Արխիւ

Մեծի Տանն Կիլիկիոյ Կաթողիկոսութեան հոգեւորականաց դասը շաբաթավերջին համալրուեցաւ երեք նոր կուսակրօնով։ Անթիլիասի Ս. Գրիգոր Լուսաւորիչ Մայր տաճարին մէջ, Տ.Տ. Արամ Ա. Կաթողիկոսը նախագահեց Ս. Պատարագին, որու ընթացքին տեղի ունեցաւ նորընծաներու ձեռնադրութիւնը։

ՏԻԳՐԱՆ ԳԱԲՈՅԵԱՆ

​Եթէ փորձենք արագօրէն վերաքաղ մը ընել մարդկային պատմութիւնը եւ անկէ եզրակացնել, թէ մարդուն անհատական ու հաւաքական զարգացումն ու յառաջդիմութիւնը ինչպէ՞ս իրագործուած են, կը տեսնենք, որ միշտ գիտութիւնն էր հիմնական շարժիչ ուժը այդ զարգացումը ապահովելու համար:

ԱՆՈՒՇ ԹՐՈՒԱՆՑ

Պոլսահայ գրող Զարուհի Գալէմքեարեան այն եզակի արեւմտահայ գրագիտուհիներէն է, որ Խորհրդային Հայաստանի մէջ գնահատանքի արժանացած է: 1964 թուականին Հայաստանի մէջ նշուած է անոր ծննդեան 90-ամեակը։

ՀՐԱՅՐ ՏԱՂԼԵԱՆ

«Եթէ սիրես, բայց սիրոյդ խենթ չդառնաս».
Ամենէն վտանգաւոր կիրքերէն մէկը սէրը ինքն է, որ պատմութեան ընթացքին պատճառ եղած է բազմաթիւ աղէտներու, որովհետեւ սէրը աւելի անզուսպ ու անիշխելի զգացում մըն է՝ քան միւս բոլոր զգացումները, ինչ որ մարդ արարած կրնայ ունենալ:

Երէկուան հանդիպումէն վերջ Փաշինեան, Միշել եւ Ալիեւ դարձեալ ժամադրուեցան ամրան համար:
Սահմանազատման հարցերով յանձնաժողովներու բանակցութիւնները տեղի պիտի ունենան Հայաստան-Ատրպէյճան սահմանին:

Գահիրէի մէջ կազմակերպուած Միջին Արեւելքի Եկեղեցիներու խորհուրդի համաժողովի եզրափակիչ փուլին ընդունուեցաւ համատեղ յայտարարութիւն մը, ուր անդրադարձ կատարուեցաւ տարածաշրջանի առկայ տագնապներուն ու մարտահրաւէրներուն, ինչպէս նաեւ եկեղեցիներու համագործակցութիւնը առաւել ամրապնդելու անհրաժեշտութեան։

Հայաստանի փոխ-վարչապետ Մհեր Գրիգորեան երէկ մասնակցեցաւ ԱՊՀ-ի անդամ երկիրներու վարչապետներու խորհուրդի ժողովին։ Այս առթիւ ան ունեցաւ ելոյթ մը, որու ընթացքին նշեց, որ Լեռնային Ղարաբաղի հիմնախնդիրը չի կրնար լուծուիլ ուժի ճամբով եւ հայկական կողմը կ՚աջակցի ԵԱՀԿ-ի Մինսքեան խմբակի համանախագահութեան միջնորդական դերին՝ հակամարտութեան բացառապէս քաղաքական եւ դիւանագիտական կարգաւորման ուղղեալ խաղաղ գործընթացի յառաջխաղացման գործընթացին մէջ։

Թորինոյի մէջ ԵԽ-ի ժողով. «Այսօր մենք ականատես կ՚ըլլանք անվտանգութեան ճարտարապետութեան վերահաս անկման, ինչ որ չէ սկսած վերջին քանի մը ամիսներուն»:
Հայաստանի Արտաքին գործոց նախարար Արարատ Միրզոյեան. «ԵԱՀԿ-ի Մինսքեան խմբակի համանախագահութիւնը առանցքային դեր ունի խաղաղ գործընթացը յառաջ մղելու հարցին մէջ»:

Գերագոյն հոգեւոր խորհուրդը յայտարարութիւնով մը հանդէս եկաւ Հայաստանի եւ Արցախի առջեւ ծառացած արտաքին ու ներքին մարտահրաւէրներուն առընչութեամբ:
«Առկայ խնդիրներու արժանապատիւ լուծումները պէտք է փնտռուին բացառապէս համընդհանուր կամքի արտայայտման ու համախոհութեան մէջ՝ առաջնային նկատելով ազգային ու պետական շահը»: