Էսաեան վարժարանի մարմնամարզի խումբը վերջերս նուաճեց Իսթանպուլի ախոյենութիւնը։ Արտա Արսլան, Սիմոն Նալճը եւ Արաս Պուլկուր կը գտնուէին Էսաեանի կազմին մէջ, որ Իսթանպուլի միջվարժարանային առաջնութեան ծիրին մէջ փոքրերու դասաւորումէն ներս հանդիսացաւ ախոյեան։
Գարակէօզեան Տան տնօրէնութեան նախաձեռնութեամբ կազմակերպուած մտախաղերու միջվարժարանային մրցոյթը այս տարի եւս պսակուեցաւ փայլուն յաջողութեամբ։ Սա իր նմաններու շարքին տասներորդն էր եւ այդ առումով կը համարուէր յոբելենական։
Պատրիարքական ընդհանուր փոխանորդ Տ. Արամ Արք. Աթէշեան Գումգաբուի Ս. Աստուածածին Աթոռանիստ Մայր եկեղեցւոյ մէջ երէկ խօսեցաւ դամբանական մը, զոր կը ներկայացնենք ստորեւ։
Խոր ցաւով վերահասու եղանք, որ շաբաթավերջին իր մահկանացուն կնքած է մեր համայնքի բժշկական դասու երիցագոյն անդամներէն Տքթ. Ժիրայր Քայնար, որ Գատըգիւղի ընտանիքի ամենախորհրդանշական անուններէն մին էր։ 96 տարեկան հասակին աչքերը կեանքին փակած Տքթ. Ժիրայր Քայնար կը թողու բարի յիշատակ մը՝ ըլլալով իր սերունդի վառ ներկայացուցիչներէն մին։
Նորոգ վախճանեալ Մեսրոպ Պատրիարքի վաղուան յուղարկաւորութեան, վերջին օծման ու թաղման արարողութիւններուն մասնակցելու համար այս առաւօտ քաղաքս հասան Մայր Աթոռ Սուրբ Էջմիածնի ներկայացուցիչները։ Արեւմտեան Եւրոպայի Հայրապետական պատուիրակ եւ Վատիկանի մօտ Հայաստանեայց Առաքելական Եկեղեցւոյ մշտական ներկայացուցիչ Տ. Խաժակ Արք. Պարսամեանի կողմէ կը գլխաւորուի այս պատուիրակութիւնը, որու կազմին մէջ են Գուգարաց թեմի առաջնորդ Տ. Սեպուհ Արք. Չուլճեան եւ Մայր Աթոռ Սուրբ Էջմիածնի դիւանապետ Տ. Արշակ Եպսկ. Խաչատրեան։
Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեան երէկ երեկոյեան քաղաքս ժամանեց՝ մասնակցելու համար նորոգ վախճանեալ Մեսրոպ Պատրիարքի յուղարկաւորութեան վերջին օծման ու թաղման արարողութիւններուն։ Ինչպէս հաղորդած էինք, Ամեն. Ս. Պատրիարք Հայրը այս կիրակի պիտի կատարէ հոգելոյս Մեսրոպ Պատրիարքի վերջին օծումը։
Ոչ-իսլամ փոքրամասնական հաստատութիւններու մատակարար մարմիններու առկախեալ ընտրութիւններու երկարամեայ հիմնախնդրին մէջ նոր փուլ մը, որ կու գայ բնորոշուիլ միջանկեալ կարգադրութեան տպաւորութեամբ, սակայն հեռու կը մնայ հիմնական լուծման համատարած ակնկալութիւնները գոհացնելէ:
Վաքըֆներու ընդհանուր տնօրէն Տքթ. Ատնան Էրթէմի ստորագրութեամբ հրապարակուեցաւ շրջաբերական մը, որով մինչեւ ընտրական նոր կանոնադրութեան հաստատումը կը նախատեսուի նշանակովի դրութեամբ համալրել համայնքային մարմիններու վարչական կազմերը։
31 մարտի տեղական ինքնակառավարման մարմիններու ընտրութիւններէն վերջ գործադրութեան մէջ պիտի մտնէ նոր տնօրինութիւնը, որու բուն նպատակն է նուազագոյն վարչայինի թիւէն զրկուած վաքըֆներու պարագային պաշտօնի կոչել անձեր, որոնք ժողովուրդի կողմէ ընտրուած պիտի չըլլան, սակայն պիտի ունենան պաշտօնական վաւերացում: VADİP քննարկեց վիճակը։
Պատրիարքական Աթոռի նորոգ վախճանեալ 84-րդ գահակալի յուղարկաւորութեան, վերջին օծման եւ թաղման արարողութիւնները տեղի պիտի ունենան յառաջիկայ կիրակի:
Համայնքային շրջանակները զօրակոչի ենթարկուած են կազմակերպչական աշխատանքներուն համար: Կրօնական ժողովի շաբաթավերջի արտահերթ նիստը տեւեց մինչեւ ուշ գիշեր. մշակուեցաւ սուգի շրջանի ճանապարհային քարտէսը։ Խորհրդակցական մարմնի երէկուան ընդլայնուած կազմով ժողովին զուգահեռ կազմուեցաւ կարգադիր յանձնախումբ մը՝ ատենապետութեամբ Մելքոն Քարաքէօսէի։
Մայր Աթոռ Սուրբ Էջմիածնի եւ Մեծի Տանն Կիլիկիոյ Կաթողիկոսութեան կողմէ բարձրաստիճան ներկայացուցիչներ պիտի փութան քաղաքս։ Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեան այս հինգշաբթի պիտի ժամանէ Իսթանպուլ։ 17 մարտին ամբողջ թրքահայութիւնը ժամադրուած է Աթոռանիստ Մայր եկեղեցւոյ մէջ։
1. Պատրիարքական Ընդհանուր Փոխանորդ Բարձր. Տ. Արամ Ս. Արքեպս. Աթէշեանի տնօրինութեամբ Երանաշնորհ Տ. Մեսրոպ Բ. Շնորհազարդ Պատրիարք Հօր վախճանման առթիւ Պատրիարքական Աթոռոյս սահմաններէն ներս, ազգային-եկեղեցական սուգ կը հրահանգուի մինչեւ Ս. Զատկի Ճրագալոյցի Ս. Պատարագը։
Թրքահայ համայնքը կը սգայ Ամենապատիւ Սրբազան Պատրիարք Հօր անժամանակ կորուստը. 63 տարեկան:
Յուշերու քաղցրութեան ընդմէջէն անխուսափելի դառնութիւնը համակած է մեր հաւաքական կեանքը, ուր առկայ ծանր մարտահրաւէրը հերթական անգամ միասնականութեան անյետաձգելի հրամայականը կը բերէ օրակարգի վրայ:
