Արխիւ

Չինաստանի մէջ բացուած է դպրոց մը, ուր կը սորվեցնեն աշխարհահռչակ նորաձեւութեան տան մը ապրանքը ինչպէս զանազանել հմտօրէն կեղծուածէն։ Այսպէս, թանկարժէք ապրանքներու կեղծ տարբերակները լայն տարածում գտած են աշխարհի վրայ, ուստի, չինացի մեծահարուստներ սկսած են հազարաւոր տոլարներ վճարել մասնակցելու համար մասնագիտացուած դասընթացներու, որոնք կը սորվեցնեն, թէ ինչպէս կարելի է զանազանել աշխարհահռչակ վաճառանիշի մը իսկական ապրանքը կեղծէն:

Ատրպէյճանի կողմէ որդեգրուած ընթացքը կը վնասէ Թուրքիոյ բեռնափոխադրումները՝ դէպի Ասիա:
Տարանցիկ բեռնատարներէն կը պահանջուին շատ բարձր գումարներ, վարորդներու նկատմամբ վատ վերաբերմունքով հանդերձ:

Ծայրայեղականներու արարքէն վերջ 200 հրեաներէ բաղկացեալ խումբ մը այցելեց Երուսաղէմի հայոց թաղը:
Հիւրերը ծաղիկներ յանձնեցին՝ վերջին օրերուն յարձակման ենթարկուած Սրբոց Յակոբեանց միաբանութեան երկու անդամին:

Երէկ, Հայաստանի Հանրապետութեան նախագահ Արմէն Սարգսեան Երեւանի մէջ հիւրընկալեց Հայկական բարեգործական ընդհանուր միութեան (ՀԲԸՄ) կեդրոնական վարչութեան նախագահ Պերճ Սեդրակեանը։ Հանդիպման ընթացքին անդրադարձ կատարուեցաւ պատերազմէն վերջ Հայաստանի առջեւ ծառացած մարտահրաւէրներուն, մարդասիրական բնոյթով հրատապ հարցերուն, ինչպէս նաեւ երկրի սահմաններուն վրայ յառաջացած իրավիճակին։

Ռուսաստանի Արտաքին գործոց նախարար Սերկէյ Լաւրով յայտարարեց, որ Թուրքիա փոփոխութեան պէտք է ենթարկէ իր դիրքորոշումը Խրիմի հարցին շուրջ։ «Արկիւմենթի ի Ֆաքթի» թերթին տուած յայտարարութեան մէջ Սերկէյ Լաւրով Ուքրայնոյ տագնապին կապակցութեամբ կոչ ուղղեց Թուրքիոյ։

Թուրքիոյ Հայոց Պատրիարքական Աթոռի Ընկերային օժանդակութեան յանձնախումբի երկու ամիսը անգամ մը կատարած օժանդակութեանց շարքէն, 2021 տարեշրջանի երրորդ օժանդակութիւնը իրականացած է՝ մայիսի 18-ին։ 19 եկեղեցիներու մասնակցութեամբ կատարուած է 583 ընտանիքներու օժանդակութիւն։

Գրաբարէ թարգմանեց՝
ՎԱՐԱՆԴ ՔՈՐԹՄՈՍԵԱՆ

Այստեղ չորս հարցում կ՚ըլլայ.
Առաջին. ի՞նչ է հիւանդութիւնը:
Պատասխան. վարդապետնեը սահման կը դնեն, թէ հիւանդութիւնը կազմիչ մասնիկներու անչափութիւնն է: 

Յ. ՊԱԼԵԱՆ

Մեր ժողովուրդի պատմութեան ճակատագրական եւ արագացած պահերէն մին կ՚ապրինք: Արեւելք-Արեւմուտք դասաւորումներու մեծ խաղին մէջ, ինչ որ մնացած է Հայաստանէն, կրնայ վերջնականօրէն փուլ գալ, որուն մենք ալ մասնակից-մեղսակից կ՚ըլլանք, եթէ շարունակենք մեր «փոքրիկ ածուն» զանազան ձեւերով եւ իրարու բախող բազմաթիւ խոփերով հերկել, դարձնել անմշակ, անպէտք:

Քորոնաժահրի համաճարակի դէմ պայքարի մթնոլորտին մէջ աշխարհի վրայ աւելցած է միլիառատէրերու թիւը։ «COVID-19»ի դէմ պատուաստանիւթերու արտադրութեան բերումով ինն նոր միլիառատէր գոյացած է աշխարհի վրայ։