Թրքահայ կեանք

Գա­տը­գիւ­ղի Ս. Թա­գա­ւոր ե­կե­ղեց­ւոյ մէջ Ս. Պա­տա­րա­գի մա­տուց­մամբ կա­տա­րուած հո­գե­հանգս­տեան պաշ­տօ­նով յի­շա­տա­կուե­ցան ե­կե­ղեց­ւոյ բա­րե­րար­ներ Ֆէս­ճեան, Սէրթ­շիմ­շէք, Չո­լա­քեան եւ Մե­ծա­րեան ըն­տա­նիք­նե­րու ան­դամ­նե­րը։ Հա­կա­ռակ օ­դի անն­պաստ պայ­ման­նե­րուն, ներ­կայ ե­ղան կո­կիկ թի­ւով հա­ւա­տա­ցեալ­ներ։

Յայտ­նի հա­մայն­քա­յին բա­րե­րար Ա­րէտ Եր­կա­նեան այ­ցե­լեց Վա­քըֆ­նե­րու խոր­հուր­դի մօտ փոք­րա­մաս­նու­թեանց ներ­կա­յա­ցու­ցիչ Թո­րոս Ալ­ճա­նի գրա­սե­նեա­կը։ Ա­րէտ Եր­կա­նեան կամ­քէ ան­կախ պատ­ճառ­նե­րով չէր կրցած մաս­նակ­ցիլ ներ­կա­յա­ցու­ցի­չի գրա­սե­նեա­կի բաց­ման հա­ւա­քոյ­թին։

Գա­տը­գիւ­ղի Ա­րա­մեան-Ուն­ճեան վար­ժա­րա­նին մէջ Նոր տար­ւոյ եւ Սուրբ Ծննդեան շրջա­նին ստեղ­ծուե­ցաւ մեծ խան­դա­վա­ռու­թիւն։ Գա­տը­գիւ­ղի ըն­տա­նի­քը ա­ւան­դա­կան մթնո­լոր­տի մը մէջ տա­րե­մու­տին ի­րա­կա­նա­ցուց զա­նա­զան ձեռ­նարկ­ներ։ Դպրո­ցէն ներս ալ տե­ղի ու­նե­ցաւ փայ­լուն հան­դէս մը։

Թաք­սիմ մար­զա­կում­բի մին­չեւ տաս­ներ­կու տա­րե­կան­նե­րու ֆութ­պո­լի կազ­մը վեր­ջերս ար­ձա­նագ­րեց փայ­լուն յա­ջո­ղու­թիւն մը։ Տղա­քը ի­րենց խմբա­ւոր­ման մէջ հան­դի­սա­ցան ա­խո­յեան։

Պոլսահայութիւնը Սուրբ Ծննդեան աւետիսով գիրկընդխառնուեցաւ մեր եկեղեցիներուն մէջ:
Տ. Արամ Արք. Աթէշեան Գումգաբուի ընդունելութեան ընթացքին ընթերցեց Վարչապետ Պինալի Եըլտըրըմի շնորհաւորականը:

ՍԱ­ՀԱԿ Ե­ՊԻՍ­ԿՈ­ՊՈՍ ՄԱ­ՇԱ­ԼԵԱՆ

Տա­րի­նե­րու տխուր տո­ղան­ցքին առ­ջեւ մենք ջեր­մօ­րէն մխի­թա­րու­թիւն կը զգանք եր­կու հա­զար տա­րուայ ա­ւե­տի­սը վերս­տին հնչեց­նե­լով.
«Քրիս­տոս ծնաւ եւ յայտ­նե­ցաւ»։

Իսթանպուլահայ հոգեւորականաց դասու անդամներուն նոր տարուայ աւանդական հաւաքը՝ Գումգաբուի մէջ:
Տ. Արամ Արք. Աթէշեան եւ Տ. Սահակ Եպսկ. Մաշալեան հանդէս եկան շնորհաւորական խօսքերով ու մաղթեցին, որ 2017-ին ամէնուրեք տիրէ խաղաղութիւնը:

Պատրիարքական Աթոռի հովանաւորութեան ներքեւ աւանդական ձեռնարկ՝ Պէյօղլուի Սուրբ Երրորդութիւն եկեղեցւոյ երդիքին տակ:
Լուսաւորիչ երգչախումբը մեր հոգեւոր երաժշտութենէն նմոյշներ ներկայացուց խորապէս տպաւորիչ ձեւով՝ խմբավար Յակոբ Մամիկոնեանի մականին տակ:

Պատ­րիար­քա­կան Ա­թո­ռի նա­խա­ձեռ­նու­թեամբ, ե­րէկ, Գում­գա­բուի «Պէզ­ճեան» սրա­հին մէջ տե­ղի ու­նե­ցաւ տա­րե­մու­տի ա­ւան­դա­կան ման­կանց խրախ­ճան­քը։ Հա­մայն­քա­յին վար­ժա­րան­նե­րու ա­շա­կերտ­նե­րուն հա­մար նա­խա­տե­սուած այս խրախ­ճան­քին ըն­թաց­քին ստեղ­ծուե­ցաւ խան­դա­վառ մթնո­լորտ։ Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեա­նի հան­դի­սա­պե­տու­թեամբ տղա­քը հան­դէս ե­կան ե­լոյթ­նե­րով, ու­նե­ցան հա­ճե­լի ժա­մանց ու մա­նա­ւանդ նուէր­ներ ստա­ցան Կա­ղանդ պա­պու­կին ձե­ռամբ։

Սա­մա­թիոյ Ա­նա­րատ Յղու­թիւն վար­ժա­րա­նին մէջ Ա­մա­նո­րի առ­թիւ տե­ղի ու­նե­ցաւ ո­գե­ւոր հան­դէս մը։ Տղա­քը՝ ու­սուց­չու­հի­նե­րուն վե­րահս­կո­ղու­թեամբ պատ­րաս­տուած էին ի­րենց տե­սա­կէ­տէ իս­կա­պէս շատ զուար­ճա­լի այս ձեռ­նար­կին։