Հայաստանի Ազգային գրադարանը ընկերային ցանցերու վրայ հերթական հրապարակումով հանդէս եկաւ ԺԱՄԱՆԱԿ օրաթերթի մասին։ Այս գրադարանի համալիրէն ներս կը գործէ Հայկական գրատպութեան թանգարանը, ուր մամուլին յատկացուած բաժնին մէջ կարեւոր տեղ տրուած է ԺԱՄԱՆԱԿ օրաթերթին։
Եօթ ամսուան աննկարագրելի գործունէութեան փայլուն արդիւնքներու լոյսին տակ ապագայի ուղղեալ յոյսեր՝ երկարաժամկէտ ձեռքբերումներու հասնելու համար։
Պէյօղլուի սուրբ եկեղեցեաց թաղային խորհուրդը կատարեալ հաշուետուութիւն մը ներկայացուց համայնքային շրջանակներուն։ «Նարեկեան» սրահի երդիքին տակ երէկ երեկոյեան բարձր տրամադրութիւն ստեղծուեցաւ՝ մատուցուած ծափահարելի տուեալերով։
Ամենապատիւ Սրբազան Պատրիարք Հայրը մաղթեց, որ թափանցիկութեան աւանդութիւնը խորանայ եւ յորդորեց՝ արեւմտահայերէնի ապագային ուղղեալ տեսլական մը ունենալ։
Անցեալ շրջանին հանրութեան խիղճը արիւնած ցաւալի իրադարձութիւններու հետեւանքները յստակացնելու առաջադրութեամբ՝ ատենապետ Աքսել Թոփալեան եւ ընկերները Վաքըֆներու ընդհանուր տնօրէնութեան դիմած են՝ պահանջելով հակակշռի պաշտօնական զեկոյց մը պատրաստուիլը, ինչ որ ամուր, օրինական ենթագետին մը պիտի ստեղծէ կորուստները յետադարձ որոնումով բիւրեղացնելու համար։
Սամաթիոյ Ս. Գէորգ եկեղեցւոյ մէջ, Ս. Աստուածածնի տաճար ընծայման տօնը այս տարի նշուեցաւ բացառիկ մթնոլորտի մէջ։ Օրուան պատարագիչն էր Տ. Յովակիմ Աբեղայ Սերովբեան, որ քահանայական ձեռնադրութեան երրորդ տարեդարձին առթիւ ջերմօրէն շրջապատուեցաւ իր հոգեւոր եղբայրներուն կողմէ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց «Բարեկամ» խումբի անդամները՝ առաջնորդութեամբ Աւետիս Սէյրանի։
Խումբի վարիչները Ամեն. Ս. Պատրիարք Հօր տեղեկութիւններ փոխանցեցին իրենց գործունէութեանց մասին։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Գալֆայեան տան խնամակալութեան անդամները՝ գլխաւորութեամբ ատենապետ Ալֆրէտ Սունայի։ Ներկայ էր նաեւ Քոյր Գայտանէ Տուլքատիրեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց երեկոյեան Գումգաբուի մէջ հիւրընկալեց Իսթանպուլի երեսփոխան իրաւաբան Սերքան Պայրամը։ Ծանօթ է, որ պատգամաւորը վերջին շրջանին համբաւ կը վայելէ՝ «Ցորենի հատիկը» փաստավաւերագրական ժապաւէնով, ուր ներկայացուած է իր կեանքը։ Ամեն. Ս. Պատրիարք Հայրը Գումգաբուի մէջ զինքը հիւրասիրեց ընթրիքի սեղանի շուրջ, ուր ներկայ էր նաեւ Իսթանպուլի երեսփոխան տքթ. Սեւան Սվաճըօղլու։
Երէկ, հաճոյքն ունեցանք խմբագրատանս մէջ հիւրընկալելու Թոփգաբուի Ս. Նիկողայոս եկեղեցւոյ թաղային խորհուրդի ատենապետ Նուրհան Սուճուեանն ու կազմի սիւներէն՝ Նուարդ Պարընը, Նատին Վանլըօղլու-Թաշն ու Սարվէն Սըրատաղը։ Նկատի ունենալով, որ այս կիրակի Թոփգաբուի Լեւոն-Վարդուհեան վարժարանի ի նպաստ տարեկան հանգանակութիւնը նախատեսուած է՝ թաղականները, ըստ ընկալեալ սովորութեան, խմբագրատունս այցելեցին տեղեկութիւններ փոխանցելու եւ հանրային կարծիքը լուսաբանելու նպատակով։ Լեւոն-Վարդուհեան վարժարանը, որ այս տարի 203-րդ անգամ բացած է իր դռները, ունի շուրջ 9 միլիոն լիրայի պիւտճէի բաց մը։
Երէկ, հաճոյքն ունեցանք խմբագրատանս մէջ հիւրընկալելու Գալֆաեան տան խնամակալութեան ատենապետ Ալֆրէտ Սունան, որուն կ՚ընկերանային իր արժէքաւոր գործակիցներէն Այգ Էրքման, Սիմոն Քումրալ եւ Մասիս Ռիւստեմ, ինչպէս նաեւ Թամար Քարասու, որ միեւնոյն ժամանակ վարժարանի հիմնադրի ներկայացուցիչն է։ Յառաջիկայ դեկտեմբերի 10-ին նախատեսուած է Գալֆաեան տան տարեկան սիրոյ սեղանը։
«Սապահ» օրաթերթի առցանց տարբերակին մէջ երէկ արձագանգ գտան՝ Գատըգիւղի ընտանիքին իսկապէս մեծ ցաւ ու մտահոգութիւն պատճառած՝ շուրջ մէկուկէս տարուան վաղեմութեամբ իրադարձութիւնները։ Այսպէս, Ս. Թագաւոր եկեղեցւոյ թաղային խորհուրդի պարագային խնդրոյ առարկայ դարձած է դրամաշորթութիւն մը, որ թէ՛ թաղեցիներուն եւ թէ համայնքային շրջանակներուն արդէն ծանօթ էր, սակայն մամուլին մէջ արձագանգ չէր գտած։
Գումգաբուի «Պէզճեան» սրահին մէջ շաբաթավերջին տեղի ունեցաւ Մալաթիահայոց հայրենակցական միութեան տարեկան ընթրիքը, որու ընթացքին ստեղծուեցաւ ոգեւոր մթնոլորտ։ Երեկոյթի պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։ Ներկայ էին նաեւ Կաթողիկէ Հայոց վիճակաւոր Տ. Լեւոն Արք. Զեքիեան, հոգեւոր հայրեր եւ համայնքային շրջանակներէն բազմաթիւ ծանօթ դէմքեր։
