Թրքահայ կեանք

Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան Կա­թո­ղի­կէ աշ­խար­հի Ս. Ծննդեան տօ­նին առ­թիւ այ­ցե­լեց Թուր­քիոյ Հայ Կա­թո­ղի­կէից Ար­քե­պիս­կո­պո­սա­րա­նը։ Յա­նուն Պատ­րիար­քա­կան Ա­թո­ռին ան այս առ­թիւ շնոր­հա­ւո­րու­թիւն­ներ յղեց Վի­ճա­կա­ւոր Տ. Լե­ւոն Արք. Զէ­քիեա­նին։

Խոր ցա­ւով վե­րա­հա­սու ե­ղանք, որ այս ա­ռա­ւօտեան կա­նուխ ժա­մե­րուն իր մահ­կա­նա­ցուն կնքած է մեր հա­մայն­քի ե­րէց սե­րուն­դի հա­մակ­րե­լի դէմ­քե­րէն Ա­զա­տու­հի Թո­րոս։ Հան­գու­ցեա­լը մայրն էր «Ֆօ­թօ Պո­լիս» լու­սան­կար­չա­կան ծա­ռայու­թեան հիմ­նա­դիր, յայտ­նի լու­սան­կա­րիչ Մկրտիչ Ար­ծի­ւեա­նի։

Ա­մա­նո­րի սե­մին Գա­տը­գիւ­ղի մէջ տե­ղի ու­նե­ցաւ քէր­մէս մը։ Ս. Թա­գա­ւոր Դպրաց Դաս-երգ­չա­խում­բը Գա­տը­գիւ­ղի հա­մա­նուն ե­կե­ղեց­ւոյ «Պա­լըք­ճեան» սրա­հին մէջ կազ­մա­կեր­պեց այս ձեռ­նար­կը, ո­րու մաս­նա­կից թա­ղե­ցի­նե­րը բաժ­նե­ցին տօ­նա­կան շրջա­նի հրճուան­քը։

Է­սաեան վար­ժա­րա­նի ա­շա­կերտ­նե­րը վեր­ջերս ճատ­րա­կի մէջ ար­ձա­նագ­րե­ցին փայ­լուն յա­ջո­ղու­թիւն­ներ։ Պէ­յօղ­լուի շրջա­նի վար­ժա­րան­նե­րուն մի­ջեւ կազ­մա­կեր­պուած մրցա­շար­քի մը շրջագ­ծով ա­նոնք ա­պա­հո­վե­ցին դափ­նի­ներ, ինչ որ ար­ժա­նա­ցաւ մեծ գնա­հա­տան­քի։

Շիշ­լի մար­զա­կում­բի վար­չու­թեան նա­խա­ձեռ­նու­թեամբ ձմրան դա­սըն­թացք­նե­րու մաս­նա­կից­նե­րուն հա­մար կազ­մա­կեր­պուե­ցան Ա­մա­նո­րի խրախ­ճանք­ներ։ Այս­պէս, թէ՛ ա­կում­բի հա­ւա­քա­տե­ղիին եւ թէ Պա­քըր­գիւ­ղի Տա­տեան վար­ժա­րա­նի «Եթ­քին Պէր­պէ­րօղ­լու» մար­զաս­րա­հին մէջ տե­ղի ու­նե­ցան խրախ­ճանք­նե­րը։

Պատրիարքական Ընդհանուր Փոխանորդ Տ. Արամ Արք. Աթէշեան երէկ նախագահեց Սուրբ Յովհաննէս եկեղեցւոյ արարողութիւններուն:
Ատենապետ Յարութիւն Շանլըի կողմէ գլխաւորուած թաղային խորհուրդը բեղուն աշխատանք կը տանի բոլոր ուղղութիւններով՝ արժանանալով համայնքի գնահատանքին:

Պա­քըր­գիւ­ղի Տա­տեան սա­նուց միու­թեան նա­խա­ձեռ­նու­թեամբ շա­բա­թա­վեր­ջին ձեռ­նարկ մը կազ­մա­կեր­պուե­ցաւ Ա­մա­նո­րի առ­թիւ։ Միու­թեան եր­դի­քին տակ զա­նա­զան դա­սըն­թացք­նե­րու մաս­նա­կից փոք­րիկ­նե­րուն հա­մար նա­խա­տե­սուած խրախ­ճանք մըն էր այս մէ­կը։

Ֆէ­րի­գիւ­ղի Ս. Վար­դա­նանց Դպրաց Դաս-երգ­չա­խում­բը Ա­մա­նո­րի շրջա­նին կը տե­ւա­կա­նաց­նէ ա­ւան­դու­թիւն­նե­րը։ Տօ­նա­կան օ­րե­րու ու­րա­խու­թե­նէն ա­ռա­ւե­լա­գոյն բա­ժի­նը կը վի­ճա­կի ման­կա­պա­տա­նե­կան կազ­մի ան­դամ­նե­րուն։

Մեր գե­ղա­րուես­տա­կան աշ­խար­հի հա­մակ­րե­լի ու ար­ժէ­քա­ւոր ա­նուն­նե­րէն Միհ­րան Թով­մա­սեան եւ Սա­րօ Ուս­թա ե­րէկ ե­րե­կո­յեան Գա­տը­գիւ­ղի Ա­րա­մեան սա­նուց միու­թեան մէջ հան­դէս ե­կան «Սար» ա­նուն ներ­կա­յա­ցու­մով։