Արխիւ

ՍԵԴԱ ԳԱՆՏԱՀԱՐԵԱՆ

Առնօ Բաբաջանեանը զուարթ եւ կենսուրախ բնաւորութեան տէր մարդ էր եւ անոր արտաքին տեսքը այնպիսին էր, որ կը թուար, թէ հոգեկան անսպառ շռայլութիւն ունեցող այդ նրբազգած խորաթափանց քնարերգակը թաղուած է կեանքի մշտական խրախճանքի մէջ: Իսկ անոր ստեղծագործութեան խորքին միշտ փայլատակած էր մեղեդիներու թափանցիկ կապոյտը:

ՅԱՐՈՒԹ ԿԻՒԼԻՒԶԵԱՆ

Անցնող ամսուան գրեթէ աւարտին բացառիկ առիթը ունեցայ այցելելու արխիւատունը Մեծի Տանն Կիլիկիոյ Կաթողիկոսութեան՝ պարզապէս աչքէ անցընելու յետեղեռնեան շրջանի սփիւռքահայ գրականութեան ամենակարկառուն ներկայացուցիչներէն մէկուն՝ ԱՆԴՐԱՆԻԿ ԾԱՌՈՒԿԵԱՆԻ արխիւային հարուստ նիւթերը, որոնց մէջէն զիս ամենաշատ հետաքրքրողը անոր նամակներն էին:

Վրաստանի մայրաքաղաքը՝ Թիֆլիզի մէջ շաբաթավերջին զանգուածային ծեծկռտուք մը տեղի ունեցաւ ատրպէյճանցիներու եւ քիւրտերու միջեւ։ «Արմէնփրէս» գործակալութիւնը այս մասին մանրամասնութիւններ տեղեկացուց՝ Ատրպէյճանի լրատուամիջոցներու հաղորդումներուն հիման վրայ։

ԳԷՈՐԳ ՊԵՏԻԿԵԱՆ

​Եթէ մինչեւ հիմա, մօտիկ բարեկամներով մտերմիկ եւ անկեղծ մեր հանդիպումներուն, իբրեւ խօսակցութեան գլխաւոր նիւթ կամ վէճ եւ աւելին՝ կարծիքներու փոխանակումները կեդրոնացած կ՚ըլլային մեր հայրենիքի ներկայ խառնակ իրադարձութիւններու ու մանաւանդ անցեալ տարուան վերջերուն տեղի ունեցած Արցախի պատերազմի ու անոր աղէտալի արդիւնքներուն եւ հայրենի երկրի ներկայ իրավիճակին մասին, բայց այս անգամ, հոսքին հունը հիմնովին փոխուելով, ինքնաբերաբար տարբեր «գոյն-ձեւ» ստացաւ:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Սեւ Ծովեան տնտեսական համագործակցութեան կազմակերպութեան մօտ Հայաստանի Հանրապետութեան մշտական ներկայացուցիչ Սահակ Սարգսեանն ու ներկայացուցչութեան խորհրդական Նաղաշ Յակոբեանը։

Հայաստանի Հանրապետութեան նախագահ Արմէն Սարգսեան եւ վարչապետ Նիկոլ Փաշինեան երէկ հանդիպում մը ունեցան Երեւանի մէջ։ Նախագահական ապարանքին մէջ տեղի ունեցած զրոյցը զուգադիպեցաւ՝ Հայաստանի սահմաններու Ատրպէյճանի զօրքերուն կողմէ խախտումով պայմանաւորուած ծանր իրավիճակին մէջ։

Փրոֆ. Սօսի Անթիքաճեան ծաւալուն եւ մեծարժէք աշխատանքով մը թրքերէնի թարգմանած է Զահրատի աւելի քան հարիւր բանաստեղծութիւնները:
Յայտնի գրականագէտին կողմէ մեծ բանաստեղծի ութ գիրքերու հիման վրայ պատրաստուած հատընտիրը կը կոչուի «Ben O Çiçek Açmış Erik Ağacıyım»:

Գոհունակութեամբ վերահասու կ՚ըլլանք, թէ մեր համակրելի մեներգչուհիներէն Նուարդ Աւետիքօղլուի երաժշտական աշխարհէ ներս արձանագրած վերելքը այս շրջանին իրերայաջորդ ձեւով արձագանգ կը գտնէ հայկական զանազան զանգուածային լրատուութեան միջոցներուն մօտ։ Այսպէս, վերջերս Երեւանի «Հրապարակ» օրաթերթը դրուատալից յօդուածով մը անդրադարձաւ Նուարդ Աւետիքօղլուի գործունէութեան։

Արաբերէնէ թարգմանեց՝
ԱՆԻ ԲՐԴՈՅԵԱՆ-ՂԱԶԱՐԵԱՆ 

Քաղաքին ձայնը կը բարձրանայ.
«Մանուկը գրեց կրկնելով անոր ցաւերն ու երգերը». 
«Ո՛հ, մեր արտի աղբիւրները կարմիր են»:
Ծերունին կը գրէ.
«Ամայութիւնը մեր ոտքերուն արանքի հունտերն են»: