Թրքահայ կեանք

Մերի Թաքսի Տեւէճեան եւ Արաս Եոլուսեւէր համադրեցին ուշագրաւ վիճակագրական տուեալներ:
Պոլսահայ լիսէներու շրջանաւարտները վերջին 5 տարիներուն ինչ նախընտրութիւն ունեցած են համալսարան մուտքին:

Պատրիարքական Աթոռի հովանաւորութեան ներքեւ, շաբաթավերջին դէպի Տիարպաքըր կազմակերպուած ուխտագնացութեան արձագանգները կը շարունակուին։ Սա իսկապէս դէպքի մը վերածուած է թրքահայ ազգային-եկեղեցական կեանքէն ներս, ուր գաւառի մեր ժառանգութեան վերաբերեալ զգայնութիւնները միշտ կը մնան արծարծուած։

Երէկ, հաճոյքն ունեցանք խմբագրատանս մէջ հիւրընկալելու Գատըգիւղի Արամեան սանուց միութեան վարչութեան ներկայացուցիչները՝ Ալին Շէնճանը, Առլէթ Կիւնթէրը եւ Մաննիկ Ներկիսօղլուն։ Հաճելի զրոյցի ընթացքին հիւրերը տեղեկութիւններ փոխանցեցին Արամեան սանուց միութենէն ներս վերջին շրջանին ծաւալուած բազմակողմանի գործունէութեան շուրջ։

Ամեն. Ս. Պատրիարք Հայրը եւ Տ. Արամ Արք. Աթէշեան քաղաքավարական այց մը տուին կուսակալ Քարալօղլուին:
Ս. Կիրակոս եկեղեցւոյ օծումը Տիարպաքըրի մէջ համախմբած է աշխարհի զանազան վայրերէն բազում ուխտաւորներ:

Պաքըրգիւղի Տատեան վարժարանին մէջ երէկ տեղի ունեցաւ հանդէս մը՝ այս շաբաթավերջի Մայրերու օրուան առթիւ։ Ձեռնարկի պատուոյ հիւրերն էին մանկապարտէզի փոքրիկներու մայրերը։

Պատրիարքական Աթոռը այս օրերուն կը հիւրընկալէ Մայր Աթոռ Սուրբ Էջմիածնի միաբաններէն Տ. Յովնան Եպսկ. Յակոբեանը, որ Գուգարաց թեմի առաջնորդն է։ Նորին Սրբազնութիւնը երէկ ընդունուեցաւ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի կողմէ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր հիւրընկալեց Գուրուչէշմէի Երեւման Ս. Խաչ եկեղեցւոյ թաղային խորհուրդի ատենապետուհի Իրմա Փոլատը։ Ներկայ էր նաեւ հոգեւոր հովիւ Տ. Գէորգ Աւ. Քհնյ. Չընարեան։

Էսաեան սանուց միութեան «Մարալ» համոյթը երէկ երեկոյեան ելոյթով մը հանդէս եկաւ Ֆուլիայի մշակոյթի կեդրոնի երդիքին տակ։ Սա համոյթի այս շրջանի երկու ելոյթէն մին էր։ Ներկայ շարքը ձօնուած է Էսաեան սանուց միութեան հիմնադրութեան 75-ամեակի յոբելեանին։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Հայ կաթողիկէ հասարակութեան վիճակաւոր Տ. Լեւոն Արք. Զեքիեանն ու Հայ Աւետարանական եկեղեցիէն վերապատուելի Գրիգոր Աղապալօղլուն։

«Արմէնփրէս» գործակալութիւնը արձագանգեց նախընթաց օր ԺԱՄԱՆԱԿ-ի մէջ լոյս տեսած հարցազրոյցին, որ կատարուած էր թերթիս Երեւանի աշխատակից Անուշ Թրուանցի կողմէ։ Սա «Արմէնփրէս»ի նորանշանակ տնօրէնուհի Նարինէ Նազարեանի հետ կատարուած առաջին հարցազրոյցն էր։