Արխիւ

Հանրապետութեան նախագահ Ռեճեփ Թայյիպ Էրտողան երէկ Անգարայի մէջ հիւրընկալեց Լեհաստանի նախագահ Անտրէյ Տուտան։ Չանքայայի ապարանքին մէջ տեղի ունեցաւ երկու ղեկավարներուն հանդիպումը, որ տեւեց շուրջ 2 ժամ 15 վայրկեան։

Երէկ, «Restart» նախաձեռնութեան կազմակերպութեամբ, «Բերա փալաս» պանդոկին մէջ տեղի ունեցաւ Հարաւային Կովկասի ներկայ իրավիճակին վերաբերեալ քննարկում մը, որու ատենախօսներու շարքին էր Ամերիկայի Միացեալ Նահանգներէն միջազգայնագէտ ու քաղաքագէտ Արման Գրիգորեան, որ Անթալիայի Դիւանագիտական ֆորումին մասնակցելէ վերջ եկած էր քաղաքս։

Մեծի Տանն Կիլիկիոյ Տ.Տ. Արամ Ա. Կաթողիկոսը Անթիլիասի մէջ հիւրընկալեց յայտնի մեներգչուհի Սիպիլը, որ վերջին օրերու Պէյրութի համերգով լիբանանահայութեան մեծ համակրանքին առարկայ դարձաւ։ Ջերմ զրոյցի ընթացքին Կիլիկեան Աթոռի գահակալը արտայայտեց հայրական գնահատանքը Սիպիլի արուեստին նկատմամբ։

ԱՐԱ ԳՕՉՈՒՆԵԱՆ

Անթալիայի Դիւանագիտական ֆորումին մթնոլորտը ամբողջութեամբ կը ցոլացնէր Թուրքիոյ արտաքին քաղաքականութեան այժմու յաւակնութիւնները՝ մասնաւորապէս վերջին տասնամեակներու ձեռքբերումներու լոյսին տակ։ Այդ յաւակնութիւնները կարեւոր նշանակութիւն ունին՝ խորաթափանց պատկերացնելու տեսակէտէ Թուրքիա-Հայաստան յարաբերութիւններու բնականոնացման այժմու գործընթացը, որ նոր փորձ մըն է վերջին 30 տարիներու ժամանակաշրջանին։

ԱՆՈՒՇ ԹՐՈՒԱՆՑ

Հայաստանեայց Առաքելական Եկեղեցին, Մեծ պահքի երրորդ շաբաթ օրը, աւանդաբար, կը տօնէ Հայ Եկեղեցւոյ նշանաւոր աստուածաբան-եկեղեցականներու՝ Սուրբ Յովհան Օձնեցի հայրապետի, Սուրբ Յովհան Որոտնեցի եւ Սուրբ Գրիգոր Տաթեւացի վարդապետներու եւ Երուսաղէմի Սուրբ Յովհան հայրապետի յիշատակութեան օրը:

ՀՐԱՅՐ ՏԱՂԼԵԱՆ

Հեքիաթները, զրոյցներն ու առասպելները ճշմարիտ են թէ ոչ՝ մեր այսօրուան նիւթը չէ, սակայն պարզ է, որ անոնք գրուելու եւ թուղթ լեցնելու սիրոյն գրուածքներ չեն: Թէեւ շատ անգամ անհաւատալի ու չափազանցուած, անոնք գրուած են փոխանցելու գաղափար մը, որ աւելի՛ կարեւոր է քան ճշմարտութեան ստուգումը:

Հանրապետութեան նախագահ Ռեճեփ Թայյիպ Էրտողան յայտարարեց, որ Արտաքին գործոց նախարար Մեւլիւտ Չավուշօղլու այսօր պիտի ուղեւորուի Մոսկուա, ուր վաղը շփումներ ունենալէ վերջ պիտի անցնի Քիեւ։

Անթալիայի Դիւանագիտական ֆորումին մասնակցելէ վերջ հարցազրոյց՝ «Անատոլու» գործակալութեան:
Արարատ Միրզոյեան. «Նախարար Չավուշօղլուի հետ կարծիքներ փոխանակեցինք կարգ մը զգայուն կէտերու շուրջ»:

ՍԱԳՕ ԱՐԵԱՆ

Ռազմեր եւ ծանր հրետանիով ռմբակոծումներ, մինչ Քիեւի մէջ «պարէտային ժամ» հաստատուած է։ Խերսով արդէն Ռուսաստանի զինեալ ուժերու տիրապետութեան տակ է։ Ուքրայնայի մէջ, թէեւ ռազմական գործողութիւնները մասամբ դանդաղած են, բայց եւ այնպէս, պատերազմը «հաստատակամ» կերպով կը շարունակուի։