Թրքահայ կեանք

Թոփ­գա­բուի Լե­ւոն-Վար­դու­հեան վար­ժա­րա­նի շրջա­նա­ւար­տու­թեան հան­դէ­սը կա­յա­ցաւ թա­ղի ե­կե­ղեց­ւոյ «Իլգ­գան» սրա­հին մէջ։ Ներ­կայ էին տեղ­ւոյն թա­ղա­յին խոր­հուր­դի ան­դամ­նե­րը՝ գլխա­ւո­րու­թեամբ ա­տե­նա­պետ Մու­րատ Չա­քա­նի, վար­ժա­րա­նի հիմ­նադ­րի ներ­կա­յա­ցու­ցիչ Ե­դուարդ Հար­բութ, Ս. Փրկիչ Ազ­գա­յին հի­ւան­դա­նո­ցի ընդ­հա­նուր քար­տու­ղա­րու­հի Սիլ­վա Թրի­քա, նախ­կին ա­տե­նա­պե­տու­հի ու բա­րե­րար Մո­նիք Եր­կա­նեան, ծնո­ղաց միու­թե­նէն ան­դամ­ներ, կրթա­կան մշակ­ներ եւ հրա­ւի­րեալ­ներ։ Յայ­տագ­րի տե­ւո­ղու­թեան ար­տա­յայ­տուե­ցան տնօ­րէ­նու­հի Ա­նի­թա Թու­մա­յեան, Մու­րատ Չա­քան եւ Ե­դուարդ Հար­բութ, ո­րոնք շնոր­հա­ւո­րե­ցին շրջա­նա­ւարտ­նե­րը։

​Մշոյ Ս. Կա­րա­պետ վան­քի վե­րա­կա­ռուց­ման, գէթ իր գտնուած պատ­մա­կան վայ­րը յի­շո­ղու­թեան վայ­րի մը վե­րա­ծե­լու ուղ­ղու­թեամբ Սա­սուն-Պիթ­լիս-Մու­շի եւ այլ վայ­րե­րու հայ փոք­րա­մաս­նու­թեանց միու­թեան կող­մէ նա­խա­ձեռ­նուած ջան­քե­րը հետզ­հե­տէ կը սկսին տալ ի­րենց ար­դիւն­քը։

Մխի­թա­րեան վար­ժա­րա­նը տուն դար­ձաւ ման­կա­պար­տէ­զի դա­սա­րան­նե­րու տա­րե­վեր­ջի հան­դէ­սին, որ տե­ղի ու­նե­ցաւ յետ­մի­ջօ­րէին վար­ժա­րա­նի հան­դի­սաս­րա­հին մէջ, ներ­կա­յու­թեամբ Մխի­թա­րեան հայ­րե­րու՝ Մագ. Հ. Սար­գիս Ծ. Վրդ. Էր­մէ­նի եւ Հ. Յա­կով­բոս Ծ. Վրդ. Չօ­փու­րեա­նի, հիմ­նադ­րի ներ­կա­յա­ցու­ցիչ Պերճ Մեն­զիլ­ճիօղ­լուի, Մա­տա­կա­րար մարմ­նի ա­տե­նա­պետ եւ ան­դամ­նե­րուն, վար­ժա­րա­նի տնօ­րէ­նու­թեան, ու­սուց­չաց կազ­մին եւ ծ­նող­նե­րու:

Գալ­ֆաեան Տան մէջ տե­ղի ու­նե­ցաւ ման­կա­պար­տէ­զի եւ ա­ւար­տա­կան դա­սա­րա­նի շրջա­նա­ւար­տից հան­դէս­ներն ու ա­ռա­ջին դա­սա­րա­նի ըն­թերց­ման տօ­նը։ Կրթօ­ճա­խի ու­սուց­չու­հի­նե­րուն կող­մէ պատ­րաս­տուած յայ­տա­գի­րը խան­դա­վա­ռեց ներ­կա­նե­րը։

Օր­թա­գիւ­ղի Թարգ­ման­չաց վար­ժա­րա­նի եր­դի­քին տակ տե­ղի ու­նե­ցաւ շրջա­նա­ւար­տից հան­դէ­սը։ Ներ­կայ էին վար­ժա­րա­նի հիմ­նադ­րի ներ­կա­յա­ցու­ցիչ Հայկ Աս­լա­նեան, տեղ­ւոյն Թա­ղա­յին խոր­հուր­դի ա­տե­նա­պետ Իս­քէն­տէր Շա­հին­կէօզ եւ իր ըն­կեր­նե­րը, տնօ­րէն Ա­րաս Տե­լի­ճէ, Պէ­շիկ­թա­շի քա­ղա­քա­պե­տա­րա­նէն խորհր­դա­կան Նուր­հան Փա­լա­քօղ­լու, վաս­տա­կա­ւոր տնօ­րէն Մա­րի Նալ­ճը, ինչ­պէս նաեւ ծնող­ներ, ո­րոնք փու­թա­ցած էին ող­ջու­նե­լու շրջա­նա­ւարտ­նե­րը։

Ֆէ­րի­գիւ­ղի Մէ­րա­մէթ­ճեան վար­ժա­րա­նի եր­դի­քին տակ ե­րէկ ապ­րուե­ցաւ խան­դա­վառ օր մը։ Ու­սում­նա­կան տա­րուան տե­ւո­ղու­թեան զա­նա­զան ո­լորտ­նե­րէ ներս յա­նուն վար­ժա­րա­նի մրցանք­նե­րու մաս­նակ­ցած եւ յա­ջո­ղու­թիւն­ներ նուա­ճած պա­տա­նի­նե­րը ներ­կա­յա­ցան Մէ­րա­մէթ­ճեա­նի ըն­տա­նի­քին եւ ան­գամ մը եւս խլե­ցին ա­նոնց ծա­փե­րը։

Պա­քըր­գիւ­ղի Ս. Աս­տուա­ծա­ծին ե­կե­ղեց­ւոյ Քա­ռա­սուն ման­կանց երգ­չա­խում­բի ե­րի­տա­սար­դաց կազ­մը ե­րէկ հա­մերգ մը սար­քեց  Ա­թա­գիւ­ղի «Եու­նուս Էմ­րէ» մշա­կոյ­թի կեդ­րո­նին մէջ։ Ա­րուես­տա­սէր հա­սա­րա­կու­թեան շար­քե­րուն տեղ գրա­ւած էին թա­ղին հո­գե­ւոր հո­վի­ւը՝ Տ. Յու­սիկ Քհնյ. Հէր­կէ­լեան, Թա­ղա­յին խոր­հուր­դի ա­տե­նա­պետ Մե­սուտ Էօզ­տէ­միր ու իր ըն­կեր­նե­րը, Տա­տեան վար­ժա­րա­նի տնօ­րէ­նու­հի Ա­լիս Պայ­րամ, վաս­տա­կա­շատ կրթա­կան մշակ Հեր­մի­նէ Պեն­լիօղ­լու։

Վար­պետ լու­սան­կա­րիչ Ա­րա Կիւ­լէր հիւ­րըն­կա­լուե­ցաւ «Զա­ման» օ­րա­թեր­թին կող­մէ ա­ւան­դա­բար կազ­մա­կերպուող լրագ­րո­ղա­կան ձե­ւա­ւոր­ման օ­րե­րու ձեռ­նար­կին։ Այս առ­թիւ բաց­ման խօս­քեր ար­տա­սա­նե­ցին «Զա­ման»ի հրա­տա­րա­կու­թեան ընդ­հա­նուր տնօ­րէն Էք­րէմ Տու­ման­լը եւ տե­սո­ղա­կան հրա­տա­րա­կու­թեան վա­րիչ Ֆեւ­զի Եա­զը­ճը։

Մշոյ Եու­քա­րըեոն­կալ գիւ­ղին մէջ գտնուող Ս. Կա­րա­պետ վան­քի տա­րած­քը հոն գտնուող տու­նե­րէն ա­զա­տե­լու եւ վան­քի վե­րա­կա­ռուց­ման աշ­խա­տանք­նե­րը ի­րա­կա­նաց­նե­լու հա­մար դի­մում մը ներ­կա­յա­ցուած է Մշա­կոյ­թի եւ զբօ­սաշր­ջու­թեան, ինչ­պէս նաեւ Ներ­քին գոր­ծոց նա­խա­րա­րու­թիւն­նե­րուն։

Շա­բա­թա­վեր­ջին կա­յա­ցած խորհր­դա­րա­նա­կան ընտ­րու­թեանց հե­տե­ւե­ցան նաեւ դի­տոր­դա­կան տար­բեր կազ­մա­կեր­պու­թիւն­ներ, թէ՛ քա­ղա­քա­ցիա­կան հա­սա­րա­կու­թե­նէն եւ թէ մի­ջազ­գա­յին հան­րու­թե­նէն։ ՀՏՓ­-ի հրա­ւէ­րով ընտ­րու­թեանց հե­տե­ւե­ցաւ նաեւ ՀՅ դաշ­նակ­ցու­թեան Եւ­րո­պա­յի հայ դա­տի գրա­սե­նեա­կի պատուի­րա­կու­թիւ­նը։