Հայաստանեայց Առաքելական Եկեղեցւոյ Գանատայի թեմէն ներս վերջերս ժողով մը գումարած է Թեմական խորհուրդը, որ հրապարակած է սրտցաւ, ուշագրաւ յայտարարութիւն մը։ Մոնրէալի առաջնորդարանի աղբիւրներու հաղորդումներով, Թեմական խորհուրդը քննարկեց Մեծի Տանն Կիլիկիոյ Կաթողիկոսութեան ներկայացուցիչներուն կողմէ ձեռնարկուած կանոնազանց արարքներու պատճառով ստեղծուած ցաւալի իրավիճակը։
Յաջորդ տարեմուտին Վատիկանի մէջ պիտի արծարծուին Սուրբ Մարիամ Աստուածածնի տեղը եւ դերը:
Արեւելեան Ուղղափառ եւ Կաթոլիկ եկեղեցիներու միջեւ Աստուածաբանական ծաւալուն եւ հետեւողական քննարկումներ:
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հայաստանի Բարձրագոյն դատական խորհուրդի նախագահ Ռուբէն Վարդազարեանը։ Ողջունելով բարձրաստիճան դատաւորը՝ Վեհափառ Հայրապետը մաղթեց, թէ Աստուած զօրավիգ ըլլայ իրեն եւ Բարձրագոյն դատական խորհուրդի անդամներուն՝ արդարադատութեան հաստատման դժուարին առաքելութիւնը իրականացնելու ճանապարհին։
Սուրբ Էջմիածնի Մայր Տաճարի հիմնանորոգութեան աշխատանքները այս շրջանին անմիջական ուշադրութեան առարկայ են հայաշխարհէ ներս։ Ազգային-եկեղեցական կեանքին տեսակէտէ առաջնահերթութեան մը վերածուած է այս ծրագիրը, որ յառաջ կը տարուի Ամենայն Հայոց Տ.Տ. Գարեգին Բ. Կաթողիկոսի օրհնութեամբ եւ անմիջական հսկողութեամբ։
Ամենայն Հայոց Տ.Տ. Գարեգին Բ. Կաթողիկոսը երէկ Հայրապետական սրբատառ կոնդակով մը հռչակեց Պալթեան երկիրներու հայոց թեմը։ Այսպէսով Լաթվիայի, Լիթվայի եւ Էսթոնիայի հայկական եկեղեցական համայնքները համախմբուեցան նոր թեմի մը հովանաւորութեան ներքեւ՝ առանձնանալով Ռուսաստանի եւ Նոր Նախիջեւանի հայոց թեմէն։
Պաղեստինի ինքնավարութեան ղեկավար Մահմուտ Ապպաս Ս. Ծննդեան եւ Աստուածայայտնութեան տօնին առթիւ յատկանշական յուշանուէր մը յանձնեց Երուսաղէմի Հայոց Պատրիարք Ամեն. Տ. Նուրհան Ս. Արք. Մանուկեանին։
Երէկ, Ամենայն Հայոց Տ.Տ. Գարեգին Բ. Կաթողիկոսի բարձր նախագահութեամբ, Մայր Աթոռ Սուրբ Էջմիածնի մէջ տեղի ունեցաւ Հայաստանէ ներս պաշտօնավարող եպիսկոպոսներու եւ թեմակալ առաջնորդներու ժողովը։ Կը հաղորդուի, որ այս ժողովի ընթացքին քննարկուեցան թեմերէ ներս հոգեւոր կեանքի վերաշխուժացման ուղղեալ ծրագրերուն եւ հովուական առաքելութեան զօրացման վերաբերեալ հարցեր։
Մայր Աթոռ Սուրբ Էջմիածնի մէջ երէկ ոգեկոչուեցան Պաքուի եւ Սումկայիթի մէջ իրականացուած հայոց ջարդերու զոհերը։ Այսպէս, այդ ջարդերու 30-րդ տարելիցին առթիւ Ս. Գայիանէի վանքէն ներս հոգեհանգստեան պաշտօն կատարուեցաւ՝ նախագահութեամբ Ամենայն Հայոց Տ.Տ. Գարեգին Բ. Կաթողիկոսի։
Իտալիոյ մէջ վերջերս տեղի ունեցաւ միջկրօնական կարեւոր հաւաք մը։ Այսպէս, Հռոմի մէջ մէկտեղուեցան՝ Աբրահամ նահապետին հաւատացող երեք կրօններու 25 հոգեւոր առաջնորդներ, որոնք կը ներկայացնեն միլիոնաւոր քրիստոնեայ, իսլամ եւ հրեայ հաւատացեալներ։
Ամենայն Հայոց Տ.Տ. Գարեգին Բ. Կաթողիկոսը վերջին օրերուն վեհարանի հանդիսութիւններու դահլիճին մէջ հանդիպում մը ունեցաւ՝ 7 Հայորդեաց տուներու ոլորտային զանազան դասարաններու եւ Մանրանկարչութեան կեդրոնի սաներուն հետ։ Հարկ է նշել, որ Հայորդեաց տուները կը գործեն Մայր Աթոռ Սուրբ Էջմիածնի եւ Հայկական բարեգործական ընդհանուր միութեան (ՀԲԸՄ) հովանիին ներքեւ։
