Արխիւ

Ֆէրիգիւղի ընտանիքը երէկ քէրմէս մը կազմակերպած էր ի նպաստ թաղի Մէրամէթճեան վարժարանին։ «Շիրինօղլու» սրահին մէջ իրականացուած այս նախաձեռնութիւնը համախմբեց թաղեցիներ եւ համակիրներ, որոնք Ամանորի ընդառաջ իրենց տրամադրութեան տակ դրուած՝ տօնական շրջանի բնորոշ իրեղէններուն նկատմամբ ցուցաբերեցին մօտիկ հետաքրքրութիւն։

Հայց. Առաքելական Ս. Եկեղեցւոյ Զուիցերիոյ թեմէն ներս այս շրջանին կը նկատուի աշխուժութիւն։ Այսպէս, շաբաթավերջին Նէօշաթելի եւ շրջանի Ս. Խաչ եկեղեցւոյ ծխական խորհուրդի 7 անդամներուն ընտրութիւնը տեղի ունեցաւ, ինչ որ մանաւանդ՝ համավարակով պայմանաւորուած ընդհանուր լռութեան շրջանէ մը վերջ ծիսական գործունէութեան վերաշխուժացման կարեւոր նախադրեալ մըն է։

Հայաստանեայց Առաքելական Եկեղեցւոյ Հիւսիսային Ամերիկայի Արեւմտեան թեմէն ներս վերջերս տեղի ունեցաւ հոգեւորականաց մասնաւոր հաւաք մը։ Պըրպենքի առաջնորդարանի համալիրէն ներս կազմակերպուած հաւաքոյթին մասնակցութիւն բերին թէ՛ Լոս Անճելըսի շրջանի եկեղեցականները եւ թէ թեմի յարաբերաբար աւելի հեռաւոր շրջաններու եկեղեցականները։

Ղալաթիոյ Ս. Գրիգոր Լուսաւորիչ եկեղեցւոյ յարակից «Կոլոտ» սրահին մէջ երէկ տեղի ունեցաւ Կեդրոնական վարժարանի ի նպաստ տարեկան աւանդական քէրմէսը, որ կազմակերպուած էր ծնողաց միութեան կողմէ։ Այս տարի եւս առցանց կազմակերպուած քէրմէսը պսակուեցաւ յաջողութեամբ։

ԱՆՈՒՇ ԹՐՈՒԱՆՑ

Նախանձիլ կարելի է այն քաղաքներուն, որոնք հոսող գետ ունին իրենց մէջ: Աշխարհի բազմաթիւ մայրաքաղաքներ, նոյնիսկ պզտիկ քաղաքներ, ունին այդ գեղեցկութիւնը, գետին կչկչացող, առողջ ձայնն ու անոր ջրառատ տեսարանը ուրիշ հմայք կը հաղորդեն քաղաքին:

ՀՐԱՅՐ ՏԱՂԼԵԱՆ

Այսօր, երբ ամէն տեղ կը բարձրաձայնուի հայերէն լեզուի կարեւորութեան ու ահազանգող նահանջին մասին, երբ հասակ առնող հայ երիտասարդներ անփոյթ քայլերով կը հեռանան մայրենիէն եւ անհաղորդ կը դառնան հայ կեանքին, մշակոյթին ու բարքերուն, երբ սփիւռքի մէջ եկեղեցական, կազմակերպչական ու ընկերային կեանքը կը հայաթափուի եւ ուծացման ուղին կը բռնեն, պատմութիւնը կու գայ գիտակցութեան հրաւիրելու իւրաքանչիւրս իրաւազրկուած մայրենիին հանդէպ:

Հայաստանի փոխ-վարչապետ Մհեր Գրիգորեան, Ռուսաստանի փոխ-վարչապետ Ալեքսէյ Օվերչուք եւ Ատրպէյճանի փոխ-վարչապետ Շահին Մուսթաֆաեւ երէկ հանդիպում մը ունեցան Մոսկուայի մէջ։ Արցախի երկրորդ պատերազմին յաջորդած մթնոլորտին մէջ, Երեւան-Մոսկուա-Պաքու առանցքին վրայ՝ տարածաշրջանային հաղորդակցութիւններու ապաշրջափակման հեռանկարով ստեղծուած աշխատանքային խումբի հերթական ժողովն էր այս մէկը։

Ամենայն հաւանականութեամբ Արարատ Միրզոյեան եւ Ճէյհուն Պայրամով այսօր տեսակցին Սթոքհոլմի մէջ:
Մոսկուա կ՚ողջունէ ԵԱՀԿ-ի դերակատարութիւնը՝ Լեռնային Ղարաբաղի հիմնախնդրի կարգաւորման ուղղութեամբ:

Հայաստանի Ազգային արխիւն ու Պէյրութի Հայկազեան համալսարանը կը նախատեսեն բազմաբովանդակ համագործակցութեան սկսիլ։ «Արմէնփրէս»ի հաղորդումներով, երէկ Երեւանի մէջ հանդիպում մը ունեցան արխիւի տնօրէն Գրիգոր Արշակեան եւ համալսարանի նախագահ վերապատուելի տքթ. Փոլ Հայտոսթեան, որոնք անդրադարձան համապատասխան նիւթերու։