Թրքահայ կեանք

TÜYAP-ի Պէյ­լիք­տիւ­զի­ւի հա­մա­լի­րէն ներս այս շա­բա­թա­վեր­ջին պի­տի բա­ցուի Իս­թան­պու­լի 35-րդ գիր­քի տօ­նա­վա­ճա­ռը, որ պի­տի շա­րու­նա­կուի մին­չեւ Նո­յեմ­բե­րի 20-ը։ Տօ­նա­վա­ճա­ռին այս տա­րի եւս կը մաս­նակ­ցի «Ա­րաս» հրա­տա­րակ­չու­թիւ­նը, ո­րու տա­ղա­ւա­րը պի­տի գտնուի հա­մա­լի­րի եր­րորդ սրա­հէն ներս՝ 603 D։

Հուն­գա­րիոյ Տեպ­րէ­ճէն քա­ղա­քին մէջ Է­սաեան վար­ժա­րա­նէն խումբ մը ա­շա­կերտ­ներ վեր­ջերս հեր­թա­կան ան­գամ մաս­նակ­ցե­ցան «Է­րաս­մուս» ծրագ­րին շրջագ­ծով աշ­խա­տան­քի մը։ «Եւ­րո­պա­կան աշ­խա­տան­քա­յին շու­կայ ե­րի­տա­սարդ­նե­րու հա­մար» խո­րագ­րեալ նա­խագ­ծին մաս­նակ­ցու­թիւն բե­րին Նա­յի­րի Պիւ­յիւք­սիմ­քէ­շեան, Սե­ւակ Պիւ­յիւք­սիմ­քէ­շեան, Սե­լին Պա­պա­սըզ եւ Թա­լիա Կե­ւիք։

Պա­քըր­գիւ­ղի Ծնունդ Ս. Աս­տուա­ծա­ծին ե­կե­ղեց­ւոյ թա­ղա­յին խոր­հուր­դին ա­ռըն­թեր գոր­ծող Մշա­կու­թա­յին ձեռ­նարկ­նե­րու յանձ­նա­խում­բին նա­խա­ձեռ­նու­թեամբ վեր­ջերս թա­ղի Տա­տեան վար­ժա­րա­նի «Տիգ­րան Կիւլ­մէզ­կիլ» հան­դի­սաս­րա­հին մէջ տե­ղի ու­նե­ցաւ «Ո­մանք» խում­բին հա­մեր­գը։

Այս տարի Շիշլի մարզակումբի վարչութեան նախաձեռնութեամբ կազմակերպուած ձմրան դասընթացքներուն մասնակցութիւն կը բերէ 450 աշակերտ:
Վոլէյպոլի, պասքեթպոլի եւ ճատրակի մէջ շիշլիցիները աշխատանք կը տանին փորձառու մարզիչներու վերահսկողութեան ներքեւ:

Գիտութիւններու ազգային ակադեմիոյ Պատմութեան կաճառի տնօրէնը վերադարձաւ:
Աշոտ Մելքոնեան տեղեկութիւններ քաղեց Պատրիարքարանի արխիւներու ներկայ վիճակին շուրջ:

Համայնքային շրջանակները գործնական զօրակցութեամբ հերթական անգամ լուրջ քայլ մը առին՝ Մէրամէթճեան վարժարանի առաքելութիւնը խրախուսելու համար:
Ֆէրիգիւղի ընտանիքը յաջողեցաւ այս տարուան սիրոյ սեղանի արդիւնքին ապահովել յուսադրիչ հանգանակութիւն՝ դպրոցի յառաջիկայ կայունութեան երաշխաւորման տեսակէտէ: Պատրիարքական Ընդհանուր Փոխանորդ Տ. Արամ Արքեպիսկոպոս Աթէշեան նախագահեց կրօնական եւ աշխարհիկ աւանդական արարողութիւններուն:

Իս­թան­պու­լա­հայ սա­նուց եւ հայ­րե­նակ­ցա­կան միու­թիւն­նե­րու հա­մա­տեղ նա­խա­ձեռ­նու­թեամբ ե­րէկ Օր­թա­գիւ­ղի մէջ տե­ղի ու­նե­ցաւ աշ­նան բա­ցօ­թեայ հա­ւաք մը։ «Ոս­կի ա­շուն»ի ա­ւան­դու­թիւ­նը տե­ւա­կա­նաց­նե­լու եւ ձմեռ­նա­մու­տը միաս­նա­բար ող­ջու­նե­լու տե­սան­կիւ­նէն հա­ճե­լի նա­խա­ձեռ­նու­թիւն մըն է այս մէ­կը, ո­րու նա­խըն­թա­ցը ձե­ւա­ւո­րուած է տա­րի­նե­րէ ի վեր։

«Պո­ղա­զի­չի» եւ «Պահ­չէ­շե­հիր» հա­մալ­սա­րան­նե­րու դա­սա­խօս Էր­թուղ­րուլ Զոր­լու­թու­նա վեր­ջերս այ­ցե­լեց ԺԱ­ՄԱ­ՆԱԿ-ի խմբագ­րա­տու­նը, ըն­կե­րակ­ցու­թեամբ մեր պա­տուա­կալ աշ­խա­տա­կից Տ. Մաշ­տոց Քհնյ. Գալ­փաք­ճեա­նի։ Ա­կա­դե­մա­կան գետ­նի վրայ ծա­ւա­լած եր­կա­րա­մեայ գոր­ծու­նէու­թեան ա­ռըն­թեր Էր­թուղ­րուլ Զոր­լու­թու­նա ան­ցեա­լի մէջ մի­ջոց մը աշ­խա­տած է նաեւ մա­մու­լի ո­լոր­տէն ներս։

Պո­մոն­թիի Մխի­թա­րեան վար­ժա­րա­նին մէջ ան­ցեալ շաբ­թուան ըն­թաց­քին տե­ղի ու­նե­ցաւ հան­դէս մը՝ Թարգ­ման­չաց տօ­նին առ­թիւ։ Վար­ժա­րա­նի հիմ­նադ­րի ներ­կա­յա­ցու­ցիչ ու տնօ­րէն Գա­րե­գին Պար­սա­մեան հան­դէ­սի ըն­թաց­քին ու­նե­ցաւ ե­լոյթ մը։

Հա­յաս­տա­նի Գի­տու­թիւն­նե­րու ազ­գա­յին ա­կա­դե­միոյ Պատ­մու­թեան կա­ճա­ռի տնօ­րէն Փրոֆ. Ա­շոտ Մել­քո­նեան, որ քա­ղաքս հրա­ւի­րուած է Ար­մա­ւե­նի Մի­րօղ­լուի «Պոլ­սա­հա­յե­րը (1923-1939)» գրքի շնոր­հան­դէ­սին առ­թիւ, այս շա­բա­թա­վեր­ջը կ՚ան­ցը­նէ Իս­թան­պու­լի մէջ, իր կո­ղակ­ցին՝ Լու­սի­նէ Մել­քո­նեա­նի հետ, որ Ե­րե­ւա­նի քա­ղա­քա­պե­տու­թեան թան­գա­րա­նի ղե­կա­վա­րու­թեան մաս կը կազ­մէ։