Արխիւ

«Լը Ֆիկարօ»ին տուած հարցազրոյցին մէջ Հայաստանի Արտաքին գործոց նախարար Արարատ Միրզոյեան պատասխանեց Թուրքիա-Հայաստան յարաբերութիւններուն վերաբերեալ հարցումի մը։
«Մենք մշտապէս յայտարարած ենք, որ պատրաստ ենք կարգաւորել մեր յարաբերութիւնները առանց նախապայմաններու՝ հակառակ Արցախի դէմ պատերազմի ընթացքին Թուրքիոյ կողմէ Ատրպէյճանին ցուցաբերուած հսկայական աջակցութեան։ 

Մայր Աթոռ Սուրբ Էջմիածնի Արտաքին յարաբերութիւններու եւ արարողակարգի բաժնի պետ Տ. Նաթան Արք. Յովհաննիսեան երէկ կիրակնօրեայ արարողութիւններուն նախագահեց Եշիլգիւղի Ս. Ստեփանոս եկեղեցւոյ մէջ։ Ինչպէս ծանօթ է, ան քաղաքս եկած էր՝ մասնակցելու համար նորոգ վախճանեալ Տ. Թաթուլ Ծ. Վրդ. Անուշեանի վերջին օծման։

Գալֆաեան Տան հիմնադրութեան 155-րդ տարեդարձը երէկ աւանդական ձեւով նշուեցաւ համայնքէն ներս։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախագահեց այս առթիւ Գումգաբուի Ս. Աստուածածին Աթոռանիստ Մայր եկեղեցւոյ արարողութեան։

Ամենայն Հայոց Տ.Տ. Գարեգին Բ. Կաթողիկոսը շաբաթավերջին շնորհաւորական մը ուղարկեց Ռուս Ուղղափառ Եկեղեցւոյ Տ.Տ. Քիրիլ Ա. Պատրիարքին, որ թեւակոխած է ծննդեան 75-ամեակի յոբելենական շրջանը։

Հայց. Առաքելական Եկեղեցւոյ Հիւսիսային Ամերիկայի Արեւելեան թեմի առաջնորդ Տ. Յովնան Արք. Տէրտէրեան վերջերս այցելեց Ֆրեզնօ, ուր Ս. Պատարագ մատոյց տեղւոյն Ս. Պօղոս եկեղեցւոյ մէջ։ Այս արարողութիւնը մայր եկեղեցւոյ կամարներուն ներքեւ համախմբեց հարիւրաւոր հաւատացեալներ, որոնք ունկնդրեցին Նորին Սրբազնութեան քարոզին։

ՏՔԹ. ԶԱՒԷՆ Ա. ՔՀՆՅ. ԱՐԶՈՒՄԱՆԵԱՆ

Բացառիկ տօն մըն է այս Ամերիկայի Միացեալ Նահանգներուն յատուկ, պատուաբեր տօն մը յիրաւի, երբ աշխարհի ամենէն բազմազբաղ երկիրը օր մը կը յատկացնէ Գոհաբանելու զԱստուած եւ շնորհակալութիւն յայտնելու Իր բոլոր բարիքներուն համար։ Պատիւ ամերիկացի մօտաւոր անցեալի նախագահներուն իրենց բացառիկ նկատառումին համար։

ՎԱՐԱՆԴ ՔՈՐԹՄՈՍԵԱՆ

Այսօր, մենք՝ մարդիկս, Աստուծմէ հեռու կեանք մը կ՚ապրինք, հակառակ բոլոր այն պնդումներուն, որ մենք Աստուածավախ ենք, Աստուածապաշտ ենք, քրիստոնեայ ենք, եկեղեցի կը յաճախենք, եւ այլն:

«Հայաստան» համահայկական հիմնադրամը ներկայիս Սիւնիքի մարզէն ներս կը ձեռնարկէ շարք մը ծրագրերու, որոնց նպատակն է համայնքային, կրթական եւ ընկերային նշանակութեամբ շարք մը խնդիրներու լուծումը։ Հայաստանի Հանրապետութեան նախագահ Արմէն Սարգսեանի նախաձեռնութեամբ սկսած են այս ծրագրերը։

Վրաստանի փոխ-վարչապետ ու արտաքին գործոց նախարար Տաւիտ Զալքալիանի յայտարարեց, որ իր երկիրը կը հրաժարի՝ Հարաւային Կովկասի համար նախատեսուած «3+3» ձեւաչափով հարթակին մասնակցելէ։ Վրաստանի խորհրդարանէն ներս ունեցած ելոյթին ժամանակ ան ըսաւ, թէ Թիֆլիզ պիտի չմասնակցի այդ նախաձեռնութեան։