Երէկ տեղի ունեցաւ Գնալը կղզիի Ս. Գրիգոր Լուսաւորիչ եկեղեցւոյ տարեկան տօնախմբութիւնը, որուն նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։ Ս. Պատարագը մատոյց Կղզեաց հոգեւոր հովիւ Տ. Յարութիւն Վրդ. Տամատեան։
Ս. Գրիգոր Լուսաւորչի Նշխարհաց գիւտի տօնին եւ Գնալը կղզիի եկեղեցւոյ ուխտի օրուան առթիւ, շաբաթավերջին, տօնական արարողութիւններ տեղի ունեցան Ս. Գրիգոր Լուաւորիչ եկեղեցւոյ մէջ։ Արարողութիւններուն հանդիսապետեց Կղզեաց հոգեւոր հովիւ Տ. Յարութիւն Վրդ. Տամատեան։
Երէկ տեղի ունեցաւ Պոյաճըգիւղի Ս. Երից Մանկանց եկեղեցւոյ տարեկան տօնախմբութիւնը։
Արարողութեան հանդիսապետեց եւ Ս. Պատարագը մատոյց եկեղեցւոյ հոգեւոր հովիւ Տ. Յովակիմ Աբեղայ Սերովբեան։
Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեան երէկ հայոց վանքին մէջ ընդունեց Սուրբ Երկրի ասորիներու առաջնորդը՝ Անթիմոս Ժագ Եագուբ եպիսկոպոսը, որուն կ՚ընկերանային երկու միաբաններ։ Հիւր սրբազանը Նորին Ամենապատուութեան յանձնեց Ասորի Ուղղափառ եկեղեցւոյ Եփրեմ Բ. Պատրիարքին կողմէ շնորհակալութեան պաշտօնական գրութիւն մը։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Իրանի դեսպան Ապպաս Զոհուրին։ Այս վերջինը Հայաստանի մէջ աւարտելու վրայ է իր դիւանագիտական առաքելութիւնը եւ այս առթիւ հրաժեշտի այցելութիւն մը տուած է Վեհափառ Հայրապետին։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց ՄԱԿ-ի Մանկական հիմնադրամի (UNICEF) Հայաստանի գրասենեակի ներկայացուցիչ Քրիստինէ Վայկանտը։
ԵՊՀ-ի Արեւելագիտութեան ֆաքիւլթէի այս տարուան շրջանաւարտները Մայր Աթոռ Սուրբ Էջմիածնի մէջ:
Ամենայն Հայոց Վեհափառ Հայրապետը մանրամասնօրէն պատասխանեց երիտասարդներու բազմաբնոյթ հարցումներուն:
Երուսաղէմի Հայոց Պատրիարքութենէն ներս ձեռնադրութիւն՝ Տ. Սեւան Արքեպսկ. Ղարիպեանի կողմէ:
Սրբոց Յակոբեանց միաբանութեան երկու նոր սարկաւագները կատարեցին իրենց ծառայութեան ուխտը Մայր տաճարին մէջ:
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հայաստանեայց Առաքելական Եկեղեցւոյ Հիւսիսային Ամերիկայի Արեւելեան թեմէն ուխտաւորներ։ Այսպէս, Վեհափառ Հայրապետին ներկայացան Տիթրոյթի Ս. Յովհաննէս Մկրտիչ եկեղեցւոյ ծուխի անդամները, որոնց ուղեկցեցաւ Տ. Փառէն Արք. Աւետիքեան։
Էսթոնիայի մայրաքաղաքը՝ Թալինի մէջ տեղի ունեցաւ Եւրոպայի եկեղեցիներու քոնֆերանսի հերթական ընդհանուր ժողովը։ Համագումարը կազմակերպուած էր «Աստուծոյ օրհնութեան ներքեւ՝ կերտելով ապագան» խորագրով՝ հիւրընկալութեամբ Էսթոնիայի Ուղղափառ եւ Աւետարանական-Լուտերական եկեղեցիներու։
