Ամենայն Հայոց Տ.Տ. Գարեգին Բ. Կաթողիկոսը երէկ երեկոյեան մեկնեցաւ Իտալիա։ Նորին Սրբութեան ուղեւորութիւնը տեղի կ՚ունենայ Վատիկանի պետական քարտուղար Կարտինալ Փիէթրօ Փարոլինի հրաւէրին ընդառաջ։
Ամենայն Հայոց Տ.Տ. Գարեգին Բ. Կաթողիկոսը այս առաւօտ Մայր Աթոռ Սուրբ Էջմիածնի մէջ հիւրընկալեց Փարիզի Դպրոցասէր միութեան վարժարանի եւ Մարսէյլի Համազգայինի դպրոցի աշակերտները։ Մայրավանքի համալիրէն ներս, «Գարեգին Ա.» կրթական կեդրոնի երդիքին տակ Վեհափառ Հայրապետը իր օրհնութիւնն ու պատգամը փոխանցեց ֆրանսահայ աշակերտներուն, որոնց թիւը կը հասնէր շուրջ քառասունի։ Աշակերտներուն ուղեկցեցաւ Մայր Աթոռ Սուրբ Էջմիածնի ֆրանսահայ բարերարներէն Սարգիս Պետոյեան։
Աշխարհասփիւռ հայութեան ընդհանրական հայրապետը՝ Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Ամենայն Հայոց Սրբազնագոյն Վեհափառ Կաթողիկոսը վաղը Տէր Յիսուս Քրիստոսի Սուրբ Յարութեան տօնին առթիւ Մայր Աթոռ Սուրբ Էջմիածնի օրհնութիւնը պիտի փոխանցէ իր հաւատացեալ հօտին։ Ինչպէս բոլոր տաղաւարներուն, այս անգամ եւս Հայաստանեայց Առաքելական Եկեղեցւոյ զաւակները հետաքրքրութեամբ կը սպասեն Վեհափառ Հայրապետի պատգամին։
Պօղոս առաքեալ, Եփեսոսի քրիստոնեաներուն ուղղած իր նամակին մէջ կ՚ըսէ, թէ Աստուած «մեզ վերստին կեանքի կոչեց Քրիստոսով» (2.5)։ Առաքեալին այլ նամակներուն մէջ եւս շեշտուած յիշեալ հաստատումը, նպատակը կը կազմէ Աստուծոյ Որդւոյն առաքելութեան, եւ հետեւաբար, առանցքը՝ քրիստոնէական հաւատքին։
ՅՈՎՆԱՆ ԱՐՔԵՊԻՍԿՈՊՈՍ ՏԷՐՏԷՐԵԱՆ
«Յամենայն ժամ զմահն Յիսուսի ի մարմին մեր կրեսցուք, զի եւ կեանքն Յիսուսի ի մարմինս մեր յայտնեսցին… Այսուհետեւ մահ ի մեզ զօրանայ, եւ կեանք՝ ի ձեզ»։ (Բ. ԿՈՐՆԹ. 4։10-11)
ԳՐԻԳՈՐ Ա. ՔՀՆՅ. ՏԱՄԱՏԵԱՆ
Զատիկ է այսօր։ Անգամ մը եւս կու գանք զգալ Քրիստոսի Սուրբ Յարութեան տաղաւարի հոգեւոր ուրախութիւնը։ Հրեշտակաւանդ Սուրբ Աւետիսի առթած ուրախութեան ընդմէջէն կը վերյիշենք, թէ «Աստուած չէր կամենար մեղաւորին մահը, այլ կը փափաքէր որ ան իր չար ընթացքէն դառնար եւ փրկուէր»։
Աւագ շաբթուան խորհրդաւոր օրերուն, Հայաստանեայց Առաքելական Սուրբ Եկեղեցին հաւատացեալները կ՚առաջնորդէ հոգեւոր խոր ապրումներու։ Այս ամբողջին մէջ միշտ կ՚առանձնանայ Ոտնլուայի կարգը, որ ամէն տարի տեղի կ՚ունենայ Աւագ հինգշաբթի օրը։
Աւագ շաբթուան ամենէն նուիրական ու սուրբ օրն է Աւագ ուրբաթը, որ իր մէջ կ՚ամփոփէ Յիսուսի չարչարանաց, խաչելութեան եւ թաղման խորհուրդները: Առաւօտեան ժամերգութեան ընթացքին կը կատարուին ընթերցումներ՝ Աւետարաններէն, որոնք կը պատմեն Քրիստոսի դատուիլը հռոմէացի կուսակալ Պիղատոսէն, հրեայ կրօնաւորներու ամբաստանութեամբ եւ պնդումով մահուան Անոր դատապարտումը, խաչը ուսին Գողգոթա բարձրանալը, արեգակին խաւարիլը, տաճարին վարագոյրին պատռուիլը, երկրաշարժ պատահիլը եւ խաչին վրայ Յիսուսի վախճանիլը:
Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց Հայկական բարեգործական ընդհանուր միութեան (ՀԲԸՄ) Պուէնոս Այրէսի մասնաճիւղի տիկնանց յանձնախումբի անդամուհիները, որոնց հետ էր նաեւ ՀԲԸՄ-ի բազմամեայ գործիչներէն, Մայր Աթոռ Սուրբ Էջմիածնի բարերար Ռուբէն Քեշիշեան։ Հանդիպման սկիզբին Ռուբէն Քեշիշեան ներկայացուց ուխտագնացութեան մասնակիցները՝ ուրախութիւն յայտնելով Հայաստանի մէջ գտնուելու կապակցութեամբ։
Աւագ երեքշաբթին ժողովուրդին մէջ ծանօթ է ՏԱՍԸ ԿՈՒՍԱՆԱՑ յիշատակի օր անունով: Ներքին ձեւով կապուած է նախորդ օրուան՝ Աւագ երկուշաբթիի հետ. ան կ՚ակնարկէ, որ մեր առաքինի գործերու պտուղներով հոգեպէս պէտք է պատրաստ ըլլանք Քրիստոսի երկրորդ գալստեան, այլապէս կը չորնանք թզենիին պէս եւ երկինքի արքայութենէն դուրս կը մնանք հինգ յիմար կոյսերուն նման:
