Թրքահայ կեանք

Ե­րէկ յետ­մի­ջօ­րէին, Պետ­րոս Շի­րի­նօղ­լու այ­ցե­լեց Իս­թան­պու­լի կու­սա­կա­լու­թիւն։ Ան ըն­դու­նուե­ցաւ կու­սա­կալ Վա­սիփ Շա­հի­նի կող­մէ։ Շուրջ կէս ժամ տե­ւեց այս զրոյ­ցը, ո­րու ըն­թաց­քին Շա­հին ջերմ մթնո­լոր­տի մը մէջ հիւ­րըն­կա­լեց Շի­րի­նօղ­լուն։

Գա­տը­գիւ­ղի Ա­րա­մեան-Ուն­ճեան վար­ժա­րա­նին մէջ մեծ խան­դա­վա­ռու­թիւն ստեղ­ծուած է ներ­կայ կրթա­կան շրջա­նի եզ­րա­փա­կիչ փու­լին ըն­դա­ռաջ։ Վեր­ջերս տե­ղի ու­նե­ցաւ դպրո­ցի ե­րեք ման­կա­պար­տէզ­նե­րու փոք­րիկ­նե­րուն տա­րե­վեր­ջի հան­դէ­սը։

Հա­ճոյքն ու­նե­ցանք խմբագ­­րա­տանս մէջ հիւ­րըն­կա­լե­լու մեր հա­մայն­քի ար­ժէ­քա­ւոր ա­րուես­տա­գի­տու­հի­նե­րէն Ժա­նին Փա­փա­զեանն ու Ա­նի Չի­մէ­նը։ Այս վեր­ջին­նե­րը Մել­թէմ Ե­նի­կիւ­նի ալ մաս­նակ­ցու­թեամբ կը վե­րահս­կեն գե­ղա­րուես­տա­կան աշ­խա­տա­նո­ցի մը գոր­ծու­նէու­թիւ­նը։

Ֆէ­րի­գիւ­ղի ըն­տա­նի­քը ե­րէկ իր յար­գան­քի տուր­քը մա­տոյց թա­ղի Մէ­րա­մէթ­ճեան վար­ժա­րա­նի ե­րախ­տա­շատ հիմ­նադ­րին՝ հո­գե­լոյս Զե­նոբ է­ֆէն­տի Մէ­րա­մէթ­ճեա­նի յի­շա­տա­կին նկատ­մամբ։ Օր մը ա­ռաջ, յա­ւարտ կի­րակ­նօ­րեայ Ս. Պա­տա­րա­գի, Ֆէ­րի­գիւ­ղի Ս. Վար­դա­նանց ե­կե­ղեց­ւոյ մէջ հո­գե­հանգս­տեան պաշ­տօն կա­տա­րուե­ցաւ հան­գու­ցեալ Զե­նոբ է­ֆէն­տի Մէ­րա­մէթ­ճեա­նի հա­մար։

​Մխի­թա­րեան վար­ժա­րա­նին մէջ ան­ցեալ շա­բա­թա­վեր­ջին տե­ղի ու­նե­ցաւ «Կեն­դա­նի գիր­քեր» խո­րագ­րեալ ձեռ­նարկ մը։ Մեր հա­մայն­քա­յին հինգ լի­սէ­նե­րէն ա­շա­կեր­տա­կան խում­բեր մաս­նակ­ցու­թիւն բե­րին այս ծրագ­րին, ի­րենց անգ­լե­րէ­նի ու­սու­ցիչ­նե­րու հսկո­ղու­թեամբ։

​Թաք­սիմ մար­զա­կում­բի ֆութ­պո­լի պա­տա­նե­կան կազ­մե­րը վեր­ջերս այ­ցե­լե­ցին Հիւ­սի­սա­յին Կիպ­րոս, ուր նուա­ճե­ցին բա­ժակ մը։ Ա­կում­բի մին­չեւ 12 եւ մին­չեւ 14 տա­րե­կան­նե­րու կազ­մե­րը խա­ղա­ցին Հիւ­սի­սա­յին Կիպ­րո­սի թրքա­կան ընտ­րա­նիին հետ։

Պա­քըր­գիւ­ղի ըն­տա­նի­քը ե­րէկ խան­դա­վառ օր մը ապ­րե­ցաւ Տա­տեան վար­ժա­րա­նի շրջա­նա­ւար­տից տա­րե­կան ա­ւան­դա­կան հա­ւա­քին առ­թիւ։ Ե­րէկ յետ­մի­ջօ­րէին դպրո­ցի նո­րա­կա­ռոյց հա­մա­լի­րէն ներս տե­ղի ու­նե­ցաւ շրջա­նա­ւար­տից տա­րե­կան հա­ւա­քոյ­թը, ո­րու յայ­տա­գի­րը գոր­ծադ­րուե­ցաւ «Տիգ­րան Կիւլ­մէզ­կիլ» հան­դի­սաս­րա­հի եր­դի­քին տակ։

Է­սաեան վար­ժա­րա­նի ա­ւար­տա­կան դա­սա­րա­նէն խումբ մը ա­շա­կերտ­ներ այ­ցե­լե­ցին Պա­լըք­լըի ազ­գա­յին գե­րեզ­մա­տու­նը, հա­յե­րէ­նի ու­սուց­չու­հի Ար­մա­ւե­նի Մի­րօղ­լուի հսկո­ղու­թեամբ։ Տղա­քը ա­ղօ­թե­ցին գե­րեզ­մա­նա­տան Ս. Սար­գիս մատ­րան մէջ եւ շրջայց մը կա­տա­րե­լով հա­ղորդ դար­ձան գե­րեզ­մա­նա­տան պատ­մու­թեան։

​Թոփ­գա­բուի Լե­ւոն-Վար­դու­հեան վար­ժա­րա­նի ման­կա­պար­տէ­զի փոք­րիկ­նե­րուն տա­րե­վեր­ջի հան­դէ­սը ե­րէկ տե­ղի ու­նե­ցաւ թա­ղի Ս. Նի­կո­ղա­յոս ե­կե­ղեց­ւոյ յա­րա­կից «Իլգ­գան» սրա­հին մէջ։ Ներ­կայ էին թա­ղա­յին խոր­հուր­դի ներ­կա­յա­ցու­ցիչ­նե­րը, ծնո­ղաց միու­թեան պա­տաս­խա­նա­տու­ներն ու ման­կար­պար­տէ­զի փոք­րիկ­նե­րուն ըն­տա­նիք­նե­րը։

​Իս­թան­պու­լի գլխա­ւոր քա­ղա­քա­պետ Քա­տիր Թոփ­պաշ ե­րէկ այ­ցե­լեց Մխի­թա­րեան վար­ժա­րան։ Այս առ­թիւ խան­դա­վառ մթնո­լորտ մը ստեղ­ծուե­ցաւ դպրո­ցի եր­դի­քին տակ։ Քա­ղա­քա­պետ Թոփ­պա­շին ըն­կե­րա­ցան ԱՔ կու­սակ­ցու­թեան Շիշ­լիի մաս­նա­ճիւ­ղի ղե­կա­վար Էօ­մէր Ֆուատ Կիւն­տայ եւ իր խորհր­դա­կան­նե­րէն Նա­տիա Թա­շէլ։