Եկեղեցական

​Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց «Պիւլուքեան» հիմնադրամի (Ֆրանսա) անդամները։ Հիւրերու խումբը գլխաւորեց հիմնադրամի նախագահ Ժան-Փիէռ Քլավրա։

Մայր Աթոռ Սուրբ Էջմիածնի հրատարակչական բաժինը, Ամենայն Հայոց Տ.Տ. Գարեգին Բ. Կաթողիկոսի օրհնութեամբ, լոյս ընծայեց «Արարատ» ամսագրի ժառանգութիւնը ընդգրկող քարոզգիրքի երկրորդ հատորը։ Այս վերջինը նուիրուած է «Արարատ»ի հրատարակութեան 150-ամեայ յոբելեանին։

Սրբոց Յակոբեանց միաբանութեան անդամները գումարեցին ընդհանուր ժողով:
Երուսաղէմի հայոց պատրիարք Տ. Նուրհան Արք. Մանուկեանի նախագահութեամբ աշխատանք:

Ամենայն Հայոց Տ.Տ. Գարեգին Բ. Կաթողիկոսը նախընթաց օր Մայր Աթոռ Սուրբ Էջմիածնի մէջ հիւրընկալեց Գերմանիայէն Հալլէ-Վիթենպերկի «Մարթէն Լութէր» համալսարանի վերատեսուչ Փրոֆ. Ուտօ Շթրաթէրի կողմէ գլխաւորուած պատուիրակութիւնը։ Հիւրերուն ուղեկցեցաւ Երեւանի Պետական լեզուաբանական համալսարանի Հեռանկարային ուսումնասիրութիւններու եւ նախաձեռնութիւններու կեդրոնի գիտական ղեկավար Տիգրան Թորոսեան։

Ամենայն Հայոց Տ.Տ. Գարեգին Բ. Կաթողիկոսը Մայր Աթոռ Սուրբ Էջմիածնի մէջ հիւրընկալեց խումբ մը ֆրանսահայ աշակերտներ։ Այսպէս, Փարիզի Դպրոցասէր վարժարանէն եւ Մարսէյլի Համազգայինի վարժարանէն շուրջ հինգ տասնեակ աշակերտներ ստացան Նորին Սրբութեան օրհնութիւնը։

Մայր Աթոռ Սուրբ Էջմիածնի հրատարակչութեան բաժինը լոյս ընծայեց Տ. Զգօն Ծ. Վրդ. Տէր-Յակոբեանի «Սէր եւ ամուսնութիւն» աշխատութիւնը։

Մայր Աթոռ Սուրբ Էջմիածինը վերջերս ստացաւ բացառիկ նուէր մը։ Այսպէս, ռուսահայ ոսկերիչ ու գործարար Գարուն Քոչարեան Ամենայն Հայոց Կաթողիկոսութեան նուիրեց 5 քիլօկրամ ծանրութեամբ հայրապետական ոսկէ ասա մը։

Մայր Ա­թոռ Սուրբ Էջ­միած­նի մէջ, շա­բա­թա­վեր­ջին, Ա­մե­նայն Հա­յոց Տ.Տ. Գա­րե­գին Բ. Կա­թո­ղի­կո­սի հան­դի­սա­պե­տու­թեամբ տե­ղի ու­նե­ցաւ մե­ծա­րան­քի ա­րա­րո­ղու­թիւն մը՝ ի պա­տիւ Հա­յաս­տա­նի Բարձ­րա­գոյն դա­տա­կան խոր­հուր­դի նա­խա­գահ Գա­գիկ Յա­րու­թիւ­նեա­նի, որ եր­կար ժա­մա­նակ գլխա­ւո­րած ըլ­լա­լով երկ­րի Սահ­մա­նադ­րա­կան ա­տեա­նը վեր­ջերս հրա­ժեշտ ա­ռած էր այդ պաշ­տօ­նէն։ 

Ամենայն Հայոց Տ.Տ. Գարեգին Բ. Կաթողիկոսը այսօր կը ժամանէ Վատիկան, ուր վաղը տեղի պիտի ունենայ Ս. Գրիգոր Նարեկացիի արձանի բացման հանդիսաւոր արարողութիւնը։ Ինչպէս ծանօթ է, վերջին շրջանին Հռոմէական կաթոլիկ եկեղեցին Ս. Գրիգոր Նարեկացին հռչակած էր՝ Տիեզերական եկեղեցւոյ վարդապետ։

Հայաստանեայց Առաքելական Սուրբ Եկեղեցին երէկ մեծ շուքով, հոգեւոր ցնծութեան մթնոլորտով տօնախմբեց Յիսուս Քրիստոսի Հրաշափառ Սուրբ Յարութիւնը:
Ամենայն Հայոց Տ.Տ. Գարեգին Բ. Վեհափառ Հայրապետը Սուրբ Էջմիածնի Մայր Տաճարի խորանէն տաղաւարի Ս. Պատարագի ընթացքին իր աշխարհացրիւ հօտին փոխանցեց Ս. Զատկի կենարար աւետիսը: