Արխիւ

ՀՐԱՅՐ ՏԱՂԼԵԱՆ

Հայ գրող եւ մտաւորական Նշան Պէշիկթաշլեան հակակրանք մը ունէր հայ կուսակցութիւններուն հանդէպ եւ կը հաւատար, որ անոնք մեր իրականութեան մէջ ստեղծուած են ազգութիւն պաշտպանելու անուան տակ սեփական շահեր հետապնդելու եւ ան այս մէկը իր առօրեայ յօդուածագրութիւններուն մէջ բացայայտ ձեւով կը յայտնէր։

Երէկ, սփիւռքահայ յայտնի մտաւորական տքթ. Յակոբ Այնթապլեան հիւրընկալուեցաւ Մխիթարեան վարժարանին մէջ։ Յակոբ Այնթապլեան, որ այս օրերուն քաղաքիս մէջ կը գտնուի, Մխիթարեան վարժարանէն ներս հաճելի զրոյց մը ունեցաւ աշակերտութեան հետ։

ԱՆՈՒՇ ԹՐՈՒԱՆՑ

Բոլոր պատերազմներուն մէջ, թերեւս, ամենէն անտանելի ու ամենէն դժուար ընդունելի կորուստը երեխաներու մահն է։ Զինուորը գիտէ, որ պատերազմի կ՚երթայ, մեծահասակը կրնայ հասկնալ վտանգին գոյութիւնը, բայց մանկութիւնը երբեք պէտք չէ դառնայ նշանառութեան թիրախ։ 

ՄԱՇՏՈՑ ՔԱՀԱՆԱՅ ԳԱԼՓԱՔՃԵԱՆ

Միջին դարը շատ երկար ժամանակամիջոց մը կ՚ամփոփէ իր մէջ, 476-էն եւ կամ 568-էն կամ նոյնիսկ 700-էն մինչեւ 1492, եւ կամ 1517. շուրջ տասնեակ մը դարեր։ Միջին դարը ծնունդ կ՚առնէ Հռովմէական կայսրութեան աւերակներուն վրայ։ 

Պելժիոյ համայնքէն ներս վերջին օրերուն յատկանշական իրադարձութեան մը վերածուեցաւ՝ նոր սերունդին ուղղեալ կազմակերպուած ճամբարը։ Արեւմտեան Եւրոպայի հայրապետական պատուիրակ Տ. Խաժակ արք. Պարսամեանի հովանաւորութեամբ եւ գլխաւորութեամբ տեղի ունեցաւ այս ճամբարը, որ կազմակերպուած էր երկրի հայկական եկեղեցական համայնքին ջանքերով։

Հայաստանի մէջ շաբաթավերջին տեղի ունեցած խորհրդարանական ընտրութեան արդիւնքը կը մեկնաբանուի նաեւ Թուրքիոյ հետ յարաբերութիւններու բնականոնացման գործընթացի ապագային տեսակէտէ։ Անգարա-Երեւան առանցքին վրայ այս փուլին դրական պատգամներու փոխանակումը կը շարունակուի։

Երէկ, Թուրքիոյ Հայոց Պատրիարք Ամեն. Տ. Սահակ Ս. արք. Մաշալեան ընդունեց «Յոյս» միութեան ներկայացուցիչները: Վարչութեան ատենապետ Լեւոն Եըլտըրըմեան եւ գործակից ընկերները, ինչպէս նաեւ Մայր Գայիանէ Տուլքատիրեան Ամեն. Ս. Պատրիարք Հօր ներկայացան՝ իրերօգնութեան եւ համագործակցութեան հարթակի մը ձեւաչափով գործունէութեան ձեռնարկած այս միութեան վերջին շրջանի աշխատանքներուն շուրջ տեղեկութիւններ ներկայացնելու առաջադրութեամբ:

Երէկ, շաբաթավերջին կազմակերպուած աւանդական բաժակի օրուան ի շարունակութիւն՝ Էսաեան վարժարանի այս տարուան յոբելեար շրջանաւարտները դարձեալ համախմբուեցան պատմական կրթօճախի համալիրէն ներս:

Շաբաթավերջին, Գուզկունճուքի Ս. Գրիգոր Լուսաւորիչ եկեղեցւոյ մէջ տեղի ունեցաւ տարեկան անուան տօնախմբութիւն՝ նախագահութեամբ Թուրքիոյ Հայոց Պատրիարք Ամենապատիւ Տ. Սահակ Սրբազան արքեպիսկոպոս Մաշալեանի, որ խօսեցաւ նաեւ քարոզ մը։