Արխիւ

Հայաստանի Արտաքին գործոց նախարար Արարատ Միրզոյեանի եւ Ատրպէյճանի Արտաքին գործոց նախարար Ճէյհուն Պայրամովի միջեւ Սթոքհոլմի մէջ նախատեսուած տեսակցութիւնը տեղի չունեցաւ։ Ինչպէս ծանօթ է, երկու նախարարները վերջին օրերուն Շուէտի մայրաքաղաքին մէջ մասնակցեցան՝ ԵԱՀԿ-ի անդամ երկիրներու արտաքին գործոց նախարարներու հաւաքին։

Փոքրամասնութիւններու մամուլի դիմագրաւած մարտահրաւէրները կը քննարկուին զանազան երեսակներով:
Մտահոգութիւններու եւ զգայնութիւններու խաչմերուկին վրայ կ՚առանձնանան այն ծանր դժուարութիւնները, որոնք բաժին կը հասնին մայրենիով արտադրուող թերթերուն: Վաղը երեկոյեան յատուկ ծրագիր մը պիտի սփռուի ARTI արբանեակային հեռուստակայանէն:

Երէկ երեկոյեան, Ֆէրիգիւղի «Նազար Շիրինօղլու» սրահին մէջ տեղի ունեցաւ շահեկան բանախօսութիւն մը։ Այսպէս, Ֆէրիգիւղի ընտանիքին կողմէ ելոյթի հրաւիրուած էին երկու հեղինակաւոր մասնագէտներ՝ փրոֆ. Նուրհան Ֆըստըքճը եւ հոգեբան Պիւշրա Կիզէմ Սէօնմէզ։

Հարցազրոյցը վարեց՝ ՄԱՐԱԼ ՄԽՍԵԱՆ

Արաբական ծոցի Աստուածաշունչի ընկերութեան ընդհանուր քարտուղար տքթ. Հրայր Ճէպէճեանի նախաձեռնութեամբ եւ ջանքերով հայերէնով լոյս տեսաւ «Մանուկներու բացատրական Աստուածաշունչ՝ կեանքի մեծ հարցումներ փոքրիկ ընթերցողներու համար» գիրքը, որուն մասին մանրամասնութիւններ ունենալու նպատակով կատարուեցաւ հետեւեալ հարցազրոյցը:

ՎԱՐԱՆԴ ՔՈՐԹՄՈՍԵԱՆ​

Սուրբ Պօղոս առաքեալին Կորնթացիներուն ուղղուած առաջին նամակին 13-րդ գլուխը ներբողեան մը սիրոյ մասին, ուր առաքեալը մանրամասն կերպով կը թուարկէ մարդուն ունեցած հնարաւորութիւնները, կարելիութիւնները եւ յստակ կերպով կը շեշտէ, թէ հակառակ մարդուն ունեցած այդ բոլոր հնարաւորութիւններուն, կարելիութիւններուն, ընդունակութիւններուն եւ շնորհքներուն, սակայն եթէ մարդուն մէջ սէր չկայ, այդ բոլորը կը շոգիանան, անիմաստ կը դառնան, որովհետեւ մարդուն բոլոր արարքներուն եւ ներգործութիւններուն հիմքը պէտք է սէրը ըլլայ, առանց որուն ամէն ինչ անիմաստ եւ աննպատակ կը դառնայ:

Արաբերէնէ թարգմանեց՝
ԱՆԻ ԲՐԴՈՅԵԱՆ-ՂԱԶԱՐԵԱՆ

Սեւ ագռաւը թռաւ ճիւղէ ճիւղ եւ ըսաւ ճերմակ վարդի մը թուփին.
-Սեւ գոյնս գոյներուն ամենէն գեղեցիկն է:
Թուփը յորդորելով ըսաւ.
-Յիշէ՛, որ չկան սեւ վարդեր, սեւ ծառեր եւ սեւ խոտեր:

Դամասկոսէն վերջին օրերուն հասած լուրերը զայրոյթ յառաջացուցած են Անգարայի մէջ։ Այսպէս, Սուրիոյ ժողովրդական խորհրդարանը հանդէս եկաւ յայտարարութիւնով մը, որու մէջ նկրտումներ արտայայտուած են Հաթայ քաղաքին համար։

ԵԱՀԿ-ի անդամ երկիրներու արտաքին գործոց նախարարներու՝ Սթոքհոլմի մէջ կազմակերպուած ժողովը այսօր կը հասնի իր աւարտին։ Սա նախարարներու 28-րդ հաւաքն էր, որու ընթացքին առաջնահերթ ուշադրութեան առարկայ դարձան Լեռնային Ղարաբաղի հիմնախնդիրը, լուծման հեռանկարներով ու 44-օրեայ պատերազմի հետեւանքով ստեղծուած իրադրութիւնով հանդերձ, ինչպէս նաեւ Հայաստան-Ատրպէյճան յարաբերութիւնները։

ԺԱՄԱՆԱԿ-ի ընտանիքը այսօր կ՚ոգեկոչէ հոգելոյս Արայ Գօչունեանը՝ մահուան 25-րդ տարելիցին առթիւ։

Եթէ ԺԱՄԱՆԱԿ օրաթերթը կը համարուի հայ մամլոյ նահապետ, ապա անոր պատմական ճանապարհորդութեան ամբողջին մէջ անուրանալի է լուսահոգի Արայ Գօչունեանի առանցքային դերակատարութիւնը, վիթխարի վաստակը եւ անփոխարինելի ներդրումը։