Արխիւ

Կրօնական ժողովի ատենապետ Տ. Արամ Արք. Աթէշեան այսօր յետմիջօրէի ժամերուն կ՚այցելէ նահանգապետարան։ Նորին սրբազնութիւնը կ՚ընդունուի Իսթանպուլի կուսակալ Ալի Երլիքայայի կողմէ։ Ինչպէս ծանօթ է, պատրիարքական ընտրութեան գործընթացի ներկայ փուլի իրադարձութիւններուն շուրջ խորհրդակցելու համար կուսակալ Երլիքայա նախընթաց օր այցելած էր Պատրիարքարան, ուրկէ արձակուելու ժամանակ տեղեկացուցած էր, որ հանդիպում մըն ալ կը նախատեսէր Տ. Արամ Արք. Աթէշեանի հետ։

Գրեց՝ ԱՐԵՒԻԿ ՊԱՊԱՅԵԱՆ

Համեմունքի չափաբաժին, զոր յաճախ կը զգամ կերակուրիս մէջ։
Մինչ այս տողերը գրելը, երկար խորհեցայ, ծանր ու թեթեւ ըրի… ի վերջոյ որոշեցի սփռել իմ խռովայոյզ զգացումները։

Մինչ կ՚ընթանայ Թուրքիոյ հայոց 85-րդ պատրիարքի ընտրութեան գործընթացի ժամանակացոյցը, երէկ Գումգաբուի մէջ տեղի ունեցաւ ուշագրաւ իրադարձութիւն մը:
Իսթանպուլի կուսակալը Պատրիարքարան այցելելով տեսակցեցաւ տեղապահ Տ. Սահակ Եպսկ. Մաշալեանի եւ Նախաձեռնարկ մարմնի ատենապետ Խոսրով Քէօլէդաւիթօղլուի հետ: Հանդիպում մըն ալ կազմակերպուած է Տ. Արամ Արք. Աթէշեանի հետ:
Ալի Երլիքայա ԺԱՄԱՆԱԿ-ին յայտնեց, որ ընդհանուր արժեւորման բնոյթով խորհրդակցութիւն մը կատարուած է: Պատրիարքական Աթոռի աղբիւրները պաշտօնապէս ոչինչ կը հաղորդեն այս մասին:

Տ. Արամ Արքեպիսկոպոս Աթէշեան երէկ երեկոյեան Սկիւտարի սանուց միութեան մէջ խանդավառ հանդիպում մը ունեցաւ ժողովուրդին հետ:
Նորին սրբազնութիւնը կարեւորութեամբ ուշադրութիւն հրաւիրեց նախընտրական գործընթացին ներգրաւուած վարձկաններուն վրայ. «Թողնենք, որ մեր համայնքը նախընտրութիւն մը ընէ ազատ կամքով։ Այլապէս, ով որ ալ բազմի գահուն վրայ՝ պիտի չհամարուի բոլորիս պատրիարքը եւ պիտի չվայելէ բոլորիս յարգանքը»:

ՀՐԱԿ ՓԱՓԱԶԵԱՆ

Նախորդ երկու յօդուածներովս գրեցի Թուրքիոյ մէջ որպէս պէյրութահայ փորձառութեանս մասին։ Քիչ մը դուրս գալով հետազօտութեան անմիջական շրջանակէն՝ փորձեցի բացատրել, թէ ինչպիսի՞ զարգացում ապրեցաւ Թուրքիոյ եւ անոր ժողովուրդին հանդէպ իմ կեցուածքս այդ երկրի մէջ անցած գրեթէ երկու տարուան ընթացքին։

Հայաստանի Հանրապետութեան նախագահ Արմէն Սարգսեան, որ պաշտօնական այցելութիւն մը տուաւ Տոհա, երէկ ընդունուեցաւ Քաթարի էմիր Թամիմ պին Համատ էլ Թանիի կողմէ։ Քաթարի էմիրի դիւանէն ներս տեղի ունեցած պաշտօնական դիմաւորման արարողութենէն վերջ Արմէն Սարգսեան եւ Քաթարի էմիրը քննարկեցին երկու երկիրներու համագործակցութեան հեռանկարները։

Հայաստանի Հանրապետութեան նախագահը այցելեց Քաթարի հիմնադրամի կեդրոնը:
Արմէն եւ Նունէ Սարգսեան ամոլը հիւրընկալուեցաւ շէյխուհի Մոզա պին Նասէր էլ Միսնետի կողմէ:

Թուրքիոյ հայոց 85-րդ պատրիարքի ընտրութեան Նախաձեռնարկ մարմնի կազմէն երէկ անդամ մը եւս պակսեցաւ։ Այսպէս, Նախաձեռնարկ մարմնի կազմէն հրաժարեցաւ իրաւաբան Սարօ Պենկլեան, որ միեւնոյն ժամանակ մամլոյ բանբերի պարտականութիւնը ստանձնած էր։

Խոր ցաւով վերահասու եղանք, որ իր մահկանացուն կնքած է երէց սերունդէ երախտաշատ կրթական մշակներէն Թագուհի Վոլքան-Աբրահամեան։ Յառաջացած տարիքի մէջ ան հրաժեշտ կ՚առնէ երկրաւոր կեանքէ՝ իր ետին թողլով բարի յիշատակ մը։