Թրքահայ կեանք

​Կէ­տիկ­փա­շա­յի «Հրանդ Տինք» վար­ժա­րա­նին մէջ ա­շա­կերտ­նե­րը գար­նա­նա­յին գու­նա­գեղ խան­դա­վա­ռու­թեամբ տօ­նե­ցին Սուրբ Զա­տի­կը։ Դպրո­ցէն ներս այս առ­թիւ կազ­մա­կեր­պուե­ցաւ մաս­նա­ւոր հան­դէս մը, ո­րու ըն­թաց­քին տղա­քը հան­դի­սա­կան­նե­րուն ներ­կա­յա­ցու­ցին նաեւ տօ­նին խոր­հուր­դը։

Ե­րէկ, Ապ­րի­լի 24-ի առ­թիւ Ֆէ­րի­գիւ­ղի Ս. Վար­դա­նանց ե­կե­ղեց­ւոյ մէջ մա­տու­ցուե­ցաւ Ս. Պա­տա­րագ, ո­րուն նա­խա­գա­հեց Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան։ Հա­յոց սրբա­դա­սեալ նա­հա­տակ­նե­րը յի­շա­տա­կուե­ցան այս ա­րա­րո­ղու­թեան ըն­թաց­քին ու միեւ­նոյն ժա­մա­նակ հո­գե­հանգս­տեան պաշ­տօն մը կա­տա­րուե­ցաւ 1915-ի շրջա­նի բո­լոր զո­հե­րուն հա­մար։

Է­սաեան վար­ժա­րա­նի նա­խա­ձեռ­նու­թեամբ վեր­ջերս կազ­մա­կեր­պուե­ցաւ միջ­վար­ժա­րա­նա­յին անգ­լե­րէն գրե­լու խրախ­ճանք մը։ Հա­մայն­քա­յին միջ­նա­կարգ­նե­րու ա­շա­կեր­տա­կան խում­բե­րէ կազ­մա­կեր­պուե­ցաւ այս ծրա­գի­րը։

Ֆէ­րի­գիւ­ղի Ս. Վար­դա­նանց ե­կե­ղեց­ւոյ մէջ այս ա­ռա­ւօտ Ապ­րի­լի 24-ի առ­թիւ տե­ղի ու­նե­ցան ա­րա­րո­ղու­թիւն­ներ, ո­րոնց նա­խա­գա­հեց եւ քա­րո­զեց Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան։

Գալֆաեան Տան հիմնադրութեան 150-ամեակին ձօնուած յոբելենական փայլուն ձեռնարկ մը՝ Գումգաբուի «Պէզճեան» սրահին մէջ:
Համայնքային շրջանակները տօնական տրամադրութեամբ մասնակցեցան երեկոյթին, որու ընթացքին զօրակցութիւն յայտնեցին խնամակալութեան՝ վարժարանի յարատեւութեան ուղղեալ ջանքերուն համար:

Թաք­սի­մի Ս. Յա­րու­թիւն ե­կե­ղեց­ւոյ մէջ ե­րէկ տա­րե­կան ա­նուան տօ­նախմ­բու­թեան առ­թիւ տե­ղի ու­նե­ցան փայ­լուն ա­րա­րո­ղու­թիւն­ներ, ո­րոնց նա­խա­գա­հեց Ընտ­րեալ-տե­ղա­պահ Տ. Գա­րե­գին Արք. Պեք­ճեան։ Օ­րուան Ս. Պա­տա­րա­գը մա­տոյց Տ. Մաշ­տոց Քհնյ. Գալ­փաք­ճեան։

Գում­գա­բուի Դրսի Ս. Յա­րու­թիւն ե­կե­ղեց­ւոյ մէջ ե­րէկ տե­ղի ու­նե­ցաւ տա­րե­կան ա­նուան տօ­նախմ­բու­թիւն։ Ա­ւան­դա­կան շու­քով նշուե­ցաւ ե­կե­ղեց­ւոյ ա­նուան տօ­նը, Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեա­նի հան­դի­սա­պե­տու­թեամբ։ Օ­րուան Ս. Պա­տա­րա­գը մա­տոյց Տ. Մա­ղա­քիա Ա­բե­ղայ Պես­քի­սի­զեան։

Պատրիարքարանի շուրջ ստեղծուած տագնապալի վիճակին մէջ  յայտարարութիւնները իրերու կը  յաջորդեն:
Տ. Գարեգին Արքեպիսկոպոս Պեքճեան տեղեկցուց, որ ճնշումի տակ կը գտնուին մեր հոգեւորականաց դասուն անդամները: Համայնքի վարիչներուն դիրքորոշումը ընտրեալ-տեղապահի ակնկալութիւնները չէ արդարացուցած եւ պատճառ յառաջացած՝ յուսախաբութեան: Նորին Սրբազնութիւնը յառաջիկայ շաբաթ դարձեալ պիտի մեկնի Գերմանիա:

Սուրբ Փրկիչ Ազ­գա­յին հի­ւան­դա­նո­ցի մէջ ե­րէկ խան­դա­վառ օր մը ապ­րուե­ցաւ։ «Պի­լէք» հանգս­տա­րա­նի սրա­հին մէջ, Ս. Զատ­կի տօ­նին առ­թիւ սար­քուե­ցաւ ճաշ­կե­րոյթ մը։ Իս­կա­կան սի­րոյ սե­ղա­նի մը մթնո­լոր­տին մէջ ան­ցաւ հա­ւա­քոյ­թը։

ՀԱՅ­ՃԱՐ վեր­ջերս ի­րա­կա­նա­ցուց իր ընդ­հա­նուր ժո­ղո­վը, ո­րու ար­դիւն­քին ընտ­րուե­ցաւ նոր վար­չու­թիւ­նը։ Սա ՀԱՅ­ՃԱՐ-ի վե­ցե­րորդ շրջա­նի վար­չու­թիւնն է, ո­րուն մաս կը կազ­մեն հե­տե­ւեալ ա­նուն­նե­րը.