 20-ին Պատրիարքարանի մէջ մեր եկեղեցիներու մատակարար մարմիններու ներկայացուցիչներուն հետ նախատեսուած խորհրդակցութեան լոյսին տակ:
Հայաստանի եւ Ատրպէյճանի արտաքին գործոց նախարարները հանդիպում մը ունեցան Պրիւքսելի մէջ՝ ԵԱՀԿ-ի Մինսքեան խմբակի համանախագահներու նախաձեռնութեամբ:
Միջնորդները կը փափաքին մինչեւ տարեվերջ տեսակցութիւն մը ապահովել նախագահներու մակարդակով: Նիւ Եորքի մէջ յառաջիկայ Սեպտեմբերին պիտի շարունակուին քննարկումները:
