Եկեղեցական

Մայր Աթոռ Սուրբ Էջմիածնի մէջ երէկ նշուեցաւ Ամենայն Հայոց Տ.Տ. Գարեգին Բ. Կաթողիկոսի գահակալութեան 20-ամեակը։ Սուրբ Գայիանէի վանքէն ներս մատուցուեցաւ Ս. Պատարագ, որու ընթացքին Վեհափառ Հայրապետը շրջապատուած էր եպիսկոպոսաց դասու անդամներու, Ս. Էջմիածնի միաբաններու եւ բազում հաւատացեալներու կողմէ։

Գերագոյն հոգեւոր խորհուրդի նստաշրջանը երէկ եզրափակուեցաւ Մայր Աթոռ Սուրբ Էջմիածնի մէջ:
Վարչապետ Նիկոլ Փաշինեանի մասնակցութեամբ անդրադարձ կատարուեցաւ եկեղեցի-պետութիւն համագործակցութեան:

Ամենայն Հայոց Տ.Տ. Գարեգին Բ. Կաթողիկոսը վերջերս Մայր Աթոռ Սուրբ Էջմիածնի մէջ հիւրընկալեց Գերմանիայէն խումբ մը ուխտաւորներ։ Պերլինէն մեկնած այս խումբը կը գլխաւորէին վերապատուելի Անտրէաս Կիւթսէ եւ Փրոֆ. Աուն Իմփոֆի։

Ամենայն Հայոց Տ.Տ. Գարեգին Բ. Կաթողիկոսի նախագահութեամբ, երէկ, Մայր Աթոռ Սուրբ Էջմիածնի մէջ սկսաւ Գերագոյն հոգեւոր խորհուրդի (ԳՀԽ) ընդլայնուած կազմով նստաշրջանը։ Ժողովները տեղի կ՚ունենան վերանորոգեալ Վեհարանէն ներս, ուր ԳՀԽ-ի համար մասնաւոր ժողովասրահ մը նախատեսուած է։

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Ս. Էջմիածնի մէջ հիւրընկալեց Արեւելքի Ասորի եկեղեցւոյ պատուիրակութիւնը։ Այս պատուիրակութեան գլուխը կը գտնուէր Արեւելքի Ասորի եկեղեցւոյ Պատրիարքարանի միջեկեղեցական յարաբերութիւններու գրասենեակի պատասխանատու, Գալիֆորնիոյ (Միացեալ Նահանգներ) Արեւելքի Ասորի Եկեղեցւոյ առաջնորդ եւ սինոդի քարտուղար Եպիսկոպոս Մար Աւա Ռոյէլ։

Ամենայն Հայոց Տ.Տ. Գարեգին Բ. Կաթողիկոսի օրհնութեամբ, վերջերս Մայր Աթոռ Սուրբ Էջմիածնի մէջ տեղի ունեցաւ գիտաժողով մը, որ կազմակերպուած էր երանաշնորհ Տ.Տ. Գարեգին Ա. Ամենայն Հայոց Կաթողիկոսի վախճանման 20-րդ տարելիցին առթիւ։

Ամենայն հայոց բանաստեղծի ժառանգները Մայր Աթոռ Սուրբ Էջմիածնի մէջ:
Վեհափառ Հայրապետը շեշտեց Յովհաննէս Թումանեանի ժառանգութեան համամարդկային բնոյթը:

Հայաստանի մէջ, Տաւուշի թեմէն ներս երէկ տեղի ունեցաւ յատկանշական իրադարձութիւն մը։ Այսպէս, Ամենայն Հայոց Տ.Տ. Գարեգին Բ. Կաթողիկոսի հանդիսապետութեամբ տեղի ունեցաւ Դիլիջան քաղաքին մէջ կառուցուելիք նոր եկեղեցւոյ հիմնարկէքի արարողութիւնը։

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Ճաբոնի վարչապետի յատուկ հարցերով խորհրդական Էյիչի Հասեկաւան, որ այս օրերուն կ՚այցելէ Հայաստան։ Վեհափառ Հայրապետը զրոյցի ընթացքին գնահատեց Հասեկաւան եւ իրեն ընկերակից Երեւանի մօտ Ճաբոնի դեսպան Ճուն Եամատան, որոնք հայ-ճաբոնական յարաբերութիւններու զարգացման ուղղեալ ջանքեր կը գործադրեն։

Մայր Աթոռ Սուրբ Էջմիածնի մէջ, երէկ, Ամենայն Հայոց Տ.Տ. Գարեգին Բ. Կաթողիկոսի հանդիսապետութեամբ տեղի ունեցաւ հոգեհանգստեան պաշտօն, որու ընթացքին ոգեկոչուեցաւ բարերար Ճոն Քիւրքճեան։ Հարկ է նշել, որ անգլիահայ Քիւրքճեան ընտանիքը վաղուց զանազան բարերարութիւններով զօրակցութիւն կը բերէ Մայր Աթոռ Սուրբ Էջմիածնին։