Արխիւ

Հայաստան-Ատրպէյճան սահմանին վրայ այս շաբաթավերջին եւս լարուածութիւնը շարունակուեցաւ։ Երեւանի պաշտօնական աղբիւրները հաղորդեցին, որ Ատրպէյճանի զօրքերը կրակած են Վարդենիսի ուղղութեամբ։

Հայաստանի եւ Վրաստանի վարչապետները կը շարունակեն յառաջ տանիլ աշխոյժ երկխօսութիւն:
Փաշինեան եւ Ղարիպաշվիլի կարծիքներ փոխանակեցին տարածաշրջանային իրավիճակին ու զարգացումներուն շուրջ:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ կիրակնօրեայ Ս. Պատարագին նախագահեց Ֆէրիգիւղի Ս. Վարդանանց եկեղեցւոյ մէջ։ Կաթողիկէ Սուրբ Էջմիածնի տօնի օրուան առթիւ, Ամեն. Ս. Պատրիարք Հօր նախագահութեամբ, աւանդական արարողութիւններ տեղի ունեցան՝ հոծ թիւով հաւատացեալներու մասնակցութեամբ։

Համայնքային շրջանակներէ ներս արդէն անմիջական ուշադրութեան առարկայ է՝ փոքրամասնութեանց վաքըֆներու ընտրութեան նոր կանոնադրութիւնը, որ հրապարակուեցաւ շաբաթավերջին։ Կը տեղեկանանք, որ այս նոր կանոնադրութեան արժեւորման նպատակով Թրքահայ վաքըֆներու միութիւնը (ԹՎՄ-ERVAB) այս չորեքշաբթի ժողով մը պիտի գումարէ Սուրբ Փրկիչ Ազգային հիւանդանոցի մէջ։

Պաշտօնաթերթին մէջ ուշ երեկոյեան հրապարակուեցաւ ոչ-իսլամ փոքրամասնութեանց համայնքային հաստատութիւններու ընտրութեան նոր կանոնադրութիւնը:
Մինչեւ տարեվերջ պէտք է վերանորոգուին վարչական կազմերը: Վաքըֆներու ընդհանուր տնօրէնութիւնը յստակեցուցած է ընտրական համակարգին վերաբերեալ բոլոր մանրամասնութիւնները, որոնք նոր իրավիճակ ու նոր հաւասարակշռութիւններու ծնունդ կրնան տալ թրքահայ ազգային-եկեղեցական կեանքէն ներս: Գաւառի պարագային յարաբերաբար աւելի ճկուն կարգադրութիւններ կը նախատեսուին ընտրաշրջաններու սահմանման առումով:
Միակ բացառութիւնը դասուած է Սուրբ Փրկիչ Ազգային հիւանդանոցը, որու հոգաբարձութեան համար քուէարկութիւնը պիտի կատարուի տարի մը աւելի ուշ՝ մինչեւ 2023 թուականի վերջը:

Գալֆաեան Տան մէջ վերջերս տեղի ունեցաւ տարեվերջի հանդէս, ինչ որ մեծ խանդավառութեան առիթ դարձաւ։ Ներկայ գտնուեցան խնամակալութեան ներկայացուցիչները, դպրոցի պատասխանատուները, կրթական մշակներ, ծնողներ եւ հիւրեր։

Ամենայն Հայոց Տ.Տ. Գարեգին Բ. Կաթողիկոսը երէկ Մայր Աթոռ Սուրբ Էջմիածնի մէջ ընդունեց Եւրոխորհուրդի ընդհանուր քարտուղար Մարիա Պուրիչի կողմէ գլխաւորուած պատուիրակութիւնը, որ Երեւանի մէջ շփումներ ունեցաւ՝ ամենաբարձր մակարդակի վրայ հիւրընկալուելով Հայաստանի ղեկավարութեան կողմէ։

ՎԱՐԱՆԴ ՔՈՐԹՄՈՍԵԱՆ

Վաղը, Հայ Առաքելական Սուրբ Եկեղեցին պիտի նշէ Կաթուղիկէ Սուրբ Էջմիածինի տօնը:
Օրուան ճաշու ընթերցուածները հետեւեալներն են.
Առակաց գիրքէն 9.1-6:

Հայաստանի Հանրապետութեան նախագահ Վահագն Խաչատուրեան այս առաւօտ Սեն Փեթերսպուրկի մէջ հանդիպում մը ունեցաւ Ռուսաստանի նախագահ Վլատիմիր Փութինի հետ։ Երկու նախագահները Սեն Փեթերսպուրկի մէջ կը գտնուին՝ համաժողովի մը մասնակցելու համար։