Թուրքիոյ Հայոց Պատրիարք Ամենապատիւ Տ. Սահակ Ս. Արքեպիսկոպոս Մաշալեան երէկ հիւրընկալեց Ռումելիհիսարի Ս. Սանդուխտ եկեղեցւոյ նորընտիր թաղային խորհուրդի անդամները։ Հանդիպման ներկայ էր նաեւ Տ. Սարգիս Աւ. Քահանայ Գույումճեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր հիւրընկալեց Էյուպի Ս. Աստուածածին եկեղեցւոյ նորընտիր թաղային խորհուրդի անդամները։ Նորին Ամենապատուութիւնը ողջունեց հիւրերը ու շնորհաւորեց իրենց ընտրութիւնը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր ընդունեց Վաքըֆլըգիւղի Ս. Աստուածածին եկեղեցւոյ նորընտիր ծխական խորհուրդէն Ճէմ Չափարն ու Միսաք Հերկելը։ Ներկայ էր նաեւ Գաւառի հայ համայնքներու տեսուչ Տ. Աւետիս Քհնյ. Թապաշեան։
Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան ընդունեց Իսքենտէրունի Ս. Քառասնից Մանկանց եւ Քըրըքխանի Ս. Գրիգոր Լուսաւորիչ եկեղեցիներու նորընտիր ծխական խորհուրդներու ներկայացուցիչները՝ Եուսուֆ Թապաշն ու Սապինա Թապաշը։
Պէյօղլուի սուրբ եկեղեցեաց թաղային խորհուրդի ընտրութեան համար նախատեսուած ժամանակացոյցը կը բանի՝ ըստ Թուրքիոյ ոչ-իսլամ փոքրամասնութեանց համայնքային վաքըֆներու ընտրութեան կանոնադրութեան տրամադրութիւններուն։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց յայտնի նկարչուհի Վերժին Շապճըն։ Զրոյցի տեւողութեան համակրելի արուեստագիտուհին Ամեն. Ս. Պատրիարք Հօր տեղեկութիւններ փոխանցեց իր ծաւալած գործունէութեան եւ մօտաւոր ապագային համար նախատեսուած ծրագրերուն շուրջ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Հայաստանէն նկարիչ Լեւոն Լաճիկեանը, որ մեր գեղարուեստասէրներուն ծանօթ անուն մըն է եւ այս շրջանին դարձեալ կ՚այցելէ քաղաքս։
Պատրիարքական Աթոռի միաբաններէն Տ. Յարութիւն Վրդ. Տամատեան, որ քանի մը ամիսէ ի վեր Հիւսիսային Ամերիկայի Արեւելեան թեմի Առաջնորդարանին կողմէ հովանաւորուած Ս. Ներսէս ընծայարանի դասընթացքներուն կը հետեւի, շաբաթավերջին հիւրընկալուեցաւ Նիւ Եորքի եւ Նիւ Ճըրզիի պոլսահայ կազմակերպութիւններուն կողմէ։
Կէտիկփաշայի «Հրանդ Տինք» դպրոցի ի նպաստ տարեկան հանգանակութիւնը երէկ տեղի ունեցաւ Գումգաբուի Ս. Աստուածածին Աթոռանիստ Մայր եկեղեցւոյ մէջ։ Կրօնական եւ աշխարհիկ արարողութիւններուն նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որ տուաւ նաեւ օրուան պատգամը։
Թոփգաբուի Լեւոն-Վարդուհեան վարժարանի սանուց միութիւնը երէկ կազմակերպեց փազըլի մրցոյթ մը։ Համաշխարհային փազըլի օրուան առթիւ տեղի ունեցաւ այս ձեռնարկը՝ Թոփգաբուի Ս. Նիկողայոս եկեղեցւոյ յարակից «Իլքքան» սրահին մէջ:
